FILS DE FEU JEAN PARÉ, CHIRURGIEN A VITRÉ
Honnorable homme Ambroise Paré, maistre barbier cirurgien en ceste ville de Paris, confesse en la présence et du voulloiret consentement de Jehanne Mazelin, sa femme, avoir donné et transporté, et par ces présentes donne, cedde, transporte et délaisse en pur et vrai don irrévocable faict entre vifz du tout, dès maintenant, à toujours, sans espeuoir de jamais le révocquer, aller, venir, faire ou dire contre en aucune manière, à Bertrand Paré, son nepveu, filz de feu Jehan Paré, en son vivant aussi maistre barbier cirurgien demourant en la ville de Victré en Bretaigne, et de Charlotte David, jadiz sa femme, ledict Bertrand Paré à ce présent et acceptant et les notaires soubzscripts en tant que besoing seroit, stipulant et ce acceptant pour luy, quarante livres tournois de rente annuelle et perpétuelle, à les avoir et prandre par chascun an par ledict Bertrand Paré, donataire, sesdictz hoirs et ayans cause, incontinent après le trépas dudict Ambroise Paré, donateur, sur tous et chascuns les héritaiges et biens tant meubles que immeubles, présens et advenir dudict Ambroise Paré, donateur, qu'il en charge, c.blige et ypothecque par ces présentes à fournir et faire valloir lesdictes quarante livres tour-
PIECES JUSTIFICATIVES l6l
nois de rente, pourveu toutes voyes que au jour du trespas d'icelluy Ambroise Paré et de ladicte Jehanne Mazelin, sa femme, il n'y ayt enfans vivansdudict mariage, et non autrement, pour desdictes quarante livres de rente joyr, user et posséder par ledict Bertrand Paré, donataire, incontinent après le trespas dudict Ambroise Paré, pourveu qu'il n'y ayt enfans d'icelluy mariage desdictz Ambroise Paré et sa femme, comme dict (est). Ce don et transport faict pour la bonne amour naturelle que ledict Ambroise Paré, donateur, dict avoir audict Bertrand Paré, sondict nepveu, et pour ce que tel est son plaisir, transportant, etc., désaississant etc., jusques à la concurrence desdictes quarante livres tournois de rente, voullant, procurant le porteur, etc., donnant pouvoir etc. Et pour iceile donation faire insinuer par devant monsieur le prévost de Paris ou son lieutenant et par tout ailleurs où il appartiendra, lesdictz Ambroise Paré, donateur, et Bertrand Paré, donataire, ont constitué et constituent leurs procureurs, scavoir est, ledict Ambroise Paré, M*^ Nicole Ezelin, procureur ou Chastelletde Paris, et ledict Bertrand Paré, maistre... aussi procureur oudict Chastellet, ausquelz et chascun d'eulx respectivement ils ont donné et donnent plain pouvoir et puissance de ce faire et tout ce que au cas apartiendra, promectans, etc.,obligeans chascun en droict soy, renonceans. Faict l'an mil cinq cens quarante neuf, le lundi cinquiesme jour d'aoust. Signé Dupré et d'Orléans, et au doz de ladicte donation est escript ce qui s'ensuyt: Enregistré par moy d'Orléans, et audict doz a esté mis l'insinuation en la forme qui est telle:
Apportées au Chastellet de Paris le mardi vingtiesme jour d'aoust l'an mil cinq cens quarante neuf, et insinuées suivant l'ordonnance tant par honnorable homme Ambroise Paré, maistre barbier cirurgien à Paris en personne, donateur nom-
l62 AMUROISE pari';
mé au blanc Je l'autre part, que par M*^ Nicole Ezelin, procureur oudict Chastellet. curateur de Bertrand Parc, filz de feu Jehan Paré donataire, aussi nommé oudict blanc et qui a accepté pour ledict donataire la donation déclarée oudict blanc, le tout en la présence dudict Bertrand Paré qui a pareillement avec ledit Ezelin, sondict curateur, insinué ladicte donation ; ce faict, enregistrées au registre des insinuations, de laquelle insinuation lesdictz Ambroise Paré, Ezelin oudict nom et donataire, ont requis et demandé lettres, si leur ont esté octroyées ces présentes en ceste forme pour leur valloir et servir ce que de raison, et après rendues audit Ezelin.
(Archives Nationales. Y. 95, fol. 3 v".)
VJl
1550 (n. st.) — 21 Janvier.
DONATION PAR JEAN NAUaUIER, MAITRE ÉPERONNIER ET BOURGEOIS
