SCÈNE III

Léonard, Valentin , son fils; Gourdin , Saincte.

Léonard.

t,\\\ œur Celestine me l'a envoyé dire par 'M latoiirière.

M Yalentin. Que voilà qui est beau à Alexandre ! faire ces choses en cour d'église !

Léonard. Ha! par Dieu, j'en veux aller advcrtir la justice.

Gourdin. Oh diable ! ceux-là l'ont sceu.

Valentin. Mon père, ilvautmifux faire assez de mal et peu de bruict. Maintenant que ma femme est aux champs , il faut user de finesse , et soubs quelque fausse occasion faire venir Emée en nostre logis; puis, quand elle y sera, nous ferons coucher mon Irère avec elle. Ainsi nous mettrons fin à tous ces soupçons et aux desseins d'Alexandie.

Léonard. Tu dis vray ; depeschons donc. Il faut battre le fer tandis qu'il est chaud.

Valentin. Hurtons à l'huis de madame Clémence , et appelions sa servante. Tic, toc.

Saincte. Qui est là?

Valentin. Escoute, Saincte : va vistement trouver Emée , et luy dy qu'elle vienne tout à ceste heure avecques toy, et que ma femme, sa sœur, s'est rompue la jambe en allant aux champs. Cependant j'iray chercher un chirurgien.

i54 Larivey.

Saixcte. 0 la pauvre femme! Se Test-elle rompue toute nette ?

Valentin. Va, te dis-je ; j'ay bien autre chose à faire que m'amuser icy ; appelle quelque voisine pour te tenir compagnie.

Saincte. Jésus, que la pauvre fille en sera marrie !

Gourdin. Tu bien, quel soufflet! J'en vas advertir Alexandre, car, si le pauvre homme ne prend garde à soy, je voy bien que tout ira mal.

Valentin. J'ay pensé, mon père, qu'elle ne se voudra coucher avecques Constant, ains fera mille folies ; et de l'y contraindre, nous ne sçaurions sans grand scandale.

Léonard. Tu dis vray, car il n'y a pas grand plaisir en ce garçon.

Valentin. Le bon vin mesme ne plaist pas tousjours aux malades ; ceste-cy a tellement mis son affection en Alexandre que tout autre luy desplaist. Il faudra faire en ceste sorte: nous luy dirons qu'il est trop tard, et qu'elle ne peult pour meshuy aller veoir sa sœur, mais que demain au matin nous l'y conduirons , et , pour ce que sçavons qu'elle n'ose dormir seule, que la fille de nostre voisine viendra coucher avecques elle et luy tiendra compagnie. Ainsi nous ferons desguiser mon frère, puis le mettrons au lieu de ceste voisine en la chambre d'Emée; s'il ne sçait faire le reste, à son dam !

Léonard. C'est bien advisé ; allons le trouver.

La Vefve, Comédie. i55