A LA NOBLESSE ET FILLES DE

Bourgongm, temns le party de la feinte Vnton.

MESSIEURS le croy que ceux d entre vous i qui ont participé aux plus priués con- '' seilsdes chefs de la des- Vnion des bons François, n'oseroyent auec vérité affermer ce que plusieurs, ont osé publier par escript, que les foules et oppressions du peuple, ou le feruent zèle que vous auiez eu à la Religion Catholique Apostolique et Romaine, ayent esté la pierre qui ayt aiguisé voz félonnes et rebelles armes, contre feu de bonne mémoire Henry troisiesme de ce nom, nostre bon Roy et spuuerain Seigneur, d'autant que nul de vous n'eust osé se comparer en zele et ferueur de Religion auec sa Majesté : en laquelle l'vn des plus grands de voz

supposts, a tesmoignè, tant par escript, qu'à la veuë de tous les plus grands de la France, le zèle de la religion auoir esté plus grand et rare, qu'en autre Monarque du monde, et qu'en vous plaignant de quelques gouttières, que par extraordinaires exactions, et mauuais mesnage de ses finances, il auroit causé en cest Estât. Voz félons et rebelles desportemens, vous conuaincroyent de l'auoir miné et sapé par le pied, pour le réduire au dernier période de sa ruine : Car au lieu de diminuer les foulles du peuple, vous les auez plus que redoublées. Quel aduantage donc ou soûlas luy ont apporté voz furieux mouuemens, pour faire croire qu'ils ayent esté causes, pour pourueoir aux desordres de ses foulles et oppressions ? Aussi ceux qui en pensent mieux estre esclarcis, en raportent la source, au désir que le Duc de Mayenne a eu de venger la iuste punition que sa Majesté ordonna estre Éiicte à Bloys, de la rébellion et félonie des Duc et Cardinal de Guise ses fireres, mais ils se trompent, par ce que l'orgueil du Duc de Guise, luy ayant tellement enflé le courage, qu'il ne vouloit plus de supérieur ny de pareil, auoit tellement altéré leur bonne intelligence, qu'auparauant son

trespas, le Duc de Mayenne ne cherchoit que de rompre auec luy, pour r'entrer aux bonnes grâces du Roy, auquel mesme il auroit donné aduis de veiller sur les desportemens de son frère, par ce qu'il y auoit du péril en la demeure. Aussi si ceste vengeance eust esté la seuUe causé motiue de vos soulesuemens, elle ne vous pourroit seruir d'excuse comme à luy, d'autant que les Duc et Cardinal de Guise n'estant vos frères, nulle raison naturelle ny ciuile, vous obligeoit de venger leur mort, au preiudice de l'obeyssance et fidélité que vous debuiez à vostre Roy, non plus que vous ne vous estes ressentis des cruels assassins que les Ducs de Guise et de Mayenne ont commis de leurs mains, ou faict commettre aux personnes de S. Maygrin, Sacremore, de Virague (i), le Marquis de Menelay, et plusieurs autres Françoys comme vous, qui ne leur estoyent subiects ny vassaux.

D'auantage si ceste vengeance vous piquoit, le cruel parricide de vostre Roy ne deuoit-il borner vostre fureur, sans l'estandre sur tout le

(i) Birague.

peuple François qui ne pouuoit mais de ses morts ? Quant les conspirateurs de la mort de César, mirent en délibération, si auec César on deuoit aussi tuerAntonius, MarcusBrutusne fust de cest aduis : disant que l'affaire qu'ils auoyent entrepris pour la Justice, et pour les loix, deuoit estre exempt de toute iniure et iniustice. Quelle plus grande iniquité, que de reietter la peine du prétendu forfait du Roy, sur ses iadis subiects, mais vous direz :

// faut que les subiects supportent Voffence, Des Roys mal aduise:^ la cruelle vengeance.

