AVEC JACQUELINE ROUSSELET
Par devant Nicolas Le Camus et Jehan Herbin, notaires du Roy nostre sire en son Chastellet de Paris, furent présens et comparurent personnellement honnorables personnes Jacques Rousselet, chevaulcheur ordinaire de l'escuerie du Roy, du nombre des six vingtz prévilleigez bourgeois de Paris, et Marye Boullaye, sa femme, de lui suffisament auctorisée en ceste partye pour faire et passer ce que ensuict ou nom et comme stippullans en ceste partie pour Jacqueline Rousselet, leur fille, à ce présente et de son voulloir et consentement d'une part, et noble homme maistre Ambroise Paré, conseiller et premier chirurgien du Roy et juré à Paris, pour luy et en son nom d'aultre part, lesquelles parties, de leurs bonnes, pures, franches et libéralles voluntez, propres mouvemens et de leurs certaines sciences, sans force ne contraincte aucune, si comme elles disoient, recongnurent et confessèrent en la présence et par l'advis, assavoir, de la part desdictz Rousselet et sa femme, de Robert Boullaye, secrétaire du sieur premier président de Daulphiné, cousin germain , noble homme M'' François Bouteroue, advocat en la court de Parlement, et
de honnorable hojiime. mnistre Estienne Caillait, procureur en ladicte court de Parlement, anivs comniungs desdictz Rousselet et sadicte femme, et, de la part dudict maistre Ambroise Paré, de honnorable homme Hilaire de Briou, marchant maistre apoticaire et espicier, bourgeois de Paris, voisin et amy d'icelluy Paré, avoir faict, feisrent et font entre elles de bonne foy les traicté, accordz, douaire, convenances de mariage, promesses et obligations qui ensuivent pour raison du mariage qui au plaisir de Dieu sera de brief faict et solempnisé en saincte Eglise, desdictz maistre Ambroise Paré et Jacqueline Rousselet.
C'est assavoir, lesdictz Jacques Rousselet et sadicte femme, avoir promis et promectent donner et bailler ladicte Jacqueline Rousselet, leur fille par non et loy de mariage audict Paré qui icelle a promis et promect prendre à sa femme et espouze le plustost que bonnement faire se pourra, et qu'il sera advisé et délibéré entre eulx, leurs parens et amis, sy Dieu et saincte Eglise s'y accordent. En faveur et contemplation duquel présent futur mariageetpour à icelluv parvenir, lesdictz Jacques Rousselet et Marye Boullaye, sa femme, de luy auctorisée comme dessus, ont promis, 'seront tenuz, promectent et gaigent chacun d'eux seul et pour le tout, sans division ne discution, renonçans auxditz béneffices de division, ordre de droict et de discution, donner, bailler, et paier ausdictz mariez futurs ou au porteur, la somme de cinq mil livres tournois en deniers contens dedans la veille de leurs espouzailles. Et en ce faisant, a ledict maistre Ambroise Paré, futur espoux, doué et doue ladicte Jacqueline Rousselet, sa future espouze, de la somme de cinq cens livres tournois de rente en douaire préfix, au cas toutesfois que au jour de leur dissolution il n'y aict aucuns enffans vivans d'eux deux, et où
il y aura enfant ou enffans, ne sera ledict douaire que de trois cens livres tournois par an, à icelluy douaire préfix, tel que dessus, avoir, prendre et choisir par ladicte future espouze sur les rentes que ledict futur espoux a et luy appartiennent tant sur l'hostel de ceste ville de Paris que particuliers d'icelle, et loiers de ses maisons qu'il a assizes en ladicte ville de Paris, sy mieulx ladicte future espouze n'ayme en desduction dudict douaire joir sa vye durant de la totallité de la maison de la Vache et ses appartenances, assize à Paris rue de l'Erondelle, audict futur espoux appartenant, et ce à raison de deux cens livres tournois par chacun an, oultre les fortiffications de ville et d'entretenir par ladicte future espouze ladicte maison des réparations viagères, sans que ladicte future espouze puisse demander aucun douaire coustumier. Et sy aura oultre ladicte future espouze en chacun desdictz cas par préciput de ses habitz, bagues et joiaulx à son usaige jusques à