La mer d'Azov

2. Aujourd'hui Kopani, dans le pays des cosaques de la mer Noire.

158 CRONICQUES D'ENGLETERRE.

dites gualees de mon dit seigneur le duc alerent courre toute la coste d'Egipte et de Surie, où ilz prinrent pluseurs navires. Et devant Barut1, à ung matin, trouvèrent la gualiache du Souldan, laquelle estoit à la voele : et, tantost qu'elle les vist, s'en retourna au dit Barut. Et là, la tirèrent le plus près de terre qu'ilz pourent et le plus près de la tourt, et y entra des gens de la dite ville tant que y leur sambloit que en y avoit asses pour la deffendre de dix gualees, considéré, aucy, que de la dite tourt et de la terre les deffandoient de trait , de canons et de pierres. Les dites gualees des Bourguignons s'armèrent et myrent en point pour assaillir, et s'assaillirent, par l'espasse de sinq eures, et tellement que, après se que tous eulx estans en ladite gualiache furent mors ou blessés, ilz la guaignerent et ammenerent en Chipre : dont entre les dits mores de tout le dit pais fut grande renommée de l'oultrageux assault que ilz avoient veu faire en prenant la dite gualiache; car, considéré les gens y estant et qui la deffendoient , james n'eusse pensé que trois ne quatre gualees l'eussent ozer assailly, ou lieu où elle estoit. Et, de là, les dites gualees prinrent leurs chemins pour venir desarmer à Marsaille; et, en venant, coururent la Barbarie, depuis le mont de Barque2 jusques ou gouffre de Tunes, où ilz prinrent pluseurs petis navire; et, à ung matin, trouvèrent deux grosses naves de mores, et ne faisoit goûte de vent. L'assault fut donné à la plus grosse, et tantost fut prinse : et ceulx l'aultre dite nave, quant ils virent