Le feu Roy n'estant qu'vsufructuaire du Royaume, les subiects de la Couronne ayans délaissé d' estre ses subiects, vostre dire ne pourroit estre accommodé aux bons François, aflfranchis de la subiection du feu Roy. Ce n'est donc ce désir de vengeance qui vous a picquez, par ce qu'estant borné' de l'effect d'icelle, puis que vous en estes assouuis par le cruel parricide du Roy, vous fussiez demeurez en repos. Le mal donc ne vous tenoit là, ains le Duc voyant que les pièges et filets que son firere et leurs prédécesseurs, auoyent

des longtemps tendus, pour attraper nostre Royauté, demeuroyent abandonnez par la mort d'iceluy: il s'en seroit voulu approcher, pour recueillir la proye qui tomberoit en iceux. Et pour ce que très magnanime et vertueux Henry de Bourbon à présent nostre Roy souuerain coûime plus proche et habile, luy seruoit d'obstacle à sa chasse, il auroit artificiellement inuoque vostre ayde pour combattre (comme il disoit) l'heresie, qui par son moyen deuoit formiller par toute la France, et luy auroit cauteleusement opposé monsieur le Cardinal de Bourbon son oncle, pauure prestre plus que septuagénaire, plus prochain, et habile à succéder a la Couronne du Ciel qu'à celle de France : pour cependant qu'il luy feroit porter la marote, se saisir du vray sceptre, et soubs le tiltre de Lieutenant gênerai de l'Estat et Couronne de France (Auquel comme l'on dict du Pape Guillemot, il s'estoit esleu soy-mesme) eslogner tant qu'il pourroit nostre Roy, de ses filets et cordages. Mais ne se sentant suffisamment appuyé de ce vieil arbre, duquel d'heure à autre il preuoyoit l'instante ruine, ny de voz armes rebelles; il y auroit voulu adiouster vne estroicte alliance avec l'Es-

pagnol ancien et capital ennemy de la France. Cestui-cy appelle à vne certaine espérance de proye, plus par vostre seule diuision que par ses propres forces : tout ainsi que les Médecins desguisent l'amertume de leurs drogues, de quelque dorure, ou condiment de succre, et autre douceur amiable au goust, auroit aussi desguisé son entrée à main armée, dans ce misérable Royaume, soubs le spécieux, et plausible prétexte delà conseruation de la Religion Catholique, Apostolique et Romaine. Vous ayant soubs ce faux prétexte, facilement persuadé, que tout ainsi quejovinian fils du Conte Varronian, ayant esté esleu Empereur, par l'armée de Julian l'Apostat après la mortd'iceluy, refusa l'Empire, à raison de ce qu'estant Chrestien, il luy seroit mal séant de commander a une armée Payenne:

aussi estans Catholiques, vous ne deuiez souffrir la domination d'vn Roy Hérétique. Voilà le pauot somnifère, duquel voz peu cauts espris ont esté endormis, tant par le Duc de Mayenne, que par l'Espagnol, et n'estimant ses anchres suffisantes, pour arrester vostre légèreté naturelle, ils ont adiousté l'interdict et excommunication de nostre Roy, qu'ils ont extorqué de

nostre Sainct-Pere, contre les anciens priuileges de ce Royaume, que Bodin et Choppin (deux des plus sçavans de tous ceux qui ont trempé en vostre infâme coniuration) ont laissé par escript, auoir esté concédez par plusieurs Papes, aux Roys, Royaume et regnicoles de France.

O âmes dégénérées et dignes de perpétuelle servitude, mal eussiez vous faict comme ces généreux François, subiects du Roy Loys douziesme, lequel ayant esté mis en interdict par le Pape Jules deuxiesme, tant s'en faut qu'ils en amoindrissent en rien, qu'au contraire ils en augmentèrent de beaucoup l'obéissance qu'ils deuoyent naturellement à leur Roy. Pour quelque temps ce Regnard a semé ses doublons, et doubles doublons, et rempli nos campaignes de gens de guerre, non à autre intention (disoit-il) ni sous espérance d'autre loyer, que pour auoir l'honneur, d'empescher que ce tant Catholique Royaume ne tombast entre les mains d'vn Roy Hérétique. Mais en l'assemblée des coniurez des trois ordres de vostre party que le Duc de Mayenne auoit indicte à Paris ; il fist bien cognoistre par ses agens, que sa pensée estoit plus terrestre que céleste, quand il fist demander la couronne de

