BONADVENTURE

omment ! faire telle meschanceté en Paris ! Me vitupérer, et puis eucor s'en

venir vanter devant moy !

Constant. Soyez mary de madame Clémence, et tel que vous voudrez estre; vous avez beau faire et dire, j'ay fiancé Emée et ne délibère espouser jamais autre que elle.

BoNADVENTURE. Poui'quoy ne metz-je la tempérance à part? Sçavez-vous pas bien qu'Emée est chez vous, et que sceans vous avez couché avec Anne, ma fille?

Constant. Quelle Anne'' quelle fille? Vous voudriez me faire dire ce qu'il vous plaist, affin de me la faire espouser. Je voy bien oii vous tendez; je n'en veux point d'autre qu'Emée, et qu'Anne cherche hardiment un autre mary si elle veult.

BoNADVENTURE. Je veux que l'aage me commande, et que vostre trop sale et deshonneste audace ne m'esgare de ma modestie. Je me vas plaindre à vos parens; je sçay où est vostre logis, et s'ils ne m'en font raison, je chercheray me la faire à coups de poignai'd.

Constant. J'en suis content; ils voussçauront bien renvoyer avec vostre Anne. Je ne me suis pas si test excusé du moyen que j'ai tenu pour fiancer Emée, que dame Clémence et cestuy-ci,

La Vefve, Comédie. iSy

qui se dict son mary, commencèrent à cryer après moy qiiej'avois couché avec leur fille Anne, me bravans que si je ne la voulois espouser, ils feroient et diroient merveilles. Mais ne puissent-ils manger jusques à ce qu'elle soit ma femme.

Saincte. Seigneur Constant, attendez-moi: je vous veux dire quelque chose !