la somme de cinq cens livres tournois pour une foys paier, comme en semblable ledict Paré futur espoux survyvant ladicte Jacqueline Rousselet sa future espouze, aura et prendra de ses habillemens, armes, chevaulx et instrumens de son estât jusques à pareille somme de cinq cens livres tournois, aussy pour une fois paier. Car ainsi le tout a esté dict, convenu et expressément accordé entre lesdictes parties, en faveur dudict présent futur mariage qui aultrement n'eust sorty aucun effect, promectans, etc, obligeans chacun en droict soy et l'un envers l'aultre, mesmes lesdictz Rousselet et sadicte femme chacun d'eulx seul et pour le tout, sans division ne discution, renonçans et iceulx Rousselet et sadicte femme ausdictz béneffices de division, ordre de droict et de discution, et encores ladicte femme aux droictz et béneffices de Velleyan et Autenticque si qiia millier a elle exprimez et donnez à entendre par Tun des-
212 AMDROISE PAKE
dictz notaires soubzsignez, en la présence de Taultre et qui sont telz que une femme ne se peult obliger, respondre, ne intercedder pour le faict d'aultruy, signamment pour son mary sans expressément renoncer ausdictz bénéfices, et que si elle ny renonceoit, elle en pourroit estre facillement relevée et restituée, ausquelz et à tous auUes droilz faictz, mis, donnez et introduictz pour les femmes et en leur faveur elle y a renoncé et renonce par ces présentes. Faict et passé double, cestuy pour ledict Rousselet, l'an mil cinq cens soixante treize le jeudy trente ungniesme et dernier jour de décembre.
(Signé) Le Camus. Herbin.
Furent présens en leurs personnes noble homme, M^ Ambroise Paré, conseiller et premier chirurgien du Roy nostre sire et juré à Paris, d"une part^ et Jacques Rousselet, chevaucheur ordinaire de l'escurye du Roy, du nombre des six vingtz privilégiez bourgeois de Paris, Marie Boulaye, sa femme et Jacqueline Rousselet, leur fille et future espouse dudit M" Ambroise Paré d'autre , lequel Paré a déclaré et déclare que combien que par le contract de mariage passé par devant Le Camus et Herbin, notaires ou Chastellet de Paris le dernier décembre dernier entre luy d'une part et ladicte Jacqueline Rousselet, sa future espouze, d'autre, luy ait esté promis par iceulx Rousselet et sa femme, père et mère d'icelle Jacqueline, bailler et paier la veille de leurs espouzailles, la somme de cinq mil livres tournoys, moyennant les douaire et charges promises par icelluy contract par ledict Paré à ladicte Jacqueline Rousselet, toutesfois icelluy Paré pour la bonne, vraye et naturelle amour qu'il a et porte à ladicte Jacqueline Rousselet, a de sa propre et libéralle volunté déclaré et déclare qu'il se contentoit et contente de la somme de deux mil livres tournois, au lieu d'iceulx cinq mil livres
PIÈCES JtJSTIFICATrVKS 2l3
tournois, laquelle somme de deux mil livres tournois icculx Jacques Rousselet et Marie Boulaye, sa femme, de luy auctoriséc en cestc partie ont promis, promectent et seront tenuz bailler et payer en deniers contens audict M" Ambroise Paré la veille des espouzaillcs de luy et de ladicte Jacqueline Rousselet, sa future espouze. Voullant et accordant néantmoings ledict M" Ambroise Parc que les douaire et conventions par luy accordez et promis à ladicte Jacqueline Rousselet, sa future espouze par ledict contract de mariage par luy exibé et qu'il a leu de mot à mot, sortent effect et soient entretenuz selon la teneur d'iceulx, sans aucune diminution ou restrinction, tout ainsy qu'il est porté par icelluy et que sy ladicte somme de cinq mil livres tournois lui eust esté, ou estoit entièrement et actuellement payée et baillée, car ainsy ledict M'^ Ambroise Paré l'a expressément promis, voullu, consenty et accordé pour les causes que dessus et autres à ce le mouvant, et aussy que tel est son plaisir, promectans, obligeans chacun en droict soy, renonçans. Faict et passé double cestuy pour ledict Rousselet, l'an mil cinq cens soixante quatorze, le mercredy treiziesme jour de janvyer.