France pour le Duc Ernest d'Autrische son cousin, et pour l'infante d'Espagne sa fille, qu'il luy auoit promise en mariage, voulant soubs ce feint zèle de Religion, de frauder le duc de Mayenne, du loyer qu'il esperoit de sa rébellion : et faire tomber nostre Royaume en quenouille, renuerser les fondemens de la Loy Salique, seule fondamentale de ce Royaume, et asseruir la plus généreuse, et belliqueuse nation de la Chrestienté, à la tyrannique domination de la maison d'Austrische, de laquelle les paysans de trois pauures villages des valees de Suisse, Vry, Suits et Vudervarld, n'ont onques peu supporter le ioug.Qu'eust dict la Noblesse de France qui viuoit du temps du Roy Charles septiesme, si elle eust ouy si insolente proposition ? veu que les Anglois, (la domination desquels n'est que rosée, au respect de la tyrannie Espagnole) ayans faict conqueste des pays et Seigneuries subiects au Roy, et à la Couronne de France, la pluspart ayma mieux perdre leurs terres, fiefs, et Seigneuries, que fausser la foy à celuy à qui naturellement ils ladeuoyent, combien que l'Anglois eust faict publier, que tout homme de quelque estât ou condition qu'il fust, qui voudroit se tenir aux terres par luy conquises

(luy faisant le serment et hommage comme à son souuerain) seroit receu et gardé en ses biens, droicts et priuileges, et leur feroit rendre leurs terres, si ja elles estoyent occupées. Il est vray que quelques vns de la Noblesse de vostre party, ayant encor quelque estincelle de la générosité de ses anciens François, se sentans oflFencés de l'odeur de si infecte proposition, les agens du Tyran de Seuille,.changearent le grain, et mirent en auant le mariage de ceste Infante, auec le ieune Duc de Guise, à la clîarge qu'ils seroyent couronnez Roy et Royne de France, mais l'expérience a monstre que ce h'estoit qu'vn artifice pour gaigner temps, à ce que cependant que vous amuseriez à ce ioûet, il fist descendre le Duc Ernest es pays bas, auec vne puissante armée, pour extorquer de vous par la force, ce que de plain gré vous ne luy auriez voulu accorder.

Voilà comment ce grand et feruent zèle de religion, ne tent qu'à la subuersion des loix fondamentales de l'Estat et Couronne de France, et translation d'icelle sur les chefs d'vne femme, et d'vn petit Prince estranger, auquel cent seigneurs François ne portant titre de Princes, ne voudroyent céder, en vertu, générosité, majesté, ou suffi-

sance à manier cest Estât. Voudriez vous bien donc ressenibler à ceux qui habitent en l'Arabie heureuse, lesquels cherchent la myrrhe chez leurs voisins, encor que la nature aye prodigieusement remply leur contrée de toutes sortes des plus soûefues et meilleures odeurs : estes vous bastards, ou dégénérez de ceste généreuse nation Françoise, de vouloir, sous prétexte de Tayde, mendiée de l'Espagnol par le Duc de Mayenne, pour se maintenir en sa rébellion, vous asseruir à la domination du plus superbe et insupportable Seigneur qui se puisse choisir entre les viuans. Et toy Duc de Mayenne que pense tu en ton ame, de veoir que ce tant zélé protecteur de la saincte Religion Catholique, que tu as prins en ayde pour précipiter nostre Roy de son trosne Royal pour t'y seoir, esgare ton gibier, et veut faire prendre la proye, que tu as si long temps, et auec tant de périls et trauaux pourchassée, au Duc Ernest, ou au Duc de Guise ton nepueu, ou pour mieux dire attacher nostre Royauté au cottillon de sa fille.

A insi pour vous moutons vous ne porte:{ la laine, A insi pour vous taureaux vous h'escorche:( la plaine, Ainsi mouches pour vous aux champs vous ne ruche^, A insi pour vous oyseaux aux bois vous ne niche:^.

