Grantham, dans le Lincolnshire

i. Fotheringay, dans le Northamptonshire.

12 CRONICQUES D'ENGLETERRE. [1470]

leur chemin, tyran t vers Lincestre1, parla monition des dis messagiers à eulz envoiez des duc de Clarence et conte de Warewic, desirans que le lundy ensievant ilz feussent à Lincestre , où ilz promettoient se joindre à eulz adcompaigniés de xx m hommes, comme il fut aussi sceu par la confession dudit messire Robert de Vellus8 et autres moindres capittaines; par quoy appert clerement que, ce tempz pendant, les dis duc et conte , pour venir à leur maulvaise intention, se dissimuloient envers le roy pour la destruction de lui ; jà soit ce que , quant le conte de Warewic prinst congié du roy en la cité de Londres, il luy promist de faire tout service et assistence à résister contre les rebelles. Pour laquele promesse le roy le fist privé des apointemens qu'il faisoit, du nombre de gens qu'il voulloit avoir avec luy ou dit voyage et des dons et payemens que pour ce il voulloit faire. Et oultre ce, le roy, en confidence de la dicte promesse, envoia mesmes auz dessus dis seigneurs, comme j'ay touchié cy dessus, commissions de lever peuple et luy mener en son service; et le duc de Clarence , quant il demanda à Londres congié du roy pour aller esdites marches occidentalles, où il avoit desjà envoie sa femme, detria ce qu'il peult le roy d'aller contre les dis rebelles; et, en ce delay, manda audit messire Robert de Vellus qu'il se hastast de venir avant , ainsi comme il est oit proposé ; laquele chose se elle feust parvenue à leur entente, il n'est point doubte que le roy et sa compaignie n'eus-