SCÈNE VI

Bonadfenture , Mad. Clémence, Croquet , Clémence.

BONADVEINTURE.

uelle nouveauté est-ce-cy? Qui vous meut venir céans à ceste heure?

iM. Clémence. Pour me r'avoir moy- •^raesmes, que en vous perdant emportastes avecques vous, ô lumière de mes yeux ! puisqu'il plaist à Dieu qu'après tant d'années je vous revoye.

BoNADVENTURE. Ma dame, retirez-vous : l'amitié que je vous portois s'est refroidie, puis que j'ay retrouvé ma femme.

M. Clémence. Je m'aproclie de vous puis que l'avez retrouvée ; je suis vostre Clémence, et non ceste rusée, qui, par astuce et tromperie, vous distraict de moy.

Croquet. Croyez cela ! elle estoit au paravant avec un prestre.

Clémence. Qui est ceste bonne pièce qui va desbauchant les maris d'autruy?

M. Clémence. Tu peux bien dire que je desbauche tes maris, puis que chacun est mary de vous autres.

BoNADVENTURE. Qu'est-ce-cy ? Je suis plus froid qu'un caillou.

Croquet. Vous aurez fort à faire de contanter deux femmes.

La Vefve, Comédie. 179

Cleme>'CE. Donc je scray mise en arbitrage ! donc je ne suis pas vostre Clémence ! et ceste-cy sera venue pour tout gaster !

M. Clémence. La maison et le train que tu tiens en faict foy, et l'audace et outrecuydance dont tu as usé euveis luy.

BoNADVENTURE. Quelle disgrâce est la mienne, qui ne me reserve le jugement !

Croquet. Je vous prie, que voulez-vous, si au lieu d'une vous en trouvez deux ? Voyez que c'est : quand les maris sont quelque peu dehors , les femmes doublent bien souvent.

Clémence. Ceste-cy vous a-elle point enchanté ? Quelle plus grande affection vous sçauroisje monstrer ? Si cela ne suffit, pourquoy mes pleurs, soupirs et lamentations ne vous font-ils cognoistre que je suis vostre?

M. Clemenxe. Pour ce que je suis la pierre de touche qui descouvre tes pleurs, soupirs et lamentations estre d'alquemye.

Bonadventure. Je me désespère.

Croquet. Ma foy, vous estes homme pour avoir deux femmes.

Clémence. Helas ! si mes prières ont quelque puissance , que ces tant injustes soupsons ne refroidissent l'affection que me devez porter! Que cet amour qu'en vostre si longue absence je vous ay tousjours porté pareil vous esmeuve , je vous supplie , si le plaisir qu'on reçoit eu mariage vous fut jamais doux et agréable ! J'ay par l'espace de quinze ans mené ceste vie pour l'amour de vous, me nourrissant de soings et travaux , et m'abruvant de larmes ; et avez bien esprouvé aujourd'huy, par les anciens contantemens, comme, de-

i8o Larivey.

meurant privée de vous , je ne cesseray de me tourmenter.

Croquet. Si c'estoit moy, je m'arresterois à ceste-cy, qui se lamente si bien.

M. Clémence. Tu t'envelopperois en la glus comme un oyseau, et te prendrois aux filets comme un jeune chevreil.

Croquet. Quelles femmes! Ceste-cy mord, ceste autre rue !

M. Clémence. Bonadventure , retournez à vous-mesmes; contentez-vous, pour tout tesmoignage , du vray linéament des traits de ma face et des accens de ma voix. Et quant à toy, je ne te respond autre chose , sinon que si tes semblables te resemblent en simulation , tu les surpasses en Teffrontement de ton visage, n'ayant honte de te présenter devant les femmes de bien.

Bonadventure. Vray Dieu ! je suis tant enveloppé aux propos de chacune d'elles, que je ne me puis resouldre.

Croquet. Je vous en resouldray. M'avezvous pas autresfois dict que la femme que perdictes estoit grosse ?

Bonadventure. Oy. Pourquoy?

Croquet. Puis que cestes-cy sont deux, il faut que l'une d'elles vous ayt enfanté l'autre.

Bonadventure. Tu t'y entends. Or sus, puis que maintenant je n'y puis rien discerner, ny me donner à chacune d'elles, viens çà : va quérir ma bougette où sont mes joyaux ; car, pour ne passer ceste nuict en malaise, je me veux donner à l'une, et mes biens à l'autre.

