SCÈNE VIII

Léonard, Bonadi'enture , Amhroise , Mad. Clémence.

Léonard.

h! traistre, volleur! tu as donc la hardiesse venir en ma propre maison su- 1 borner celle qui doit estre ma bru ? Ambroise. Of! madame Clémence est sortie !

Léonard. Je fais bon vœu à Dieu que je te feray chasticr par mes enfans devant que tu m'eschappcs.

BoNADVENTURE Bonsoir et bonne nuict, Messieurs? Qu'y a-il? Il se faut resjouir.

Léonard. Comment, resjouir! Je ne sçaurois que je n'aye veu pendre ce ruffien.

Ambroise. S'en sont-ils aperceus?

M. Clémence. Que dictes-vous , seigneur Ambroise ?

Léonard. Que je suis malheureux d'avoir moy-mesme introduict le lairon en mon logis !

M. Clémence. Quoy! n'estes-vous pas bien joyeux que Constant l'a fiancée ?

Léonard. Et un autre que Constant en a jouy, et y ay encores moy-mesme esté trompé, car j'ay trouvé Alexandre avec elle.

Ambroise. Ohm'amour!

Léonard. Il luy a faict par amour ! Failloit-iî que par amour il fist ces meschancetez?

M. Clémence. Que dites-vous d'Alexandre?

194 Larivey.

BoNADVENTURE. Clémence, il y a encoresicy de la diablerie. Je pense que ta niepce Emée aura esté trouvée avec Alexandre.

M. Clémence. 0 malheur ! Jamais une fortune ne vient seule.

BoNADVENTURE. La plus honorable vengeance qu'on en sçache prendie est de la luy faire espouser.