SCÈNE V

M. Ancehne, Bonacenture, Clémence , courtizane ; Guilleinette.

I i c'est générosité avoir ayraé une honneste femme, c'est folie l'aymer encores I estant privé de toute espérance d'en jouyr. Seigneur Bonaventure, ceste-cy a la mémoire de son mary si bien gravée en son cœur, qu'il est impossible y pouvoir tailler une autre forme. Que luy eussé-je peu replicquer? C/eust esté vouloir persuader à un sainct quitter sa religion,

Bonaventure. 0 rare exemple d'amour! Je voudrois estre luy mort, pour vivre en elle. Il est vif vivant en sa mémoire , et je suis mort n'ayant vie en celle que plus je désire.

Clémence. Mon gentil-homme, à toutes les fois que je vous ay veu, vous avez resveillé en raoy la souvenance de la chose que plus j'aymois en ce monde C'est pourquoy je suis contrainte vous prier me dire vostre nom. Et Dieu veuille que ne sois trompée de ce que je pense !

Bonaventure. Madame, je ne vous puis refuser une si honneste demande : j'ai nom Bonaventure, de Nantes en Bretaigne.

Clémence. Mon Dieu, qu'est-ce que j'oy?

Helas ! mon esprit s'esgare ^u récit de ces tant bonnes nouvelles.

La Vefve, Comédie. i4i

GuiLLEMETTE. Ho ! madame, vous changczde couleur; appuyez-vous sur moy.

Clémence. Comme se peut-il faii'e que soyez Bonaventure^ Comme croyrai-je que, l'ayant veu de ces propres yeu.v entre les plus cruelles vagues de la mer, seulement aydé d'un ais, il ne soit pery ?

BONAVEINTURE. J'eschappé par la grâce de Dieu.

Clémence. Je \ous croy, et n'en veux autre tesmoignage, ô mou doux et tant regretté mary, que je tiens plus cher que moymesme ! Voicy vostre femme entrevus bras, jesuisvostre Clémence, qui sans vivre a vescu jusques icy, étant séparée de vous.

Bonaventure. Comme se peut-il faire que soyez Clémence, si les morts ne resuscitent ?

Clémence. J'estois morte, privée de vous qui est ma vie, et suis maintenant resucitéc, pour ce que, vous ayant retrouvé, j'ay retrouvé ce qui me faict vivre.

Bonaventuhe. Le vaisseau fut-il pas submergé, estant crevé de tous costez?

Clémence. Non, car depuis qu'eustes empoigné ceste planche sur laquelle estiez, le vaisseau donna à sec contre un escueii, où il se rompit. Ainsi deraeurasmes sur la roche jusques au lendemain, que fusmes enlevez par une frégate qui passoit.

Ancelme. Je suis tellement estonné que je ne puis ouvrir la bouche.

Bonaventure. L'air de vostre visage ne me peut faire penser que soyez Clémence.

Clémence. Hclas! je voy bien que ne vous

i42 Larivey.

estes souvenu de moy comme j'ay eu mémoire de vous. Pleust à Dieu que je peusse retrouver en vous l'ancienne amitié que je vous ay tousjours portée, et que la longueur du temps n'a pu effacer de ma mémoire !

GuiLLEMETTE. Qui est loing des yeux est loing du cœur. Ces hommes ne sont charnels comme nous, non !

Clémence. Doncques, contre toute espérance, me voyant, après une si longue suite d'années, en pays estrange, et affligée de si longs pleurs et soupirs, vous ne pensez que ce visage soit de Clémence? Je m'esmerveille comme je suis vive.

Bonaventure. Songé-je, ou si je veille?

Clémence. Que l'amour qu'avez eu à ma jeunesse passée ne se refroidisse, et que Clémence vous plaise autant en cest aage meur comme elle vous a pieu jeune ; vostre visage couvert de poil ne m'est moins agréable que lors qu'il estoit sans barbe.

GuiLLEMETTE. Voila VOS amours, et sçay que vous en contenterez, car jamais homme ne la seulement veue à la fencstre, ains a tousjours esté enfermée en sa maison comme le diamant en l'or.

BoNAVENTURE. Vousvoyez, Messire Âncelme, quel miracle voicy. Mais comme estes-vous icy, et non à Nantes?

Clémence. Allons au logis, et je vous le diray, car je suis tellement transportée de joye que je ne me puis plus tenir debout.

BoNAVENTURE. Monsieur, je vous prie m'excuser si je ne vous tiens compagnie.

Ancelme. Allez vous consoler. 0 malheureux, misérable et pauvre homme, d'estre mary

La Vefve, Comédie. 143

d'une si orde et sale putain ! Combien en ce monde est grande la faute , souLsmettre la renommée des hommes aux appétits des femmes ! Ce cbetif mérite beaucoup , est accort et bien apris ; neantmoins, par les fautes de ceste-cy, reçoit une si cruelle playe en son honneur, qu'elle saignera pour jamais, et ne puis luy en faire l'ouverture qu'à mon grand regret.

GuiLLEMETTE. Faictes vostre compte qu'il ne la trouvera telle que jadis ; pensez-vous qu'elle ne sache bien faire l'honneste quand il en est besoin? Ce ne seroit pas la première qui se seroit retirée après s'estre donné quelque peu de bon temps. Il faut que la jeunesse se passe. Mais vous estes... vous m'entendez bien, et voulez toutefois maintenant faire de l'ypoci'ite.

Ancelme. Qu'entens-tu par cela?

GuiLLEMETTE. Comment gouvernez - vous ceste vefve? Quoy?je gage que vous ne sçavez que je veux dire. Hé ! mon aray, je vous av bien veu.

Ancelme. L'amour n'est bien sceant à mes semblables.

GuiLLEMETTE. Ains voz semblables ne font autre chose que faire l'amour.

Ancelme. J'ay désormais quitté les armes, et puis j'ay trop de neveux.

GuiLLEMETTE. \ ous resemblez la vendange, vous gastez qui vous approche ; mais c'est tout un : il ne se faut espargner tandis que le sang est chaut.

Ancelme. Allez, m'amye, allez, faictes voz affaires.

GuiLLEMETTE. Vostre amye n'est pas si noire.

i44 Larivey.

Allez vous-mesme! Si eussiez voulu avoir patience et n'estre si fascheux, j'estois pour vous faire plaisir. A Dieu.