Croquet. Il seroit meilleur qu'en prinsiez l'une, et moy l'autre.

La Vefve, Comédie. 181

Clémence. Le mien sera doue controversé? Toutesfois, estant vostre , je ne puis vouloir que ce qu'il vous plaist ; c'est à vous choisir ma personne , ou me donner vostre bien , car il me faut monstrer modeste, malgré que j'en aye , afin que la modestie de ceste autre ne me soit préjudiciable.

M. Clémence. Tu es si accoustumée plaire à tout le monde , que tu es tousjours preste à faire plaisir; mais quand à moy, je suis faicte tout au rebours de toy, car je ne veux, comme je ne consentiray jamais, (jue tu sois à luy, ny que ses biens soient à toy.

Croquet. Mon maistre , je ne sçay qu'est devenue vostre bougette.

Bonadventure. Cherche, cherche bien.

Clémence. Afin que n'ayez disette des deux choses à la fois , A^ous me laisserez ceste-cy, aux conditions que coucherez seul jusques à ce qu^ vous vous soyez mieux esclaircy de la vérité.

M. Clémence. Tu ne l'as guères laissé coucher seul.

Bonadventure. Elle n'estoit pas encore entrée au lict.

M. Clémence. Je le veux bien, et me voilà contente, puis que je suis asseurée d'un tel doute. Que les débats cessent , que les biens et trésors périssent, pourveu que veniez avecques moy.

Croquet. Vert et bleu ! mon maistre, j'ay trouvé vostre bougette cachée derrière l'huys. Cestelà vouloit avoir de vous autre chose que le bidaut.

Bonadventure. Maintenant je vous recognois pour Clémence; vos dernières parolles m'ont si fort pénétré en l'esprit que tout soudain j'ay

i82 Larivey.

oblié ce douLte que ce trouble m'avoit apporté ^ de mode que mou entendement, en estant purgé, laisse la liberté de la veue à mes yeux. Vous estes ma vraye Clémence, et je suis vostre Bonadventure, duquel pouvez disposer, puis qu'elle a choisi mes biens , et vous ma personne.

Croquet. Vous pleurez? Ceste-cy est-elle de fumée? Toutesfois je pense que ne serez pas long temps avec elle que ne la trouviez de feu.

Clémence. Or je suis descouverte, et confesse ma faute, de laquelle je ne vous demande pardon, par ce que c'est le mestier de nous autres de tromperies hommes, comme aux juges chastier les meschans ; nous cherchons les usurper, et nous donnons en proye à plusieurs, afin qu'ils subviennent aux frais de nostre despence, aprenant de la souris , qui a tousjours deux ou trois trous, afin que, si onenbousche l'un, elle sesauve par l'autre. Nous achetons tout ,fors le jour et la nuict , tellement que personne ne se plaint de nous, parce qu'aucun n'est contraint venir en nos maisons; mais qui y vient, il void escrit sur la porte que nous resemblons la louve , qui , ne pouvant tondre la brebis, l'escorche. Je vous prie me rendre ce que j'ay despendu en ceste menée, car, outre que j'ay orné et repoly la maison , je vous ay faict bonne table pour vous reschaufFer en l'amour. Car, comme il est nécessaire que l'oiseleur despende eu apas et gluaux devant qu'il prenne les oyseaux, ainsi, au commancement, nous abandonnons tout aux hommes, affin que,pensans que nous les aymons , ils ne se donnent garde du piège que nous leur dressons.

BoNADVENTURE. Ton parler tant libre me con-

La Vefve, Comédie. i83

traint te donner quelque chose , au lieu de me vanger de toy. Tien, voila six escuz.

M. Clémence. Laissons-la là, et allons au logis.

BoNADVENTURE. Croquet, pren ceste bouette et marche devant.

Clémence. A Dieu. Commandcz-moy, car je m'accommode autant au bien qu'au mal.

BONADVENTURE. Je VOUS sçay dire, Clémence, que, si je n'eusse esté cngeoUé par les tromperies de ceste-là, je m'en fusse allé, tant je vivois désespéré en vostre amour. Comme estes-vous venue en ceste ville ?

M. Clémence Je le vous diray quand nous serons au logis.