CHAPITRE XLY

Des voyages que fist le duc Charles, tant en Àllemaigne, à Nansy, connue en Bourgongne : et d'aulcunes choses qui advindrent, en ce temps, au royalme de France.

L'an mil quatre cens soixante treize, ou mois de may, ledit duc de Bourgongne alla à Vallenciennes, là où il tint la feste de la Thoison d'or, en grant pompes et seignourie; et y lurent la plus part des seigneurs, portans l'ordre dudit Thoison, et pluseurs aultres notables chevalliers et escuyers. Ladicte feste achevée, le duc se partit pour aller conqu ester la duce de Gueldres, lequel tenoit et faisoit tenir le duc dudit pais de Gueldres1 prisonnier ou chastel de Courtray, qui y avoit esté longue espace de temps parafant; lequel duc de Bourgongne conquesta, ains son retour, ladicte ducé, la conté de Meur, et seignourie de Zustephen, appartenant audit duc de Gueldres, qui avoit filz et fille bien petis, prochains parens audit duc de Bourgongne , lesquelz il fist prendre et emmener en la ville de Bethune, et illec les fist entretenir honnorablement. Eu conquestant lesditz pais, le duc fist asseoir pluseurs, là où il eust pluseurs grandes escarmuches et pluseurs rencontres d'un costé et d'aultre; mais, fiuablement, ceulx desditz pais ne peurent résister, et convint qu'il se rendissent en la volonté du duc, qui y commist le seigneur de Hymbercourt2 principal gouverneur et garde dudit pais, et aultres cappitaines à sa volonté. Au parlement dudit pais de Gueldres , aprez que le duc le eust du tout à sa volonté , il se partit et vint à Aix, en Allemaigne, et de là à Luxembourg s et de là à Trêves, là où il

1. Adolphe, fils d'Arnould, duc de Gueldre, marié le 18 décemhre 1463 à Catherine de Bouihon, sa tante. Tué au siège de Tournay, le 22 juin 1477. {Art de vérifier les dates, III, 184.)