YOUS

Philippes. Qu'y a-il?

Lambert. Le temps est cher, ne le perdons point, je vous pi'ie, à m'interroger ; mais faictes ce que je vous dy, venez-vous-en.

Philippes. Et bien, me voicy.

Lambert. Le voilà maintenant en seureté. 0 Lazare, Lazare ! si tu me donnes tant de loisir que je puisse exécuter ce que j'ay en la fantasie , jamais homme ne besongna mieux que moy.

Philippes. Lambert, quelle furie? Qu'y a-il de nouveau?

La.iibert. Tant qu'il y en a plus qu'assez.

Le Morfondu, Comédie. 877

PuiLlPPES. Ce m'est tout un : que la fortune face maintenant ce qu'elle voudra, je suis accommodé.

Lambert. Comment, accommodé?

Philipi'ES. Bref, c'est la plus houneste et la plus gentille (sans faire tort aux autres) qui soit en Paris.

Lambert. Ne me tenez point en ces longueurs.

Philippes. Puisque tu es tant hasté, je ne m'arresteray à te conter toutes les particularitez.

Lambert. Non, je vous prie, dictes-moi seulement le subject.

Philippes. Il fallut devant que jamais je l'a peusse baiser que je luy promisse mariage, en signe de quoy je luy laissé mon anneau.

Lamrert. Eh! vous mocquez-vous?

Philippes. Je le dy au meilleur escient que j'aye.

Lambert. Comment! sans le consentement de Lazare ny de vostre père ! Et s'ils n'en sont contens ?

Philippes. Baste, elle en est contente, qui est le principal.

Lambert. Doncques Hclaine est vostre femme?

Philippes. Oy, Helainc est ma femme.

Lambert. Vous croiray-je?

Philippes. Oy, si tu veux, et te dy que j'ay faict laquelle chose de par Dieu.

Lambert. Vous n'avez encores touché les deniers du douaire.

Philippes. Je les toucheray plustost que tu ne penses.

Lambert. Il faut doncques que Lazare sçache

378 Larivey.

tout le mistèrc, mesmes la supposition de Claire , les villenies de Boniface, et mes malices et tromperies.

Philippes. Quyferay-je?

Lambert. Vous ne luy deviez rien promettre; j'eusse bien pourveu à tout.

Philippes. Que t'importe cela?

Lambert. Excusez-moy, je ne sçaurois achever ce que j'ay commencé.

Philippes. J'en suis mary; mais quoy ! il n'y a point de remède , la pierre est jettée !

Lambert. Si m'eussiez dict que la vouliez espouser, je me fusse gouverné d'une autre façon.

Philippes. Lambert, monamy, jeue suis pas devin.

Lambert. En fin, je voy bien que tout ce potage sera renversé sur moy. Dieu m'est tesmoing si à autre fin sinon pour vous complaire et obeyr à mon maistre j'ay faict ce que j'ay faict. Joachim s'accointera avec Lazare , et ensemble me feront quelque tour qui ne vaudra guères, l'un à cause de ce qui a esté faict en sa maison, et l'autre en vengeance des froidures et injures qu'on luy a faict supporter. Qui ne sçait que mes semblables sont à la fm chastiez? Dieu sçait comment ! Nostre ordinaire esttousjoui's d'un gibet, d'une estrapade, ou d'une galère, à un besoin. iMais, par Dieu! par Dieu ! on ne m'y tient pas, car je seray contraire au jour, je me cacheray si tost que il se monstrera.

Philippes. Et puis?

Lambert. Au camp de la Charité.

Philippes. Lambert, que veux-tu faire?

Lambert. A Dieu, à Dieu.

Le Morfondu, Comédie. 379

Philippes. Tu me pers , helas !

Lambert. A Dieu, vous dis-jc.

Philippes. Que fcray-je icy ! Eucor s'il m'avoit dict où est Lazare. Je ne sçay si je doibs aller en mou logis, on chez Charles, ny que je doy faire. Le cueur me faut bien au besoin. Encor si je trouvois mon serviteur, j'apprendrois de luy quelque chose. Voicy grand cas qu'il faut que je cherche qui me doit chercher ; mais quoy ! ainsi va le monde.