SCÈNE VL
Alexandre , Robert., son serviteur; Gourdin, Saincte.
Alexandre.
'obert, es-tu secret?
;^^J Robert. Oy.
^i^^l Alexandre. As-tu volonté me faire ■»è:^ service ?
Robert. Oy.
Alexandre. Tiens la langue en la bouche. Robert. N'ayez pœur que je la crache.
Alexandre. 0 mon gentil Robert, je t'ay tousjours trouvé de bonne amitié.
Robert. Ces flatteries ne me presagissent que je ne sçay quoy de tempeste.
Alexandre. Pourquoy?
Robert. Pource qu'hier a'ous vous jouiez avec moy, puis incontinant me chargeastes de menu bois.
Alexandre. C'estoit par amitié.
Robert. Quelle amitié! Hoo ! l'amour se
i58 Larivey.
manye avec autres basions que de boys. Et bien! que me voulez-vous?
Alexandre. Je te prie croire que je me fie du tout en toy.
Robert. Cecoramancementnemeplaistpoint.
Alexandre. Bien, passons oulti-e : saches donc que j'ayme.
Robert. Voilà de grandes nouvelles. Sçay-je pas tout ce qu'avez faict avec Gourdin? Pensezvous que je dorme? Ai-je pas esté adverty des amours de vous, des filles de la vefve et de Constant? Ne gouverné-je pas Saincte, qui me conte tout , puis que voulez que je le vous dise?
Alexandre. Pour conclusion, Léonard a faict venir Emée en son logis afin de la faire coucher avecques Constant.
Robert. Feste au diable ! c'est assez pour vous donner le martel et à Emée le manche.
Alexandre Et tout par le conseil de ce meschant Valentin.
Robert. Il le faut faire devenir bon.
Alexandre. A ceste cause je veux que tu ailes quérir Guillemette ; puis, à ton retour, je te diray le demeurant.
Robert. Où la trouveray-je à ceste heure qu'il est nuict ?
Alexandre. Va, va hardiment : elle resemble la lune, qui se monstre plus de nuict que de jour. Ce pendant j'enti'etiendray Gourdin, que voicy qui viejit. Et bien! Gourdin, mon mignon, y a-il espérance que je puisse vivre?
Gourdin. Venez avecques moy.
Alexandre. Dy-moy quelque chose si tu veux.
Gourdin. Venez, vous dis-je, et me laissez
La Vefve, Comédie. 169
faire. Non, non, attendez : je vay sçavoir de Saiucte si elle a conté à Emée ce que je luy dis chez Leonaid. Tic, toc.
Saincte. Qui va là?
Gourdin. Comme dis-tu à Emée quand je t'envoyay parler à elle ?
SAI^•CTE. Je remontay en la chambre et luy dis : Emée , sachez que Léonard et Valentin vous ont faict croire que vostre sœur Magdelaine a\oit la jambe rompue, afin de vous faire ceste nuict coucher avecques Constant, car Gourdin, qui est là-bas, me l'a dict en passant ; et que Tespée ne peut estxe engayuée si le fourreau n'est tenu ferme.
Gourdin. Quête respondit-elle?
Saincte. Elle demeura plus morte que vive, et s'en vouloitfuyr, si Léonard ne fust arrivé, lequel luy promit qu'ils iroient le lendemain ensemble veoir sa sœur, et que ceste fille qui devoit dormir avec elle viendroit incontinent
Gourdin. Or sus, c'est assez, relourne aulogis ; je vas parlera Alexandre. Monsieur, Monsieur, courage, courage ! je vous donne ville gaignée.
Alexandre. Tu te mocques.
Gourdin. J'entray leans pour brouiller tout, à l'aide du sire Ambroise, auquel j'avois desjà faict entendre le tort que l'on îaisoit à ceste pauvre fille, de mode qu'il estoit délibéré eu aller faire une reprimende à son frère, quandje l'en empeschay, crainte de quelque scandale ; joint que j'ay pensé tromper le trompeur par sa mesme tromperie.
Alexandre. Tu mérites estre corouné, si tu vaincs ton ennemy par ses propres armes.
i6o Larivey.
Gourdin. Comme avez entendu, Léonard a dict à Emée qu'une fille de leurs ■voisins iroit dormir avec elle, parce qu'il a délibéré faire coucher Constant à ses costez, desguiséen cette fille, afin qu'elle n'en face aucune difficulté. Or j'ay pensé qu'il faut qu'en ce mesme habit vous devanciez Constant, et prenez premier la place. Et pour empescher que Constant ne survienne, j'envoyeray oùil souppe un homme qui l'entretiendra plus de deux grosses heures. Ce pendant vous aurez loisir d'emmener la lille.
Alexandre. 0 Gourdin! ingénieux Gourdin!
il n'y a chose tant dangereuse qu'un esprit accort n'y trouve remède.
Gourdin. Moulons tandis que l'eau court; mais allons premièrement vous abiUer.
Alexandre. Allons.
