APPARTENANT A FRANÇOIS ROUSSELET

ET ATTENANTE A LA MAISON DE LA VEUVE d'aMBROISE PARÉ.

De l'accord, consentement et à la requeste de noble homme François Rousselet, conseiller et controolleur général de la maison de la Royne, nous Jehan Martin juré du Roy en l'office de maçonnerie et voier général de la terre et seigneurie de St-Germain des Prez terres et seigneuries, et Loys Fournier, maistre maçon à Paris, le xvir- jour du moys d'aoust mil cinq cens quatre vingtz et seize, sommes transportez en et au dedans d'une maison sizeau faubourg Saint Germain cy après déclarée audit sieur Rousselet appartenant, pour illecq veoir. priser et estimer combien d'argent comptant pour une fois paier vault ladicte maison, laquelle maison nous avons veue et visitée, prisée et estimée, en la présence dudit sieur Rousselet, le tout et ainsi qu'il ensuit.

Premièrement, une maison size audit Saint Germain, rue Garancière, ayant yssue à la rue du Fossoieur, appliqué à ung corps d'hostel, sur ladicte rue Garantière appliquée au rez de chaussée, cave dessoubz, une chambre carrée au dessus et une en galletas, ung petit grenier au dessus, une visz hors œuvre, une porte chartière, ung petit appentil et fosse de

3l8 AMBROISE PARÉ

privé dans la première court ; une aultre court où il y a ung édifice apliqué à une cuisine, ung petit grenier au dessus couvert en comble, ung puis dans ladicte court, ung jardin derrière, ung petit corps d'hostel sur la rue du Fossoieur appliqué au rez de chaussée à une sallette, une chambre en galletas et ung petit grenier au dessus, une montée dans œuvre, une petite court joignant ung puis et ung petit appentil à privé, tenant d'une part à Madame Paré, d'autre et à feu Monsieur de Fosseuze, et par devant sur ladicte rue de Garantière et par derrière à ladicte rue du Fossoieur, prisée à la charge du cens seullement la somme de cinq cens trente-troys escuz ung tiers d'escu pour une fois payé, cy, . . V'^ xxxiii écus i tiers.

Ce que certiffions estre vray, tesmoing nos seings cy mis, les an et jour que dessus. Ainsi signé Martin et Fournier.

Collation des présentes a esté faicte à son original seing et entier en escripture et signature par les notaires du Roy nostre Sire en son Chastellet de Paris, ce faict, rendu ce premier jour de septembre mil V*^ quatre vingtz seize,

(Signe) : Le Camus, de Sainct-Leu,

Au dos est écrit :

Rapportz des maisons de la succession de feu M. Paré. (Archives du château de Paley.)

1616. — 18 Juillet.

DONATION MUTUELLE ENTRE HENRI SIMON, RECEVEUR GÉNÉRAL DES FINANCES A PARIS ET ANNE PARÉ, SA FEMME,

Par devant Jehan Chappellain l'aisné et Claude Le Vasseur, notaires garde nottes du Roy nostre Sire en son Chastellet de Paris soubzsignez, furent présens en leurs personnes noble homme Henry Simon, conseiller du Roy, recepveur général de ces finances à Paris, et damoiselle Anne Paré, sa femme, de luy suffisamment authorisée en ceste partye, demeurans à Paris rue des Prouvaires, parroisse Saint Eustache, lesquelz considérans l'amitié qu'ilz ce portent l'ung à l'aultre, le soing et dilligence que chascun d'eulx a pris et prend journellement pour acquérir et conserver quelques biens qu'il a pieu à Dieu leur prester en ce monde, et désirans, suivant ce qu'il leur est permis par la coustume de ceste ville de Paris, à ce que le survivant d'eux deulx ait meillieur moyen de s'ayder et subvenir en ses necessittez le reste de ces jours, eux gratiffier l'ung d'eux l'autre en recognoissance des courtoisies et bons offices qu'ils ont receuset recoipvent journellement et espèrent recepvoir l'ung de l'autre tant qu'ils viveront et seront conjoinctz ensemble par mariage, pour ces causes et autres à ce les mouvans , joinct qu'ilz n'ont à présent aulcuns enffans, de leurs bons grés et bonnes volontez, sans aulcune contrainte,

recognurent et confessèrent, et par ces présentes recognoissent et confessent avoir faict, firent et font par ces présentes grâce mutuelle, don esgal et réciproque l'ung d'eulx à l'autre, de tous et chascuns leurs biens meubles et conquestz immeubles qu'ils auront et posséderont au jour du deceds du premier mourant d'eux deulx, pour en jouir par ledict survivant en usuffruict sadicte vie durant, suivant au désir et conformément à la coustume de cestedicte ville de Paris. Et pour faire insinuer ces présentes au greffe dudit Chastellet de Paris et partout ailleurs où il appartendra, lesdictes partyes ont faict et constitué leur procureur le porteur auquel ils ont donné plain pouvoir et puissance de ce faire et en requérir acte, promettans, etc^ obligeans, etc renonceans, etc. Faict et passé en l'hostel desdictz sieur Simon etdamoisellesa femme à Paris^, susdéclarée, l'an mil six cens seize, le lundy après midy, dix huictiesme jour de juillet, et ont lesdictz sieur et damoiselle Simon signé la minutte des présentes demeurée vers ledict Le Vasseur, Tung desdictz notaires soubzsignez. Signé, Chappellain et Le Vasseur. Et plus bas, a esté mis et escript l'insinuation ainsy qu'il s'ensuit :

L'an mil six cens seize, le mercredyvingtiesme jour de juillet, le présent contract de don mutuel a esté apporté au greffe du Chastellet de Paris ei: icelluy insinué, accepté et eu pour agréable aux charges, clauses et conditions y apposées et selon que contenu est par icelluy, par Pierre Muret, porteur dudict contract, et comme procureur de noble homme, Henry Simon, conseiller du Roy, recepveur général de ces finances à Paris, et de damoiselle Anne Paré, sa femme, dénommez audict présent contract , lequel a esté enregistré au présent registre, soixante et douziesme volume des insinuations dudict Chastellet, suivant Tordonnance, ce requérant ledict Muret oudict

nom, qui de ce a requis et demandé acte, à luy octroyé et baillé ces présentes tant pour servir audict sieur Simon qu'à ladicte damoiselle sa femme en temps et lieu ce que de raison. (Archives Nationales, Y. 157. fol. 126.)

XLY

1617. — 14 Avril.

DONATION d'une MAISON SISE A LA VILLE DU BOIS, PRES MONT-