LOYS

ar mafoy, le voicy bien à propos.

^,^ Philippes. Sainct Anthoine te gardera, que crams-tu :

LoYS. Bon soir. Monsieur.

Philippes. Hé! mon grand ami, quel vent vous pousse en ce quartier?

LoYS. Le désir que j'ay de vous veoir et sçavoir si voulez mander quelque chose à la Cour.

Philippes. Comment! partez-vous si tost ? LOYS. Demain, de grand matin ; ainsi, pour

Le Morfondu, Comédie. 299

prendre mon loisir et ne vous ennuyer, je me suis advisé après soupper vous venir trouver , et vi'ayement, si j'eusse tardé encores un peu d'avantage, j'estoy, à ce que je voy, pour vous chercher assez a loysir.

PiiiLlPPES. Oy, et paravanture sans me trouver.

LoYS. J'en remercie donc ma fortune. Mais quelle fumée vous chasse maintenant de vostre logis? l^ar Dieu ! il y a de la diablerie ; autrement ne seriez si tard par les rues.

Philippes. Ma foy, vous dictes vrav, et pouvez croire que, si je n'y eusse esté contrainct, ains forcé, je fusse encores en ma chambre.

LOYS. Voy, qu'y a-il de nouveau?

Philippes. Ha ! mon frère, mon amy, la colère, le desdain et l'amour, occasionnez par une maudite et sanglante avarice, m'ont poussé en un tel labirinte que, si Dieu ne m'ayde, je ne suis pour en sortir mes brayes nettes,

LoYS. Si ne me dictes autre chose, je ne sçay que respondi-e.

Philippes. Coutentez-vous que, si jamais l'avarice regua en corps humain, qu'elle tient son siège en mon père.

LoYS. Ah ! misère infinie ! Ah ! peste abominable ! Comment par mille sortes d'exemples les hommes n'aprenncnt-ils que la fin de l'avaritieux est mourir désespéré, en la haine de Dieu et au mespris du monde?

Philippes. U est viel comme ces rues, et, par manière de dire, a desjà un pied dedans la fosse. Toutesfoisluy est advis qu'il n'eu aura jamais assez. Mais, si ma pensée ne me déçoit, je fay veu

3oo Larivey.

à Dieu qu'il n'en ira pas ainsi qu'il leur est advis. On y a mis tel ordre ceste soirée qu'on me priera vouloir ce qu'on me lefuse maintenant.

LoYS. En fin, que voulez-vous inférer par là? qu'y a-il?

PlliLippES. Si n'estoit quejecrain trop m'amuser, je vous conteroy (bien qu'à mon grand regret) la plus grande lascheté et vilenie de mon père qu'on oyt oncques. Mais, par Dieu, par Dieu, il luy couslera plus cher qu'au marché!

LOYS. Hé ! faictcs, je vous prie, que je a'^ous entende, sans vous excuser sur vostre peu de loysir, car nous n'avons qu'assez de temps.

PlliLiPPES. Quelle heure est-il?

LOYS. Quand je vous ay rencontré, cinq heures venoient de sonner.

Philippes. Puis qu'il n'est point plus tard, je veux qu'en sachiez tout le tu autcm^ et cognoissiez la malice et meschanceté d'un viellard et la folie et cruauté d'un autre.

LoYS. Commancez donc, je vous prie.

Philippes. Vous cognoissez bien Charles, fils de ce conseiller nostre voisin.

LoYS. Qui? celuyqui est tousjours avec vous? Je ne cognoy autre ; vrayment , c'est un fort honeste et vertueux jeune gentilhomme.

Philippes. Cestuy, estant ardamment amoureux des bonnes grâces de ma sœur Lucresse , a supporté et supporte encores, à ceste occasion, mille ennuis incomparables ; chose qu'il me celoit tousjours, ne me l'osant déclarer, crainte d'altei'er l'inviolable amitié qui est entre nous, jaçoit que je l'en priasse très instamment. En fin , ne pouvant plus tenir son mal caché , et voyant qu'il n'y

Le Morfondu, Comédie. 3oi

avoit autre remède , joint que je l'en importunoy sans cesse, delibei\i se descouvrir à moy, et de faict, ayant quasi les larmes aux yeux, me conta (non sans rougir plus de mille fois) qu'en ma sœur gisoit le repos de ses désirs , le comble de ses pensées et la mort de ses passions ; ainsi , que, s'il plaisoit à mon père et à moy, qu'il l'espouseroit fort volontiers et l'advantageroit d'un tel douaire que nous en serions contens.

LoYS. Yrayement, vous ne le devez econduire. Philipi'ES. Attendez: je leblasmay premièrement de sa défiance ; après le reconfortay, le remerciant de l'honneur qu'il nous faisoit, et, me semblant avoir vingt-cinq sols pour livre, je la luy promy.

