SCÈNE V. Lazare, Helaine, sa niepce

Lazare.

ccah, uccuh, occoh ! on ne commit jamais plus grande meschancetc ! neantmoins, je luy pardonneray tout, pour- ^ veu qu'Helaine n'ayt esté violée, car il ne peut rien avoir transporté ny estre encor sorty. Mais puisque Lambert ne vient poiut, je m'en vas devant ; je sçay qu'il ne sauroit meshuy gueres demeurer. Il me tarde que je coguoisse le galland. Vous verrez qu'il s'en sera fuy, puisque le baston est osté. Tic, tac toc.

Helaine. Qui est là?

Lazare. Ouvre, Helaine, c'est moy.

Helaine. J'y vas.

Lazare. Voy, ceste-cy est levée aussi bien que les antres. Que veut dire cecy?

Helaine. Vous soyez le bien venu, mon oncle.

382 Larivey.

Lazare. Je pensoy te trouver pleurant, et je te voy toute gaye.

Helaine. Si je ne suis joyeuse à ceste heure , quand voulez-vous que je le sois Y

Lazare. Oh! je n'eusse jamais pensé que tu eusses osé lever les yeux pour regarder le ciel.

Helaine. Pourquoy?

Lazare. Elle demande encor pourquoy! De honte que tu devrois avoir! Que veut dire que tu es maintenant levée?

Helaine. Pour-ce que n'en sçavez rien!

Lazare. Tu me la bailles belle! Comme veuxtu que je le sache? Quelqu'un est-il venu céans en mon nom?

Helaine. Si l'avez envoyé, qu'est-il besoin le demander?

Lazare. Serois-je point ceste nuict devenu un autre que raoy? Diable! suis-je pas moy-mesme, suis~je pas Lazare ?

Helaine Oy, vous estes Lazare.

Lazare. Je scay bien que je ne suis pas yvrc, car je n'ay beu qu'un peu de vin, encores bien trempé. Je sçay bien que je ne songe pas, car je suis esveillé. Je sçay encores bien que je ne resve point, car je n'ay pas la fièvre. Dy moy qui a envoyé Agnès et le laquais en ville ?

Helaine. Ce fut un jeune homme qui me dict que l'aviez envoyé icy, ce que j'ay creu véritablement.

Lazare. Et bien, que fit-il?

Helaine. Pour vous dire en un mot, me monstrant vos accoustremens pour enseignes, afferma que me l'aviez donné pourmary.

Lazare. Après, que s'cnsuivit-il?

Le Morfondu, Comédie. 383

Helaine. N'y pouvant résister, nous fismes ce que riiomme faict avec la femme.

Lazare. 0 sotte, malheureuse, n'as-tu point de honte? Cestuy-là t'aura deceue, il t'aura deshonnorce.

Helaine. Non, non , pardonnez-moy, je sçay bien que non : voilà l'anneau qu'il m'a donné en nom de mariage.

Lazare. Oyezl'estrangeté de ceste advenlure, ([ui feroit désespérer les plus constans ! T'a-il au moins dict son nom?

Helaine. C'est un homme de bien.