Braton sur Trent, dans le Staffordshire

XII ' â

18 CROraCQUES D*£NGLET£BR£. [11^70]

Don leur dist qu'ilz n'estoient pas sur leur droite voie pour aller devers le roy : et ilz respondirent qu'il leur coDvenoit aller par là, pour parler à leurs piétons. Lequel adont, courtoisement, sans plus parler, prinst congié d'eulz : et, sur ceste coulleur, ilz allèrent audit lieu de Bruton, et de là à Derby ^, pour eslever le peuple, et eidz emforchier, autant qu'ilz pourroient, à rencontre du roy, continuant en leur maulvaise dissimulation.

Ancores, durant ces choses, le roy entendy que, en sa conté de Richemont*, le seigneur deStrop' et autres, à Tincitacion du duc de Clarence et du conle de Warewic, esmouvoient le peuple à rencontre de luy. Pour quoy il envoia en Northumbelland et en Westland * signifier que chascun feust prest pour résister à rencontre d'eulz, ou cas qu ilz vendroient en ces contrées : et de ce rescripvi au conte de Northumbelland , marquis de Montagu ', lui commandant de les rencontrer atout la puissance des dis pays. Laquele chose venue à la congnoissance dudit seigneur de Strop et ses complices, avec la nouvelle de la victore du roy, tout bien considéré, veu que c'estoit contre le roy qu'ilz estoient enhortez de gens assambler, craignans qu'il ne venist brierment celle part, se désistèrent de ceste em* prinse.