SCÈNE III

Clémence^ courtisane; Guillemette.

Clémence.

Il ne devois jà revenir; vrayemcnt, tu r|^l> as fait la belle allée. Mon Dieu, Guille- M mette, qu'il y a long-temps que je vous M attend !

Guillemette. Je me suis mis en chemin si tost que j'ay eu parlé à voslre servante. Et bien ! qu'y a-il ?

Clémence. Vous cognoissezle seigneur Bonaventure ?

Guillemette. Oy, est-ce pas Famoureux de madame Clémence ?

Clémence. C'est luy sans autre. Or je suis de son pais, où je l'ay tousjoui's cogneu, sa femme et toute sa famille, d'autant que j'estois sa proche voisine ; mesmes, par le moyen d'une sienne servante que je hantois, ils n'eussent sceu tourner un œuf que je n'en fusse advertie ; de mode que je sçavois plus de leurs affaires que des miennes propres; et, pour vous dire la vérité, je vous advise que madame Clémence est sa femme.

Guillemette. Comment, sa femme !

Clémence. Je disvray. Cestuy, pensant qu'en un certain naufrage qu'ils encoururent sur mer, y peut avoir quinze ou seize ans, sa femme fust perie, comme désespéré, ne voulut plus retourner au pays, de façon que chacun a, depuis, pensé qu'il estoit mort. Elle, qui se sauva, retourna à

La Vefve, Comédie. i35

Nantes, où elle vendit ce qu'elle y avoit, puis vint demeurer en cestc ville avec son frèr.?, père d'Emée, que voyez avec elle, qui est cause que Bonaventure, qui la pense suLmergce, joint aussi le changement de contrée, ne la peut cognoistre.

GuiLLEMETTE. Je luy veux aller porter ces bonnes nouvelles , affin qu'elle me donne mon vin.

Clémence. Escoutez, nous aurons meilleur que du vin. Estant ce matin à ma fenestre, j'ay oy qu'il contoit à un prestre qu'il aA'oit une bouetle plaine de perles et autres joyaux ; or, pour l'attraper, j'ay délibéré ceste nuict aller coucher avec luy, faignant que je suis madame Clémence, sa femme.

GuiLLEMETTE. Comme ferez-vous ?

Clémence. Estant encore au pays, je fus advertie de ce naufrage. J'ai nom Clémence comme elle, je suis de son aage et la ressemble aucunement, de manière qu'il ne s'appercevra si tost de la tromperie que je n'aye loisir de le desrobber. A ceste cause, je vous ay envoyé quérir pour vous prier luy aller dire que je veux parler à luv, et je vous promets, si le tout se porte bien, que je vous en feray bonne part.

GuiLLEMETTE. Clémence, c'est un acte digne du gibet, pensez-y bien.

Clémence. Que craignez-vous? j'iray.

GuiLLEMETTE. La conscience !

Clémence. Quelle conscience? La nature a mis toutes choses en commun, affin que chacun print ce qu'il peust; si les hommes ont amené pour loy ces séditieux mots , mien et tien, qu'en avons-nous affaire? car nous sommes femmes, et

i36 Larivey.

comme telles n'y sommes tenues, d'autant que, quand ceste loy fut iaicte, nous antres ne fusmes appelées au conseil. Et puis les biens ont par larrecin passé par tant de mains qu'ils ne trouvent plus un vray maistre, et a l'usage et accoustumance de desrobbcr si fort altéré la loy et desrogé à icelle, que sans aucun scrupule chacun en prend maintenant par où il peult.

GuiLLEMETTE. En ma conscience, VOS raisons sont bonnes, et vous ayme pour ce que venez de dire, car jusques icy j'en ay tousjours doublé. Vrav Dieu ! que je suis marrve que je ne le sçavois plustost! j'eusse prins à un mien voysin une belle pièce detoille qui m'eust bien servy pour me faire des chemises.

Clémence. Il faut que trompions, desrobions, et facions aux hommes du pis qu'il nous sera possible , pour ce qu'ils ne cherchent qu'à nous décevoir, abuser, et saouller en nous leurs plus ardents appétits au meilleur marché qu'ils peuvent. Et si quelqu'un nous entretient , c'est seulement tandis que la beauté dure ; car si tost qu'elle se passe , au fouet ! ils mettent leur esprit ailleurs et nous ferment leur boutique.

Glillemette. Nous nous apercevons trop tard de leur meschanceté : aussi A'oyez-vous que la pluspart d'entre nous se réduisent, comme moy, à chercher leur pain et mendier leur vie ; nous délivrions aprendre de la formis à nous pourveoir dès jeunesse. Si j'estois belle et jeune, comme quelqu'une que je cognois, je pelerois, j'escorcherois, j'arracherois le cœur de qui me caresseroit, je changerois tous les jours d'amoureux ; car, comme tant plus le poisson est frais plus il a de

La Vefve, Comédie. 187

suc et se peut assaisonner en plusieurs sortes, ainsi est-il des amoureux, car plus ils sont neufs, plus sont-ils aiscz à prendre et manier à toutes mains.

Clémence. Je m'en suis advisée trop tard, aussi bien que les autres , et toutesfois d'assez bonne heure si mes desseins reiississent à bien.

GuiLLEMETTE. Advisez (afin que Bonaventure ne s'en double) de vous abiller comme elle, et me donner à manger, car je suis encores à

Clémence. Mon Dieu ! voilà le prestre qui va pour persuader madame Clémence d'espouser cest homme; si elle le recognoist pour mary, nos desseins s'esvanouvront en fumée.