CHAPITRE XLIX

De la battaille de Nansy. où le duc Charles fut de rechief desconfiz, qui fut la dernière de ses battailles.

Quand le duc de Bourgongne eust esté tenant le siège devant Nansy, le duc de Lorraine, qui estoit allé au secours, vint audit siège le Ve jour de janvier, veille de l'Epiphanie, acompaigné des Suisses et Lorrains, avec aultres gens en grant nombre; et meismes le conte de Campobassc1, Lombart, à toutte sa eompaignie, qui long temps avoit servi le duc de Bourgogne à gaiges, retourna contre luy à ceste heure, et fut de rechief le duc de Bourgongne mis en desrov, et toutte son armée. Ceste fut la dernière battaille du duc; car luy et les siens y furent tous mors ou prins. Entre les prisonniers qui furent, c'est asscavoir messire Anthoine, bastard de Bourgongne, le seigneur de Croy et de Renty, le seigneur de Quievrain, le seigneur de Chimay, le seigneur du Fresnoy 2, et pluseurs grans seigneurs. Et tantost