SCÈNE V

Lambert^ Lazare^ Philippes, Charles^ Boniface.

Lambert.

mon Dieu ! tost, tost, Messieurs ! faictes I semblant vous entrebatre ; et toy, Boniface, feins les vouloir séparer. Là donc, criez, menez du bruict, contrefaictes voz voix, affin qu'il ne vous cognoisse. Despeschez tost.

Charles. Ah traistre ! est-ce ainsi que tu me preus en homme de bien ?

Phipippes. Ha poltron! c'est ici que je vengeray le tort que tu m'as faict.

BÔmface. Holà! Messieurs, holà! retirezvous; c'est assez, c'est assez.

Lazare. Qu'est-ce là? qu'est-ce là? Lambert, qu'est-ce là?

Lambert. Ce sont des hommes qui s'entrebattent.

Charles. 0 Dieu ! je suis mort !

Philippes. Ah traistre ! tu n'eschappcras de mes mains.

Boniface. Tout beau , Messieurs , tout beau , de par Dieu! c'est assez.

Lambert. Hé ! mes gentilshommes ! retirezvous. (Boniface , demaude-moy des armes.) Retirez-vous, je vous supplie.

Lazare. Retire-toy toy-mesmcs, Lambert; voy-tu pas qu'il n'y a point de proffit ?

33o Larivey.

Lambert. Voyez-vous pasqu'ilz s'entrctuent?

BoNiFACE. Mon compagnon , je te prie , apporte icy quelques armes, quelque espée ou quelque je ne sçay quoy, pour les séparer.

Lambert. Boniface, prend mon chapeau et le serre. Sire Lazare, conseillez-moy, que doy-je faire?

Lazare. Que tu fermes Fhuys, tant tu es sot. Te veux-tu perdre? Que penses-tu que ce soit, estre trouve à ceste heure saisy d'armes?

Lambert. Vous dictes vray.

Boniface. St! holà! tout beau! attendez! Ils ont fermé l'huis !

Philippes. Mais que nous a-il faict faire?

Boniface. Quelque chose, cioyez-moy.

Philippes. Dieu le vueille; mais je ne puis penser tout cecy pouvoir réussir à quelque bien.

Charles. Lambert n'est pas beste, et vous asseure qu'il n'a rien faict qu'à bonne occasion.

Boniface. Il m'a faict serrer son chapeau, qui me faict penser qu'il y a quelque chose en son celier; mais qui diable est celuy que j'ay veu en juppon avecques luy?

Philippes. L'as-tu point cogneu?

Boniface Non. 0 quel masque affamé! Par sainct Picot! il a l'air d'un brave poltron. Avezvous veu qu'il n'a jamais osé franchir le sucil de l'huis?

Charles. Philippes , avez-vous prins garde qu'il a de la barbe?

Philippes. Nenny. Comment, de la barbe?

Charles. Oy, de la barbe, oy.

Philippes. Vous ne l'avez pas bien regardé.

Charles. Mais vous-mesmes ?

Le Morfondu, Comédie. 33i

Philippes. Boniface , dy-moy, avoit-il de la barbe ?

Boniface. Oy , il en avoit «ne grande noire, pointue comme celle d'un vieil bouc.

Philippes. Par ma conscience ! ce n'estoit donc pas luy? Mais voicy Lambert. Et bien! comme se portent noz affaires? qu'as-tu faict du pèlerin ?

Lambert. Je Fay laissé en prison.

Charles. Comment, en prison?

Lambert. Bien , car il ne peut sortir sans mon congé.

Charles. Yray Dieu! il s'apercevera de la tromperie.

Lambert. Il ne sçauroit.

Charles. Comme as-tu faict?

Lambert. Sitost que fusmes rentrez dedans, je luy dy avoir perdu mon chappeau et que je le voulois aller cbercher. Là-dessus je sorty, tirant l'huis après moy, lequel tout bellement je fermay à double resort, de façon qu'il ne peut sortir sans hurter. Je l'eusse fait du commencement; mais il me talonnoit de si près qu'il ne me fut jamais possible.

Charles. Voilà un bon traict.

Philippes. Bon, par mon ame!

liAMBERT. Ce pendant nous ferons nos affaires.

Philippes. Mais , helas! ce ne sera pas si tost faict.

Lambert. Quel danger?

Philippes. Quel? Que par ta trop longue demeure Lazare ne s'aperçoive de ta tromperie, et qu'ainsi noz pensers ne demeurent vains.

Lambert. N'ayez crainte; que sçauroit-il faire?

332 Larivey.

Philippes. Tant, helas! que ce seroit trop.

Lambert. Vous avez grand peur. Laisscz-moy faire, et entrons seulement dedans, affin que les voisins ne puissent entendre ce que j'ay envye vous dire .