SCÈNE IV

Messcr Anthoine ^ secrétaire du cardinal;

Lucian, Spneon, Françoise^ U or ado,

Valère , Thomas.

ânthoine.

eigneur Symeon , le Cardinal mon maistre vous faict sçavoir qu'il a bien lau long esté adverty de l'offense qui ceste nuict vous a esté faicte par son jeune nepveu, ayant enlevé vostre fille, dont il a esté bien marry. Et maintenant, pour ce qu'il a

Le Laquais, Comédie. 97

sceu que ceste chose est advenue par la volonté d'elle, et de son consentement

LUCIAN. Exorditur ab offîcio, optime.

AlSTHOlNE. Et non par violence qu'il luy ayt faicte, voulautsuppleer àce où son nepveu, comme jeune et subject à l'amour, auroit t'ailly , il délibère, pourveu que le trouviez bou, les marier ensemble, donnant à vostre fille pour douaire prefix la somme de di\ mil livres. Au surplus, quant à la qualité et bonne condition de ce jeune gentilhomme, je pense qu'aujourd'huy elle vous est assez notoire, si auparavant n'en avez eu quelque coguoissance. Tazit y a que je vous ose dire que mon dit seigneur le tient et ayrae comme sou propre fils.

LuciA.N. De hoc inidtiun locutus sitm illi.

Symeon. Mon bou seigneur, si le Cardinal, vostre maistre et le mien, s'est plaint de mou infortune, il a faict ce qui appartient à sa grandeur. Et si de sa grâce il luy prend ores envye faire du bien à ma fille, elle et moy luy en serons redevables , pour à jamais luy faire treshumble et dévot service. Sçachez donc que je suis autant content accc[)lcr ceste alliance, que luv de me l'olfrir. Et si premièrement j'eusse cogueu la qualité du jeune gentilhomme, peut-estre que j'eusse esté le premier qui l'en eust requis.

Valkre. Quels gens sont-ce là?

Anthoine. Je vous remercye eu son nom.

LuCIAN. Quarn bcne locutus est, à ceste heure, le seigneur Symeon , rethorice quidem , et ornate !

Symeon. Sus donc les amoureux; ça, venez. Voy, aprochez-vous.

Valère. Voicy, voicy ! Ho que je suis aise que les affaires prennent ce chemin !

LuciAN. Quam pulchra est ! Vrayement, digiia fuit d'eslre ravie.

Françoise. Mon tresclier père, je vous requier mercy de la faute en laquelle, comme jeune et trop esprise d'amour, je me suis laissée aller, vous suppliant d'avantage ne me vouloir nier vostre bénédiction.

Symeon. Ma fille, Dieu te bénisse et pardonne, comme je te beny et pardonne.

HoRATio. J'en dis autant. Monsieur, et vous supplie bien humblement me pardonner le tort que je vous ay faict par mon peu de discrétion, et comme ayant esté contraint, ains forcé à ce faire, par l'amitié que je porte et porteray toute ma vie à vostre fille.

Symeon. Il n'est besoin de pardon où il n'y a poiut d'offense ; car, si j'ay esté offencc, la faute ne vient de vostre part, ains du costé de ma fille. A ceste cause, levez-vous, et souffrez queje vous baise.

Anthoine. Qui a esprouvé les effects d'amour ne blasmera la faute de l'un ny de l'autre.

LuciAN. Scei'us amor docuit, etc.

Anthoine. Monsieur, ce n'est pas tout; je vous veux encor prier de quelque chose.

Symeon. U n'y a rien que je ne face pour l'amour de vous : commandcz-moy.

Anthoine. Je vous mercye. Ce dont je vous veux supplier est que pardonnez à Thomas les peines qu'il vous a données, puis que le tout est réussi à bonne fin.

Symeon. Très volontiers, pour l'amour de vous. Où est-il?

Le Laquais, Comédie. 99

Thomas. Me voicy, Monsieur. Hélas! j'ayfailly : je vous prie avoir pitié de moy.

Symeon. Va, pour Tobligation dont je suis redevable à ce gentilhomme, et puis que les choses que par malice, inadvertance ou autrement , tu avois brouillées sens dessus dessous, à mon grand dommage et confusion, ont prins heureuse fin, je te pardonne, aux conditions qu'une autre fois tu seras plus sage, et apprendras à Fadvenir à ne décevoir les hommes de ma sorte.

Thomas. Je le vous promets.

Valère. Tu le peu-x bien faire, car tu n'y retourneras de ta vie.

Lucian. Vois-tu, pauvret, ce que sçaitfaire mon semblable? Tontesfois tu te mocquois de moy. Apren que tout est sans saveur, sans le sel de la doctrine des hommes doctes.

SvMEON. Vien çà, Thomas : va quérir Maurice, et luy dy qu'il vienne à moy, que je luy ay pardonné, et ne l'aime moins qu'auparavant.

Anthoine. Luy, sa nouvelle femme et sa bellemère sont en la maison de Monsieur le Cardinal, qui, ayant sçeu toutes ces choses, veut que les nopces de tous les deu\ se facent en son logis.

SymeON. Hé, Valère, je ne te voyois pas; cours, va annoncer ces nouvelles à ma femme. Non, ne bouge; Thomas ira, et tu viendras avecques moy.

Valère. J'y puis bien aller maintenant sans crainte, puis qu'il n'y a plus personne au logis.

ÂNTHOINE. Pourquoy ne vient vostre femme?

Symeon. Elle est malade; mais je pense qu'elle sera guérie sitost qu'elle entendra ces bonnes nouvelles.

Anthoine. Allons donc.

100 Larivey,

Symeon. Marchez le premier.

Anthoine. Je ne le feray jamais, taut pour beaucoup de bous respects que pour la révérence cjue je doy à vostre viel aage.

Symeon. Par ma conscience, si ferez, car vous représentez la personne de Monsieur le Cardinal.

Llcian. Laissez ces disputes : il faut que ce soient les nouveaux mariez, car ils sont chefs de la teste.

Anthoine. Passez devant, Mousieur le docteur.

LuciAN. Je ne feray ceste incongruité.

Symeon. Allons donc ; je ne veux estre obstiné.

LuciAN. Nos ambulabimus una.

Anthoine. Mettez-vous donc au dessus.

LuciAN. Ainsi qu'on se trouve. Adsit lœlitiœ Bacchus dator et bona Juno.