Newcastle

160 CROIS ICQUES D'ENGLETERRE.

sire Rasse Gray cuida avoir. Et le roy Henry et la royne, avec eux Monsr de la Varenne, sont venu à Bambourg et ont environ IIm hommes. Depuis, vindrent nouvelles au roy que devant Neufchastel avoit eu une escarmuche, où demourerent aucuns des gens du roy Henry ; et aussi y avoit eu aucuns navires de Franche qui y estoient pour ravitailler Bambourg1, dont ceulx de Neufchastel prinrent quatre des plus gros navires. Et dist Ton que l'une est la quervelle de monsr le conte d'Eu.

Le vendredy ensuivant se parti monsr de Warwick et monsr de Stanlay, son beau frère, à grant foison de gens, et le seigneur de Scales les devoit suivre incontinent pour mectre les garnisons à l'encontre des dites places : et ont intencion de les avoir recouvrer en brief temps, pour ce qu'ilz (sous) mal et peu avitaillié; parquoy le dit de Warwick a empensé de tantost retourner.

Au fait de l'ambazade, les seigneurs s'appoincterent, et mesme monsr de Warwick a intencion de en estre : toutevoyes, y seront monsr son frère, le Chancelier d'Angleterre2, monsr le Boursier, conte d'Excez, monsr de Hastinez3, chambellan du roy, messire Jehan de Wenlock, messire Wastel Blond4, trésorier de Calais, messire Jehan Clais, messire Thomas Abouron5, ung docteur6, et maistre Loy