SCÈNE I

Jacquet, en habit de fîUe, retournant d'avec le vieillard; Thomas.

Jacquet.

rreste ! je mourray si je ne te racomte de point en point comme le tout s'est passé.

fe Thomas. Tu me le diras tout à loisir quand nous serons au logis , car il me tarde que je sçache comme se sont portées les affaires de ton maistre et de Françoise , pource que, si elles

ont succédé comme je pense, nous aurons de quov rire un jour entier.

Jacquet. C'est tout un, je veux que tu m'escoutcs; nous aurons tousjours cet advantage.

Thomas. Dcpesche-toy donc !

Jacquet. Mais tu me la baillas belle.

Thomas. Comment?

Jacquet. Tu m'avois promis ne bouger d'avec moy, et tu t'en allas si tost que je fus entré en la chambre du vieillard.

Thomas. Te diray-je la vérité? Il me graissa si bien les mains que je me laissay chasser.

Jacquet. Où as-tu esté cependant?

Thomas. En un cabaret, c^r je mourois de faim et de soif.

Jacquet. Et toy sage. Or, cscoutedonc, et tu orras merveilles. Quand ce mouton m'eut veue , il entra en telle crainte qu'il n'osoit ouvrir la bouche pour me dire un seul mot.

Thomas. Il te le sembloit, mais il est mcschant comme un bœuf.

Jacquet. Tu dis vray. Après, et si tost qu'il t'eustfait soi'tir et fut demeuré seul avecques moy, il ferma la porte aux deux verroux , puis s'approchant de moy, qui faisois fort la honteuse , me fit les plus sottes caresses du monde, me voulant baiser a tous coups ; mais il ne fut jamais en sa puissance.

Thomas. Tu faisois trop la rencherie.

Jacquet. En fin , se jettant à genoux devant moy, commença me prier et conjui'er avec les plus douces parolles dont il se pouvoit adviser; mais je ne le voulois oyr, luy disant tousjoirrs : Mon Dieu, laissez-moy aller devant qu'il soit plus

72 Larivey.

nuict ; car, si ma mère me demandoit , je serois battue.

Thomas. Ha ! ha ! ha ! il m'est advis que je vous voy ensemble.

Jacquet. M'ayaut priée et repriée à sa mode , et me trouvaut tousjours plus dui'c, me requist finablement que si je ne voulois rien faire pour l'amour de luy, qu'à tout le moins pour mon aise je me couchasse vestue comme j'estois sur le lict, car il ne me pouvoit veoir, disoit-il , ainsi debout et mal à mon aise.

Thomas. Cela procedoit de grande amitié.

Jacquet. Ce que je luy accorday, aux conditions qu'il ne me toucheroit point.

Thomas. Tu luy donnas le plus et luy refusas le moins ; ainsi tu ne le soUicitois plus te laisser aller?

Jacquet. Si faisois plus que jamais, pour donner couleur à la fraude, disant quelquesfois avec une voix si triste qu'il sembloit que je pleurasse : Où est Thomas? Mon Dieu, je voy bien que je suis trahie ! En fin , je me couchay, et luy auprès de moy .

Thomas. Est-ce tout?

Jacquet. Nenny, de par Dieu! voicy le meilleur : si tost que je fus sur le lict, j'agencey ma robe entre mes jambes et alentour de moy, si proprement et estroittement que puce n'y eust pas entré.

Thomas. Et bien?

Jacquet. Cependant le pauvre Landore, ayant bien souspiré, fit semblant dormir, et moy aussi.

Thomas. Bon!

Jacquet. Et ayant demeuré quelque temps

Le Laquais, Comédie. 73

en cet estât , je luy tourné le dos , faignant tousjours dormir bien fort.

Thomas. Pourquoi cela?

Jacquet. Adoncle vieillard se retourna aussi, puis quelque temps après je senty que peu à peu il levoit le bord de ma robbe avec la main, qu'il couloit tousjours en amont, cherchant. .. tu m'entends bien?

Thomas. Mais si les puces n'y eussent sçeu entrer, comme y pouvoit-il mettre la main?

Jacquet. Que tu es simple! vien çà : qui a plus de force, ou une main, ou une puce?

Thomas. Passons outre.

Jacquet. En ces entre-faictes j'ouvre les jambes comme en dormant, quoy sentant le viellard, il poussa sa main jusques entre mes cuisses, où il trouva ceste racine qui distingue les hommes d'avec les femmes.

Thomas. Et puis, qu'en fut-ce?

Jacquet. Je ne A'y pas quelle grimasse il faisoitlors, mais je l'entendy jetter un grand cry, et dire: Qu'est-ce cy ? dors-je ou non? A ce cry, faignant de m'esveiller, je me retourné vers luy, le regardant, et lui moy.

Thomas. Que meritois-tu alors?

Jacquet. Gentmille escus; mais escoutedonc, si tu veux.

Thomas. Achève, lu me romps la teste.

Jacquet. Pour le faire court, le bonhomme me demanda qui j'estois, et pourquoy je l'avois trompé en ceste manière.

Thomas. Que respondis-tu ?

Jacquet. Je luy dy que j'estois le frère à Marie, laquelle m'avoit envoyé ainsi desguisé vers

74 Laiiivey.

luy pour Tasseurcr de son amitié, mais quMlc vouloit qu'on n'en sçeust rien, joint qu'elle ne se fioit trop en toy, cognoissant ta mauvaise langue.

Thomas. Grand mcrcy.

Jacquet. Que t'en semble? ay-je pas joué un tour de maistre Gonyn ?

Thomas. J'en suis bien tenu au lien de tes chausses.

Jacquet. Chose que le bon homme crcut, lequel, pensant à l'advenir s'ayder de moy, me fist mille belles et grandes promesses, et, qui plus est, tirant un ruby de son doigt, me le bailla pour porter à ma sœur.

Thomas. Monstre veoir... Par sainct Jehan, il est beau, pourtant! Voilà, je sça vois bien que j'aurois la peine, et un autre en emporlcroit le profict.

Jacquet. Tu ne dis rien des testons qu'il t'a donnez.

Thomas. Voilà un grand venez-y vcoir ! ce n'est que de la monnoye. Cependant tu as tout chargé sur mon dos.

Jacquet. Au contraire, je t'ay deschargé, lui ayant faict entendre que lu avois esté le premier trompé .

Thomas. Ce m'est tout un. Tant y a que la trousse est belle.

Jacquet. Or sus, allons trouver mon maistre.

Le Laquais, Comédie.