Voylà les vrais efFects de Tayde et protection mendiée des estrangers. C'est pourquoy Barthélémy Colion, que les Vénitiens auoyent esleu chef de leur armée, et auquel, pour auoir fidellement et heureusement administré les affaires de leur République, ils firent ériger vne statue d'or, les reprit aigrement, de ce que indiscrètement ils s'estoyent refiez en luy, qui estoit estranger, et lui auoyent donné tout pouuoiret authorité sur eux, et leur Republique. Aussi Corinthe ne cheùt en la tyrannie que pour s'estre constitué. Empereur, Tymophanes estranger. Et n'ont les Anglois occupé la grand Bretaigne, les Maures l'Espagne, ni les Turcs la Grèce, que pour auoir esté par eux appeliez à leur secours et protection. Cela vous est trop clair, qu'autre maladie ne trauaille plus la France que l'ambition Espagnole, par ce que la conuersion de nostre Roy à la Religion Catholique, Apostolique et Romaine, ayant * arresté l'opération du pauot de faux prétexte de religion qui vous a si long temps endormis, doit dessiller les yeux pour vous faire visiblement cognoistre qu'il ne s'agit plus du faict de la religion, ains d'vn subtil abus pour deceuoir la gorge du duc

de Mayenne, béante après nostre Royauté : à fin de poser ceste tant illustre Couronne sur le chef de l'Infante d'Espagne. Estimez-vous que les sieurs de la Chastre, père et fils, de Villeroy, d'Alincour, de Belin, de Villars, de Brissac, de Grandmont, et plusieurs autres des premiers et des plus grands chefs de la Ligue ; et la plus part des meilleures villes de France, qui ont esté endormies de mesme pauot que vous eussent quitté vostre party, s'ils n'eussent bien recogneu qu'il y a plus d'ambition que de zèle de religion, en ceux qui désirent nous faire continuer de voguer en ceste périlleuse mer de sédition et rébellion populaire, pour anéantir ce tant excellant Estât, et bastir de sa ruine la grandeur de l'estranger. Misérables vipères voudriez-vous bien ronger le ventre de vostre mère la France, pour renaistre Espagnol. Voire, mais (direz-vous) la conuersion du Roy n'est qu'vne feinte. Qui vous- a rendu participans de ce que Dieu s'est seul reserué en partage, de lire dans les cœurs des Rois et pénétrer iusques aux plus profondes cachettes de leurs pensées? A quoy cognoissez-vous que le Roy d'Espagne, le Duc de Mayenne et toute sa séquelle, croyent en

Dieu, et que la conuersion de nostre Roy ne soit qu'hippocrisie, puisqu'il n y a qu'vn seul qui en puisse iuger, lequel ne peust estre trompé. Le Pape (direz-vous) n'a pas appreuué sa conuersion, mais il ne la pouuoit légitimement reprouuer, n'estant seulement tenu d'ouurir la porte, ains aussi d'aller rechercher par les lieux et précipices plus dangereux, voire iusques à la gorge des loups rauissans ses brebis esgarees, pour les réduire en sa bergerie. Il ne le pouuoit (dis-ie) reprouuer, si par les artificieuses menées et menasses de l'Espagnol, il n'eust esté violenté en ses sainctes intentions. Le Roy est relaps, encore que sa conuersion l'auroit reduict au giron de l'Eglise sa Saincteté ne le pourroit rendre capable du Royaume, que la nature et loy Salique luy deflferent. Mais dictes moy, lesus Christ a il deffendu de payer le didrachme à César, quoy qu'il fust Payen ? ordonna-il pas de rendre à César ce qui est à César, laissa-il de constituer sainct Pierre chef de son Eglise pour estre relaps, et l'auoir renoncé iusques à trois fois ? S'il nous a ordonné de pardonner septante fois, sept fois, à ceux qui nous auront offencé, pourquoy auroit-il restraint la clémence et mise-

ricorde de nostre mère saincte Eglise, sa chère et bien aymee espouse, tellement qu'elle fermast à iamais son giron à ceux qui l'auroyent pour la seconde fois offencé? ô hérésie plus que Nouatienne. Au demeurant quelle autorité peut auoir sa Saincteté sur la disposition de ce tant illustre Royaume, que le pape Clément cinquiesme (comme plusieurs autres de ses prédécesseurs) a déclaré auec son Roy et regnicoles, estre exempt de la subiection de l'Eglise Romaine, par priuileges enclos au corps du droict Canon, nonobstant la déclaration du Pape Boniface huictiesme, qu'il est nécessaire pour le salut de s'assubiectir au Pontife Romain. Mais ce n'est possible pas ce qui vous empesche et retient de recognoistre vostre Roy et de recourir à sa clémence, pour auoir abolition de vos forfaicts : ains ou la crainte de contreuenir au serment que vous auiez preste en vostre coniuration, de ne recognoistre iamais un Roi hérétique, ou (ce qui est plus crédible) le desespoir de pouvoir obtenir grâce de vostre felonnie et rébellion. Quant à vostre serment, s'il n'est autre, que de ne recognoistre iamais vn Roy hérétique, vous ne l'enfraindrez aucunement recognoissans et