LoYS. Par mon Dieu ! c'est un party qui ne doit estre refusé , et ne le devez moins chercher qu'il vous recherche.

Puilippes. Escoutez donc : dès le soir mesme je le fi entendre à mon père , qui volontiers y presta l'oreille , voyant que ma mère et moy en estions fort ayses , et ma sœur encores plus contente, d'autant qu'elle le cognoissoit de jeunesse. LoYS. Je pense en la peine où lors estoit Charles.

Philippes. Il ne receut jamais meilleures nouvelles que quand je luy dy comme son aliance plaisoit egallemcnt à nous tous , le remerciant bien fort au nom de mon père de l'honneur qu'il nous faisoit. Et, pour le faire court, la chose estoit comme conclue , et dèslors eust-on faict les nopces , si elles n'eussent esté desbauchées par nouveaux et esti'anges accidens.

LoYS. D'où procéda ce destourbier?

3o2 Larivey.

Philippes. Du mal que Dieu envoyé à qui en fut cause.

Lovs. Et qui en fut cause?

Philippes. Ce radoté viellard de Lazai-e.

LoYS. Qui? Ce viel singe contrcfaict?

Philippes. Oy, que le grand diable l'emporte !

LoYS. Comment cela?

Philippes. Je vous le diray. Cest homme, ayant quelques affaires avecques mon père , venoit souvent en nostre logis, d'où il ne retournoit jamais sans disner ou soupper avec nous , se séant tousjours vis-à-vis ma sœur, à laquelle il faisoit ce qui luy estoit possible pour s'insinuer en ses grâces, à quoy (attendu sa foible viellesse) nous ne prenions aucunement garde. Mais que diriez- vous qu'il en devint amoureux ?

LoYS. Je vous espioy à ce passage. Ma foy, voilà un vaillant combattant!

Philippes. Iceluy, ayant entendu de mon père comme elle estoit accordée, qui estoit son fiancé et combien il lui donnoit en mariage, fut pour mourir de regret. Toutesfois, dissimulant sa douleur, et après avoir longuement pensé en soymesme comme il pourroit rompre ce mariage, naguères fit dire à mon père que, s'il luy vouloitdonner à femme sa fille toute nue, qu'il la vestiroit de toutes sortes d'accoustremens, labagucroit, feroit les nopces et la doueroit de tout son bien , de mode que , s'il venoit de fortune à mourir le premier, elle se pourroit après richement remarier à qui bon luy sembleroit.

LoYS. Vray Dieu! voyez les trais de la fortune! Et bien, que dict vostre père?

Le Morfondu, Comédie. 3o3

PiiiLlPPES. Il respoudit comme un misérable ruarane el vilain avaritieux , asçavoir que, où il tiendroit sa parolle, la fille estoit à luy. Après, m'ayant le tout déclaré, me commanda porter ces belles nouvelles à Charles, et sçavoir de luy s'il vouloit ma sœur aux conditions et mesme pris du viellard; si non, qu'il torchast hai'dimcnt sa bouche , et qu'elle luy passeroit loin des costes.

LoYS. Ah! pauvre Charles! Et que dict-il?

Philippes. Vous le pouvez penser : il blasfemoit le Ciel, despitoit les astres, maudissoit sa naissance et se plaignoit de la fortune , mais beaucoup plus de mon père, acceptant neantmoins les conditions qui luy estoient proposées. Mais ce fut en vain , pource qui luy fut respondu par mon père qu'il estoit marry qu'il ne la luy pouvoit donner, d'autant qu'il estoit encores en puissance de père et de mère , et que, où elle ne luy portcroit un bon mariage , ils estoient et l'un et l'autre pour en endurer après et avoir assez froid aux dents. Ainsi le pauvret fut désarçonné par Lazare, dont il demeura le plus dolent homme du monde , et ma sœur encores d'avantage.

LoYS. 0 soif insatiable ! Se peut-il faire que Joachim, pour sauver la despense, veulle marier sa fille unique à un viellard contrefaict , ne se souvenant qu'avec un dot raisonnable il la pourroit donner à un beau jeune homme , qualifié , gentil, gaillard, honneste, de noble race et bien apris ! Voyez la sale cupidité des hommes! 0 pauvre fille ! et pauvres filles encores avec toy toutes celles que le Ciel a destinées prendre naissance de pères tant avaricieux ! Mais, coutez-moy, qu'en advint-il après?

3o4 Larivey.

