SCÈNE IX ET DERNIÈRE

Lambert, Joachim, Lazare, Charles, Philippes^ Boni face.

Lambert.

lenez viste, Pliilippes ; retirez-vous un peu et ne vous monstrez que je ne vous ippelle.

JOACHIM. Quant à moy , je la luy donneray volontiers; mais je ne sçay s'il la voudra.

Lambert. Mon maistre, avancez-vous. Voyez : les voilà ensemble.

Lazare. J'y feray ce que je pouiTay.

Lambert. Sire Lazare, voicymon maistre.

Charles. Dieu vous gard, Messieurs.

Lazare. 0 ! ô ! vous soyez le bien venu.

JOACHiM. Charles, dy-moy un peu, que t'a faict mon fils ?

Charles. Le sçavez-vous pas? Il m'a desrobbé.

JOACHIM. Sçais-tu pas bien que ce n'a esté luy?

Charles. Tant y a qu'il en est cause.

Lazare. Laissez cela; je payeray tout. Que pouvez-vous avoir perdu?

Charles. Environ la valeur de vingt ou vingt-cinq escuz.

Lazare. Ce n'est pas grand cas. Or sus, accordons le tout. Charles, si tu ne le sçais, Philippes a ceste nuict fiancé ma niepce. Voilà pour-

392 Larivey.

qiioy je veux tout payer ; et si tu n'as assez de vingt-cinq escuz , tu en auras quarante. Mais j'ay pensé qu'il faut que soyons tous parens ou alliez : que Joachim te donne sa fille, comme autrefois il te l'a promise, et qu'on ne pense plus à ce qui est passé. Qu'en dictes-vous, Joachim?

Joachim. Ce qui luy plaira. Je sçay que la mère en est contente,

Lazare. Et Lucresse encoi'e d'avantage. Tu ne dis mot, Charles? Je suis d'avis que tu te faces prier !

Charles Je ne désire autre chose.

Lazare. Allons en mon logis ; Helaine, comme je pense , aura faict bon feu ; là nous conclurons tout.

Charles. Comme il vous plaira.

Joachim. OùestPhilippes?

Lambert. Allez devant, je le meneray après.

Lazare. Entrez , Joachim ; passe , Charles ; Boniface , cour devant et dy à Helaine, puis qu'elle est seule, qu'elle allume des chandelles.

Boniface. C'est faict.

Lazare. Lambert, va- t'en chercher Philippes; ne demeure guères; vois-tu, je laisse l'huis entr 'ouvert.

Lambert. Je seray incontinent de retour. 0 ! Philippes ! Philippes !

Philippes. Holà!

Lambert. Venez, le bec de l'oye est orlé.

Philippes. Comme se porte le tout?

Lambert. Bien, bien; la chose est allée selon nos désirs.

Philippes. Dieu soit loué !

Lambert. Mais où est Léger?

Le Morfondu, Comédie. 3g3

Philippes. Je Tay envoyé coucher: il mouroit de sommeil.

Lambert. Qu'avez-vous envie d'en faire?

Philippes. Luy faire pardonner par Lazare; sinon, le vestir de neuf et luy bailler argent pour s'en retourner en son pays.

Lambert. Or sus, allez contenter un chacun.

Philippes. Tu me laisseras prendre mes vestemens, s'il te plaist.

Lambert. Ne sçavez- vous pas qu'il faut que faigncz qu'ils vous ont esté desrobbez , afin que la feinte ait quelque chose de vray-semblable?

Philippes. Ha ! ha! ha ! tu dis vray; mais poiirquoy n'entres-tu?

Lambert. Cheminez, je seray aussi tost que vous. Messieurs et Dames, nous allons conclure ces mariages , accorder quand et où se fera le banquet , faire les mémoires des viandes , boire chacun un coup , puis nous mettre entre deux beaux draps pour reposer nostre humanité. C'est pourquoy je serois d'advis que fissiez le semblable , et chacun se retirast à sa chacunière. Toutesfois je vous prie, avant que partir, nous faire enteudie par un petit bruit d'allégresse que nostre labeur vous est agréable. A Dieu. Resjouissez-vous.

FIN