retournans de bon cœur à nostre Roy, par ce qu'il est à présent plus Catholique que vous tous, et pour ce que la cause limitée, doit produire efFect limité, la cause de vostre serment cessant, vous estes suffisamment dispensez d'iceluy. Que si vostre serment est de secouer entièrement le ioug d'obéissance, que naturellement et ciuilement vous deuiez aux légitimes successeurs de ceste Couronne, il n'est point obligatoire pour estre contre les bonnes mœurs, aussi ne tiens-ie pas vos consciences si estroictes, que vous fissiez estât de vos sermens, après auoir violé le serment de fidélité et obéissance, duquel la nature, et loy du Royaume, vous ont dès le ventre de vos mères obligez à voz Rois naturels et légitimes. Celuy qui a osé le plus, ne doit craindre faire le moins, qui vous a dispensé de ce premier et tant sainct serment, au preiudice duquel, tous autres que vous pourriez consequcmment auoir faict, seroyent de nul efiect et valeur. Quant au desespoir d'obtenir grâce et abolition de vos felonnies et rebellions, il doit estre loué par les exemples de la rare et indicible clémence, de laquelle nostre Roy a vsé enuers tous ceux qui ont recours à sa Majesté, mesmes enuers le Duc

de Feria et les Espagnols ses ennemis capitaux, les séditieux predicans trompettes de la rébellion, et les seize Bourreaux de Paris, ministres de la tyrannie Espagnole, tous dignes de mugir dans le Taureau d'airain du tyran d'Agrigente. Il a faict vne abolition générale, et reçoit à bras ouuerts tous ceux qui se recognoissent : et mettant soubs le pied toutes leurs offences, il les traicte indifféremment comme ses bons et loyaux subiects, ie m'asseure qu'il n'a tenu et ne tiendra qu'au Duc de Mayenne, qu'il treuue autant d'humanité et clémence en sa Majesté, que Stenon fist iadis en Pompée, lequel ayant proposé de punir rigoureusement les Mamertins, de ce qu^ils s'estoyent révoltez contre luy ; Stenon luy dict qu'il ne feroit pas bien ny iustement, s'il faisoit mourir plusieurs innocens, pour et au lieu d'vn qui seul estoit coulpable, et que c'estoit luy seul qui auoit faict reuolter et rebeller toute la ville, y ayant induict ses amis par amitié, et contrainct ses ennemis par force. Ces paroles touchèrent tellement le cœur de Pompée qu'il pardonna aux Mamertins, et se porta fort humainement enuers Stenon. Ne permettez donc que ce desespoir, glisstp en vos âmes, et vous

fasse doubter de sa clémence, ains auec vn cœur contrit et repentant, retournez à sa bonté, auec ferme resolution d'effacer par vostre fidélité et loyauté future, toutes taches de rébellion du passé, remettez vous deuant les yeux, combien vos furieux deportemens ont apporté d'incommoditez à vos affaires, de pertes et ruynes à vos personnes et moyens, qui ne se peuuent reparer que par effects contraires à ceux qui en ont esté la cause et le motif, et principalement, vous messieurs de la Noblesse, r'amenez en vostre mémoire en quelle estime le Duc de Mayenne vous a eu, n'ayant iugé aucun de vous dignes des gouuernemens de villes et places fortes de ceste Prouince, comme si elle eust esté stérile d'hommes capables de telles charges. Si vous considérez bien pourquoy vn Gascon, vn Italien, quelques soldats de fortune; quelques petits maistres d'hostel de sa maison, et autres aussi peu chargés de noblesse, qu'vn crapaut de plumes, ont esté par luy préférez à vous ausdictes charges et gouuernemens, possible demeurerez vous d'accort auec moy, que c'est, ou parce que telle gens estans ses créatures qu'il auroit, comme les champignons, eslevez en vne nuict, il en