Philippes. Me semblant que l'on faisoit tort à Charles, je deliberay, pour la grande amitié qui est entre nous, pour les infinies obligations dont je luy suis tenu, pour la raison, qui le requiert, et pour le contentement de ma sœur, ne me soucier de tout le profict qui m'en pourroit advenir ; tellement que, ayant mis à part tous les respects que je doy à mon père, je m'accorday avec luy faire en sorte que peussions empescker ce mariage, et y avons tant soigneusement travaillé, à l'ayde de Lambert, son serviteur, que, si le tout réussit à autant bonne fin qu'heureux en a esté le commencement, ils n'auront, ainsi qu'ils pensent, si ayseraent Pasques au dimanche.

LOYS. Sçauroit-on sçavoir que ce peut estre?

Philippes. Ce Lambert, qui est un fin frété, rusé en toutes espèces de malices s'il en fut oncques, fut, en ses jeunes ans, laquais de Lazare, à raison de quoy il est fort familier avec luy. Ainsi, ces jours passez, ce gallant l'alla veoir, lequel, faignant estre amy de sou honneur et désireux de son bien et avancement, après l'avoir longuement entretenu de ne scay quelles baliverneries, luy fît croire que ma sœur Lucresse, qu'il s'atend cspouser, alloit pour le moins deux fois en la sepmaine coucher avec Charles , son maistre, s'offrant, à toutes les fois qu'il voudroit, lui faire veoir ces te pratique.

LOYS. Par Dieu, la voilà bonne.

Philippes. Le viel jaloux, qui le creut aysement, s'alluma dèslors d'un tel desdain qu'il ne sçait maintenant où il en est ; de façon que, dès dimenche dernier, qui devoit estre le jour des espousailles, il fist sçavoir à mon père qu'il vouloit

Le Morfondu, Comédie. 3o5

attendre encor cinq ou six jours , et pour cause.

LoYS. Je me resjouiroy, mais je ne voy gluau qui tienne.

Philippes. Vous n'estes encore party. Attendez.

LoYS. Dictes.

Philippes. Ainsi, cest homme, plus que fol désespéré, ne srait ores de quel bois faire flesches, si que craignant estre trompé, il veut, de ses propres yeux, veoirtout le mistère, et, en ceste volonté, a puis naguères enA'oyé queiir Lambert pour le sommer de sa promesse, et l'adA'ertir en temps et lien; et pour tous dire ce qui en est, voicy l'beure de l'assignation.

LOYS. Jusqnes icy, je ne voy chose qui vous puisse beaucoup ayder.

Philippes. Je ne sçay. Tant y a qu'hyer au soir, Lambert m'advertit qu'il avoit arresté avec le viellard que ceste nuict il lui monstrcroit la lune au puis. Ainsi, par l'advis de son conseil, nous avons donné ordre à tout.

LoYS. Quel ordre?

Philippes. Lscoutez : ma sœur, qui plus que nous-mcsmes est désireuse de nos désirs , estant du tout deuement advertie, a tant faict envers nostre fille de chambre, qu'elle l'a convertye à faire cet office et jouer son personnage.

LoYS. Dieu soit loué! Je commance à ceste heure y voir un peu plus de clairté.

Philippes. Ainsi, au desceu de tous ceux de nostre maison, nous avons tant faict que l'avons vestue des accoustremcns de ma sœur, avec lesquels Lazare l'a veue plus que beaucoup de fois,

3o6 Larivey.

de sorte qu'à ceste heure il semble que ce soit elle-mesme.

LoYS. Et bien! à quoy doit réussir ceste menée ?

Philippes. a cela que, Lazare ne voulant point de ma sœur, mon père sera contraint la bailler à Charles.

Lovs. Ainsi vous soit le ciel favorable et la fortune prospère , comme amoureusement vous vous employez pour l'un et pour l'autre !

Philippes. Ce n'est pas tout : je suis encor de la partie , car Lambert m'a dict avoir tant heureusement besongné pour moy qu'en ceste mesme nuict il consommera tous mes désirs, faisant coucher entre mes bras Helaine, niepce de Lazare, pour l'amour de laquelle je brusle vif entre les flammes.

LoYS. Dieu vueille favoriser voz entreprinses ! Je voudroys qu'il m'eust cousté grand chose, et que j'en peusse avoir le passe temps avant que partir, mais il faut desloger; parquoy, affin de mettre ordre à mes affaires et ne vous destourner des vostres , je prendray congé de vous, me recommandant à voz bonnes grâces. A Dieu, Monsieur.

Philippes. A Dieu, jusques au retour, que j'espère que me retrouverez plus content. Or l'heure s'approche, il vaut donc mieux que j'aille à mon assignation. 0 Dieu! que je suis aise! Le cœur me saute d'allégresse. 0 nuict ! douce nuict ! Helas! quand sera-ce que tu me seras plus claire et belle que le plus beau jour de tous les plus beaux jours ! Mais il ne me faut laisser eschapper

Le Morfondu, Comédie. 307

le temps, puis que je le tiens par le poil : car qui Ta et le perd tard le rencontre.