SCÈNE VII

Léger, Boniface.

Léger.

e puis bien dire que je suis malheureux de tout point ; aussi la fortune se joue demoy comme elle Aeult. Je fusse mort si je n'eusse joué pour perdre tout ce que j'avois, de manière qu'il ne m'est pas demeuré un rouge double. Que diable feray-je ? Il me faut aller chercher Lambert, pour le prier qu'il me fasse donner quelque chose par son maistre pour m'ayder à faire mes despens. Mais il ne me luy fault pas dire que j'ay joué, de par Dieu! Laissez faire, je trouveray bien mou excuse.

BoMFACE. Cet homme en a si grande envye , qu'il meurt sur les pieds...

Léger. Voicy grand cas que je ne voy personne.

Boniface. Et m'envoye sçavoir comme le tout a succédé.

Léger. Qui est cestuy qui vient ainsi grommelant? Par ma foy! c'est Boniface. Hola ! hél Boniface, où vas-tu?

Boniface. 0 l'homme de bien! que fais-tu icy?

Léger. Que sçay-je? rien! Me sçaurois-tu enseigner où je trouveray Lambert?

Boniface Pourquoy?

Léger. Je voudrois parler à luy: autrement je suis perdu !

Le Morfondu, Comédie. 387

BoNiFACE. Je ne sçayoùil est; mais si tu veux parler à son maistre, je te meneray à luy.

Léger. Je t'en prie ; peut-esti e que je feray si bien avec luy que je me passeray aisément de Lambert.

BoMFACE. As-tu pas eu de la bille?

Léger. Oy, mais tant y a que je suis tousjours malheureux.

BoNiFACE. Qu'y a -il?

Léger. Après que j'euz faict mon devoir, j'allav coucher aux estuves, où l'on m'a desrobbé tout l'argent que m'avoit donné Philippes ; tellement que me voilà demeuré sans denier ny sans maille.

BoNiFACE. 0 petit sot! où Favois tu mis?

Léger. En la pochette de mes chausses, enveloppé en du papier.

BdNiFACE. Ne te soucie, vien avecque moy : je pense que tout se portera si bien que tu t'en pourras resentir.

Léger. Situ sçais quelques bonnes nouvelles, que ne m'en fais-tu part?

Bomface. Aussi feray-je ; allons !

Léger. Allons!