SCÈNE V

Guillemette, Constant, amoureux.

Guillemette.

nfin, qui est accoustumé faire plaisir ne s'en peut garder. Je commancé en ceste beniste heure à servir dès l'aage de douze ans, et de là en avant je n'ay fait autre chose que servir, asçavoir : de ma personne tandis que j'cstois jeune, que j'avois les rains

126 La RIVE Y.

soupples, et que je les pouvois remuer; et maintenaut que je suis cassée , j'ayde un chacun de mon conseil : Qui fait ce qu'il peut doit estre excusé. Il ne me faut ores mettie en jeu pour faire la monstre des belles, car je suis désormais defleurie; mais pour persuader quelque bonne affaire, j'en sortiray à bout aussi bien qu'une autre, et, toute vieille que me voyez, je sçay, par la grâce de Dieu , faire beaucoup de choses. Je guary de toutes sortes de gratelles , j'oste les mailles, j'efface les lentilles et rousseurs. Je ne dis mot des fards : pour faire estendre la peau, pour empescher qu'elle se crève, pour suppléer au pucelage pci lu dès plus de dix ans, pour reserrer maujoiut, pour faire les cheveux blondz, le sein relevé, les tetins fermes, et peler les sourcils, il n'y a qu'une Guillemette au monde. Vous en riez ! si n'en pensez-vous pas pourtant moins ; vous aurez quelque jour affaire de moy, ne vous souciez. Mais laissez-moy aller porter mes lettres. Oh ! voicy ce chien de Constant, qui faict mourir ceste pauvre Anne, fille de madame Clémence, et pour la tourmenter d'avantage faict l'amour à Emée sa cousine, qui toutesfois ne l'ayme point. Tu A^ux donc de tout point faire mourir ceste pauvre fille? Constant, escoute : Qui fuyt qui l'aime et suit qui ne le veut aimer laisse la bonne terre pour semer sur l'areine. Enten,enten à Anne, qui est un terrouer qui n'attend sinon que tu mettes ta charrue dedans , et il te raportera l'amoureux friiict de tes labeurs : car, quant à Emée, l'amye d'Alexandre, il ne faut que tu t'attendes d'en recueillir que ronces et chardons. Constant. Vous me ronpez la teste et à vous

La Yefve, Comédie. 127

aussi ! Vous ay-je pas mille fois dict que je veux Emée , puis qu'il plaist à mon père ? Et pois il n'est hoiineste à un homme de bien qui s'est voué une femme mettre son amour en une aultre. Anne se trompe si elle pense que je la vueille espouser.

GuiLLEMETTE. Pauvre homme ! si tu sçavois que c'est aymer, tu n'aurois tant d'égard à l'honnesteté. Ma foy, tu es un peu trop scrupuleux; mais celles-cy sont reigles pour donner à qui a l'esprit libie.

Constant. Je l'ay libre, ainsi je les doy donc observer. Et vous qui me voyez obstiné, cognoissez-vous pas que me guerroyant à toute heure n'est autre chose que vous lasser la langue, et à moy les oreilles?

GuiLLEMETTE. Qui souvent combat retourne quelquesfois victorieux ; penses-tu point que quelque jour je te feray cognoistre ta faulte?

Constant. Je ne sçay, car je n'ay failly ; mais je faillirois si je faisois à vostre volonté.

GuiLLEMETTE. Ce que j'en dis, je n'en parle pas. Je suis marrye de ceste pauvre fdle, et me faict mal que tu ne sçais user de ton bien. Va, va , tu cognoistras un jour que c'est se marier sans estre aymé. Oh! quel bon fils d'obédience est cestuy-cy , qui veult faire à la mode de son père. Eh! petit garçonnet, cherche, de par Dieu, cherche t'acompagner avec qui t'aime : Car un morceau pris d'appétit fait plus de profit que cent mandez à contrecœur.

128 Larivey,