Montmorency à Jean du Bellay. Fontainebleau

10 août [iSaSJ.

(Copie : Bibl. Nat., Ir. 5499, fol. 1O9-1J0. — Analyse : Brewer, Op. cit., vol. IV, part. III, app. n" 193.)

Monsieur, j'ay receu vostre Icctre du pénultième du mois passé, par laquelle entre aultres choses mescripvez le contentement que monseigneur le légat a eu d'entendre l'asseurance que le Roy a en luy de se fier seulement sur sa parolle quant au faict de la contribution, en quoy ledict seigneur sçait bien qu'il ne s'y trouvera nulle faulte. Et aussi entendez assez que non-seulement se vouldroit ledict seigneur fier en luy de cela ne des autres choses que touchent les affaires commungs d'entre luy et le roy d'Angleterre, son bon frère et perpétuel allyé, mais encores de choses, où il seroit question de sou honneur et proullict particulier, s'en vouldroit entièrement remectre et reposer sur luy, comme à la personne de ce monde en qui il a aultant d'affection et qu'il ayme et estime son bon, vray et principal amy, sachant et congnoissant assez de combien il luy est attenu pour les bons et grans effectz en quoy il s'est démonstré jusques icy et tant en son absence et durant l'adversité de ses affaires que depuis, et mesmes du grand vouloir qu'il a tousjours eu d'y continuer, comme il faict cncorcs chacun jour ; qui rend en une très grande obligation envers luy non-

[Août i5a6

seuUement ledict seigneur ne Madame, mais entièrement tous leurs serviteurs et subjeetz de ce royaume qui luy en demeure tant attenu qu'il n'est possible de plus.

Et quant au propos dont m'eseripvez qu'il vous a tenu de moy par lequel semble qu'il soit entré en quelque souspeçon, ayant entendu chose qui ne luy vient agréable, de cela ne me mectray jamais en effort de m'en vouUoir excuser. Car, s'il a esté faict ou dict chose de deçà qu'il ne trouve bonne, je vous responds, sur mon honneur, que, quant à moy, ne pensiz et n'entendiz oncques qu'il se parlast ne dist chose de luy dont il peust avoir occasion de se mal contenter, quelque rapport qui luy en ait peu estre faict; qui seroit, par adventure, plus tost par jalousie de ceulx qui ne sont contens de la grand amour, affection et obéissance que je luy porte, et des recordz que souvent ay faictz au Roy et à Madame tant de ses bons sens et vertuz que du désir, travail et peyne qu'il prend ordinairement, comme assez se congnoist, au bien des commungs affaires d'entre ces deux princes, que aultrement. A quoy il m'a semblé qu'il ne doibt avoir esgard ny encores moings y adjouster foy. Et me réputerois bien ignorant de tenir et encores moings penser telz propos d'un tel et si vertueux personnage que je congnois porter si bonne et grande affection en ce qui touche le bien et repos de ceulx à qui je désire plus faire service, et auquel ilz ont tousjours eu tant de foy et ferme fiance en tout ce qui leur touche que le roy d'Angleterre, son maistre, en sçauroit avoir en luy-mesmes, ainsi qu'il a peu appercevoir et que je suis seur congnoistra encores myeulx par cy-aprcs qu'il n'a faict par le passé, quelque envie ou jalousie qu'il en puisse prendre à ceulx qui, par adventure, ne trouvent bon ceste bonne et grande volunté que le Roy, Madame et leurs bons serviteurs luy portent. Ce que je vous prie luy remonstrer et faire fermement entendre, comme celuy qui congnoist mon cueur et mon entière intention, pour le divertir de l'oppinion que, à l'occasion de quelque mauvais rapport, il pourroit avoir prinse, combien que ce que je vous en escriptz n'est poinct pour m'en justifier ne aultrement excuser, ce que ne pensay jamais faire envers luy, de chose qui procedde de moy, dont il se doibve mal contenter. Bien pourroit estre que, en devi-

Août i5a8]

sant quelquesfois des affaires qui touchent le service du Roy soit avec monsieur de Bade, ou aultre, enpourrois avoir, par advanture, parlé de grande affection ; dont je ne pense pas que de cela il se doibve mal contenter, car Iny-mesmes en pareil cas l'ay bien quelquesfois veu, où il estoit question de chose qui touchoit le service du roy, son maistre, es mesmes termes, qui est seulement affectionnée volonté que le serviteur porte au service du maistre. Et voilà tout ce que j'en ay jamais pensé.

Ne voullant aussi oublier à vous respondre touchant l'adresse de quelques pacquets de lectres dont pareillement semble que mondict seigneur le légat se voulsist plaindre; qui est chose de quoy je n'ai jamais riens veu ni entendu. Et mesmes en ay parlé à monsieur de Badde qui n'a jamais congneu ni apperceu qu'il s'y soit trouvé faulte ne qu'il en ayt esté jamais veu, ouvert ne détenu une seule lectre; vous advisant que de ce qui est venu en mes mains sçauray très bien respondre qu'il ne s'y est trouvé jamais faulte et ne vouldrois user ne m'employcr de faire ofïlce si mauvaise et meschante que cestc-là, dont je ne m'excuseray jamais, mais m'en remectray sur monsieur de Badde qui sçaura bien à dire si en cela il a congneu aultre chose que bien de mon costé, ce que pareillement vous prie faire entendre à mondict seigneur le légat pour luy lever ceste mauvaise opinion que par telz meschans rapports pourroit sans occasion avoir prinse, et au demourant le supplyer de ma part vouloir déraonstrer de s'enquérir et sçavoir la vérité de ce qui luy en a esté faict entendre, afiin qu'il congnoisse de là où viennent telz meschans propos, car l'affection et grand amour que je luy porte ne mérite pas qu'il ayt ceste fantaisie sur moy, qui faiz pour luy ce que pour homme de la chrestienté ne vouldrois faire. Je vous en escriptz bricfvement pour ce que je suis seur qu'il sçayt bien la seureté et fiance que j'ay en vous. Vous luy ferez entendre le tout, dont je vous prie me faire response, priant Nostre-Seigneur....

De Fontainebleau, le dixiesme jour d'aoust .MY'XXVIII.

[Août i5a8