iouyroit mieux que de vous autres, etlespourroit aussi tost deffaire qu'il les auroit faicts : ou que vostre loyauté et fidélité luy a esté suspecte, pour vous en auoir veu manquer enuers vostre Roy, ou pour vous oster tous moyens, retournans de l'estourdissement auquel il vous a si long temps tenu sous le feint zèle de religion, d'auoir de quoy en main pour faire vostre appointement auec sa Majesté. Quant aux villes, les grandes foulles qu'elles ont souffert de la gendarmerie, les grands subsides, desquels elles ont esté surchargées, la perte de leur bestail, le pillage de leur reuenu champestre, la cessation de tous commerces, la désolation et ruine de leurs maisons et héritages, tant aux champs qu'à la ville, le sang de leurs bourses iusques aux fonds succez, pour les rançons qu'on a exigé d'eux et de leurs métairies, leur fourniront assez amples mémoires pour se ressouvenir à iamais de leur rébellion, et pour iuger des precedens deportemens de ce Roy imaginaire, quelle espérance ils doiuent auoir de meilleurs traictemens à l'aduenir. Mais que pouuez-vous ni les vns ni les autres, espérer de bien, continuans en ce misérable party reprouué de Dieu, et tant pernicieux aux hommes ? Ce qui

pourroit aduenir plus à vostre souhait, seroit que ledict Duc de Mayenne (Prince de vostre rébellion) precipitast nostre Roy de sontrosne, ètluy ostant sa couronne la posast sur son chef ou qu'à l'exclusion de l'vn et de l'autre, le chef de l'Espagnol ennemy iuré et capital de cest Estât, en soit orné. Si le Duc de Mayenne vient au dessus du vent, ce que Dieu ne permettra iamais, par ce qu'il n'est point fauteur d'iniquité, se ressouuenant de vostre rébellion et desloyauté enuers vos Roys légitimes, à bon droit aura-il vostre fidélité en son endroict suspecte : tellement que ni plus ni moins que ceux qui ont affaire du fiel ou venin d'vne beste venimeuse, sont bien aises quant ils la tiennent, et la prennent pour s'en seruir à leur besoing, mais quant ils en ont prins et tiré ce qu'ils ont voulu, ils détestent et hayssent sa malice, ainsi ayant faict estât de vostre desloyauté, tandis qu'il en aura eu aflfaire, quant il aura faict de vous, il vous détestera et aura en horreur. Et lors pour s'asseurer contre vostre infidélité, et getter les enchres de sa tyrannie, suyuant le conseil donné à Sextus Tarquinius, par son père, il fera abatre les plus hautes testes des pauots, qu'il estimera

pouuoir seruir de bride ou obstacle à sa tyrannie. Il s'enuironnera de gardes estrangeres, d'autant que se rendant odieux à tous, il entrera en déffiance de tous, il reparera les vieils forts, et construira de nouuelles cytadelles qu'il remplira de garnisons estrangeres. D ruinera tous ceux qu'il iugera auoir plus d'autorité parmi les villes, despartira les honneurs et gardes des forteresses à gens estrangers et de basse estofFe, et non à la Noblesse du pays, aura suspecte la bonne intelligence des citoyens, sèmera et nourrira discorde et diuision entre tous les ordres, establira espions, pour guetter et veiller les actions et desportemens des gens de bien, exigera iniurieusement la substance du panure peuple, et tarira toutes ses finances, accablera le panure pays de couruees et indues contributions, affin de luy oster les moyens de penser à ce deliurer de si misérable seruitude, raualera l'authorité des Cours de Parlement, à ce qu'elles n'ayent moyen de s'opposer à sa tyrannie, et establira de nouueaux officiers de iudicature, de la qualité et preud'homie des seize bourreaux de Paris, et autres iuges de la feinte Vnion, qu'il a establi par toute la France. Commettra aux charges

