SCÈNE II

Boni face seul.

ui trop embrasse mal estraint. J'avois tant gentiment besongné avecques Lazare, et si bien faict, que rien mieux : tellement, que je pouvois seurement demeurer avec luy auprès du feu, attendant que Lambert le vint quérir, et, faignant croire qu'il fust son frère, luy conter ce que j'eusse voulu; toutesfois, à mon occasion et par ma folie, je voy tout le monde en peine. Geste malheureuse gueulle me fera quelque jour damner. Si tost que ceste-la fut deshabillée, je descendy en la cave, et, mettant le foret en un tonneau, puis en un autre , j'allois tastant qui estoit le meilleur : je goustay de celuy d'Orléans, jcbeu de cehiy d'Irancy, et me remply si bien de ce blanc trouble d'Arbois, que j'en suis encore gentil compaignon. Mais comme m'excuseray-je envers mon maistre

Le Morfondu, Comédie. 3y5

de ce que je n'ay entretenu Lazare? Que voulezvous ! je me suis trop emancippé. Où diable pourroit-il estre allé? On ne voit nv enten-on icy personne. Laissez-moy escouter si céans on fait quelque bruit. Philippes est aux prinses avec sa maîtresse. Mais, o ô! queveult signifier ce baston mis à travers ceste porte? On a faict cecy afin que ceux de dedans ne puissent sortir. Je prie Dieu, mon maistre, qu'il vous soit en ayde. Il me prend envie de Tester; pourquoy faire ? que sçay-je si, pensant ayder, jepourrois nuire? Je le laisseray ! Cependant, je m'en vay en ceste autre rue, sur laquelle respondent les fenêtres de la chambre oîi couche llelaine, et escouter si j'entendray point quelque bruict.