(Signé) Chappelain. Lamyral.
Ledict M'' Ambroise Paré, dessus nommé, confesse avoir eu et receu desdictz Rousselet et sa femme aussi y nommé, icelluy Rousselet à ce présent, les deux mil livres tournois qui par lesdictz Rousselet et sa femme promis luy avoient esté paier pour les causes selon et ainsi que plus à plain est contenu et déclaré au contract cy dessus contenu, dont il s'est tenu pour content et les en quicte et tous autres, promectans, obligeant, renonçant. Faict et passé l'an mil V*^ soixante quatorze, le samedi trente et pénultime jour de janvier, tripple.
(Signé) Lamyral.
;i4 AMBROISE PARE
Au verso est écrit :
Contract de mariage de M. Paré avecq la quittance du payement dudict mariage.
Et à la marge : Enregistré par moi Herbin.
(Archives du château de Paley.)
ETAT DE LA MAISON DU ROI CHARLES IX, DEPUIS LE l""" JANVIER I 560, JUSau'AU 31 DÉCEMBRE I 574-
M* Jehan Chapelain, premier, mort le 5 décembre 1569.
M® Jehan Mazille, premier en 1570.
M"^ Jérôme de Varade,
M" François Miron et Marc, son fils.
M*' Laurens Crabbe, m. le i'^'" mars 1563.
M'' Valeran de Henez, m. le 11 novembre 1565.
M" Honorât de Castellan, m. le 4 novembre 1569.
M® Guillaume Millet et Loys son fils, hors en 1564.
M^ Simon Burgensis, m. en septembre 1567.
M^ Jacques Olivier, hors en 1564.
M^ Jehan Pépin.
M® Jehan des Rousseaux, hors en 1370,
M^ Nicole Le Grand.
M'' Simon Bellanger.
W Michel Vaterre.
M'' Philippes de Flesselles, hors en 1364.
M*' Balthazar Fabry, en octobre 1367, au lieu de Burgensis.
M*' Léonard Botal, en 1364.
M^ Denis Millet, en 1364, m. le 2 mai 1560.
M*^ Pierre Le Fèvre, en 1568.
2l6 AMBROISE PARÉ
M" Jehan Ferrand, en i=.70.
W Alexis Godin, en IS70.
M" Girault Vigor, en IS70.
M" Gérard Brouet, en is68.
M'' Jacques de Lusserie, en IS70.
M° Loys Duret, et lecteur du roi en 1571 (1).
M*' Honoré Le Chantre, sieur de Sainl-Pons, en 1372.
M'' Anthoine de Fessac, en 1570.
(Bibliothèque Nationale. Fonds français 7834.)
(1) Ne à Baugc-la-Ville, en Bresse, Tan 1527, docteur à Paris, le 12 septembre i552, médecin ordinaire de Charles IX et de Henri III, professeur au Collège de France en i568, mourut le 22 janvier i586, âge de 59 ans. Henri III assista au mariage de sa fille Catherine avec Arnoul de l'isle, en i5H.5, à l'église, au festin, et fit présent à la nouvelle mariée de toute la Yaiss-Ue d'or et d'argent iju'ii avait prêtée pour cette fcte, et que l'on estimait 40,000 livres. Son fils Jean fut un médecin très habile.
1574- — 9 Janvier.
A JEANNE PARÉ, SA NIÈCE, d'UNE MAISON