publiques et receptes des deniers de ses indeuës exactions, les plus larrons et scélérats, pour à l'aide d'iceux succer le sang et substance du pauure peuple, et après auoir enflé les sangsues, il leur fera rendre gorge, et serrera Tesponge, les envoyant au dernier supplice. Voilà messieurs ce que de ses deportemens du passé, se peut pronostiquer de Taduenir, que si par le moyen et continuation de vostre felonnie, vous posez la Couronne de Fratice sur le chef de l'Espagnol (comme celle de Portugal luy a esté defFeree par la Noblesse dudit lieu), il rendra aussi bonne recompence au Duc de Mayenne, et à vous, qu'il a faict aux Gentils-hommes Portugais, ausquels comme ils luy demandoyent la recompence qu'ils luy auoyent faict promettre, s'ils luy servoyent d'outils, pour arracher la Couronne de Portugal de dessus le chef de Dom Anthonio, leur Roy légitime, et la poser sur le chef de Dom Philippe, il fit responce par arrest de son conseil, que si le Royaume de Portugal luy appartenoit de droict, il ne tenoit rien par leur bénéfice, et de conséquent ne leur deuoit-il aucune recompence, que s'il n'y auoit point de droict, ils auoyent esté traistres et desloyaux à leur Roy,

et partant seroyent-ils plus que recompencé, si on leur laissoit les vies, que par leur trahison et desloyauté, ils meritoyent de perdre honteusement. Au demeurant, si de Tongle l'on cognoist bien le Lyon, les inhumains et plus que barbares deportemens desquels il a vsé enuers les pauures Indiens, Flamans, Portugais, et autres que par armes il a réduits à sa domination, vous doiuent seruir d'eschantillon, des gratieux traictemens que vous deuez espérer de satirannie. Resueillez vous donc Bourguignons de ce grand et long estourdissement, et vous réunissez auec nous en la bonne intelligence (que le Duc de Mayenne en a banny) pour à force d'eau de fideUté, estaindre le brasier de rébellion, que le vent d'ambition Espagnole souffle, et veut entretenir par toute nostre France, affin de rechercher et trouuer sa grandeur en nos cendres. Le masque estleué, il n'y a plus du faict de la Religion, ains de l'enuahissement de l'Estat, par les artifices de l'ennemi capital de la France, imitez le Sincretisme des Candiots, lesquels entrans souuent en guerres ciuiles les vns contre les autres, si tost qu'il leur suruenoit quelque ennemi estranger, se r'allioyent incontinent ensemble, et se ban-

doyent contre leurs ennemis communs. La France n'eust iamais plus cruel ni capital ennemi que l'Espagnol, il se veut emparer de ce Royaume, soubs feint prétexte de Religion, et nous submettre à l'inquisition d'Espagne, tandis que nous sommes diuisez, ce qu'il n'eust osé parler tandis que nous estions bien vnis et en bonne intelligence. Ne laissez mémoire à la postérité que vos partialitez et diuisions (affin que ie ne die felonnies et desloyautez enuers vostre Roy) ayent dressé les eschelles à l'Espagnol pour grimper au sommet de la plus grande et haute Monarchie de la Chrestienté, et faire tomber caste jadis tant florissante Couronne en quenouille, au grand mespris que contemnement de la générosité ancienne des François. Enuoyez quelque Astolphe aux cieux pour raporter les forces de vos bons sens esgarez, et retournez à vostre bon Roy,'comme ont faict les principaux de la noblesse, et la plus part de prouinces, et principales villes, qui n'aguieres tenoyent vostre party pour luy ay der à rechasser ceste race Marrane et Sarrasine, iusques au plus profond d'Espagne, s'il se veut contenter d'autant. Ne vous rendez indignes de la clémence et debonnaireté, qui a

tellement amoUy et détrempé les cœurs des plus durs félons de vostre party, voire des plus capitaux ennemis de cest Estât et Couronne, qu'ils ployent souz Tobeissance de nostre Roy. Considérez combien despuis sa conuersion vostre party est afFoibly, et que vostre indignation sans force sera vayne, que Dieu ne bénira (comme il n'a iamais beny) voz aimées rebelles contre vn Roy tant Catholique, et remply de tans rares vertus et perfections, et que si vous vous rendez indignes de sa clémence, n'ayant plus affaire, qu'à vne bien petite partie de la plus foible province de tout son Royaume, et à vne poignée de gens, gesnez en leurs consciences par les horribles furies de leur rébellion, il ne luy reste que trop de forces, pour debeller vostre orgueil, et cruellement chastier vos felonnies ; vous en estes venus à la veille. Ne tardez donc plus.

Messieurs, à r'entrer en vostre deuoir car il y a du péril en la demeure.

Dieu vous en face la grâce.