SCÈNE I

Léonard, Guillemette , madame Clémence.

Léonard.

a' meschante , vilaine, traitresse! Tu ne

sortiras pas encores, maquerelle !

GuiLLEMETTE. Monsieur, croyez moy sur ma conscience que je ne sçavois le contenu d'icelles .

Leoîsard. Se peut-il faire que tu portes des lettres aux filles sans sçavoir Tintention de qui les envoyé?

GuiLLEMETTE. J'y allois à la bonne foy, pour ce que ce matin j 'a vois esté à confesse.

Léonard. Qui ne te cognoistroit, bonne beste,

La Vefve, Comédie. i3i

vieille hypocrite? Va, desloge; oste-toy d'icy, et ne t'advieime jamais mettre le pied céans, car je te... J'ay tousjours eu peur de telle fredaine.

GlILLEMETTE. Je dis bien qu'Alexandre seroit cause de mon mal. Il ne m'est pas demeuré une goutte de sang quand j'ay veu cet homme avec Emée. Aussi cette sotte de chambrière m'en eust ellesceu advertir! Pensez, jevousprie, qu'elle j'estois quand il m'a trouvée saisie de ces lettres : j'estois plus morte que vive. H m'a chassée de la chambre, et poussée si rudement qu'il m'a faict descendre plus de demie douzaine de dcgrez sans conter, me disant plus d'injures et de villeuies qu'il ne passe d'eau sous Petit-Pont. Encores sij'avois ma bouteille, patience; mais quoy! elle sera perdue, car je n'oserois la retourner quérir. Ha ! je l'enten qui s'en va. Dieu me soit en aide !

Léonard. Elle sera plus seurement et avec moins de soupçon en religion jusques au retour de son père.

Clémence. C'est à vous à en faire ce que voudi'ez, puisqu'elle est destinée à vostre fils Constant, et que desjà sa sœur est vostre bru.

Léonard. Aussi y sera-elle. Et veux que l'y envoyez devant qu'il soit uuict.

Clémence. Tout à ceste heure, et ma fille Anne avec elle : au moins j'en seray hors de peine.

Léonard. Ouvrez, une autre fois, les yeux, quand telles femmes vous viendront veoir.

Clémence. Il est autant malaisé garder les oreilles des filles d'entendre des nouvelles de leurs amans comme empescher qu'un homme nud au soleil ne soit offensé des mousches.

i32 Larivey