SCÈNE V

Fortuné^ amoureux; Frontin.

Fortuné.

ais quel plus grand mal-heur m'eust-il peu jamais advenir? Engrossir une fille du premier coup !

Frontin. 11 ne parlera jamais d'autre chose !

Fortuné. Et ce qui plus m'afflige est la crainte que j'ay que, vaincue d'une honteuse douleur, elle ne se mefface. 0 Dieu ! vous pouvez seul faire que cecy soit secret.

Frontin. Voilà rentrer de flux!

Fortuné. Au moins, si je n'en estois tant amoureux ! Mais quoy, il n'est en ma puissance m'en retirer, et, quand je le pourrois faire, je ne voudrois , et ne puis vivre si tous les jours je n'ay de ses nouvelles. Il y a deux heures que j'ay envoyé Frontin par devers elle, mais je croy qu'il a oublié le chemin.

Frontin. Tant plus je demeure, tant pis pour moy ; il vaut mieux que je me monstre. Bon jour, Monsieur.

Fortuné. Tu me traistes tousjours de ceste façon : dy-moy premièrement ce que plus je desire sçavoir ; après tu me salueras tout à loisir.

Frontin. Vous sçavez quelles sont ces femmes : devant que j'aye jamais peu avoir response, elles m'ont faict attendre une heure au parloir;

2i6 Larivey.

puis à mon retour j'ai rencontré vostre père, Urbain et Ruffin , qui m'ont encores amusé deux grosses heures.

Fortuné. J'ay tousjours tort, et tu as bonne cause; mais qu'atlens-tu à me dire ce qu'elle t'a dict?

Frontin. Je vous feraytesmoigner par Urbain combien nous avons esté après Ruffin devant que le faire accorder.

Fortuné. Ce n'est pas ce que jeté demande: dy-moy comme elle se porte.

Frontin. De façon qu'il lu y a fallu promettre...

Fortuné. Je n'ay que faire de tout cela. T'aclle point donné charge me dire quelque chose?

Frontin. Elle se recommande à vos bonnes grâces.

Fortuné. Ne t'a-elle dict que cela?

Frontin. INon.

Fortuné. Comme se porte-elle?

Frontin. Comme de coustume.

Fortuné. Voicy des maigres responses.

Frontin. Je les vous baille telles qu'elle me les a baillées.

Fortuné. T'a-ellepoint dict que je l'aile veoir?

Frontin. Elle ne m'a dict autre chose.

Fortuné. 0 Dieu ! la pauvrette deviendra folle !

Frontin. Mais vous-mesmes?

Fortuné. Frontin, que doy-je faire?

Frontin. Il faut aller disner, et puis nous y penserons ; vous prenez tant les matières à cœur que je crains que n'en soyez mallade. Il ne faut ainsi vous tourmenter.

Fortuné. Je ne m'en sçaurois garder. Hclas !

que tu parles bien à ton ayse, n'endurant aucune passion !

Frontin. Qui vous l'a dict? Pensez-vous que vos tourmens ne soient pas les miens ? Je vous jure que toute la nuict je n'ai pas fermé l'œil pour penser à vos affaires, et ne suis hors d'espérance que ne facions quelque chose de bon.

Fortuné Dieu le vueille !

Frontin. Allons donc disner , car Urbain nous attend.

Fortuné. Où est-il?

Frontin. Il est leans avecques sa brassée, et faictes votre compte qu'ils sont maintenant aux fers.

Fortuné. 0 malheureux que je suis! Il est sans commodité, sans moyens, sans denier et sans maille, et a un père le plus fascheux du monde; néanmoins il joyt de ses amours, et moy qui ay toutes ces choses ne puis espérer pouvoir joyr de ce que j'aime.

Frontin. Oblicz tout cela : vous sçavez que la fortune ayde aux amoureux.

Fortuné. ïu as grand pœur que le disner se gaste; va faire dresser, et, quand tout sera prest, vien m'appeller.

Frontin. J'en suis content.

Fortuné. Je vas souvent pensant en moymcsme quelle des ces deux conditions en amour est la pire : ou aymer sans estre aymé; ou, aymant et estant aymé, et désirant une mesme chose, estre empcsché par des murailles , des grilles de fer, des portes et des gardes, comme ores j'esprouve en mon Apoline, laquelle je sçav ne désirer autre chose qu'estre avecques moy. Mais enfin je me resouls que ma condition est la plus

2i8 Larivey.

malheureuse. Et, jaçoit que ce soit un grand contentement sçavoir cstre aymé de qui on ayme, ce m'est neantmoins un extrême desplaisir veoir qu'il nV a rien qui empesche Texecution de nos désirs qu'un petit morceau de fer. Je resemble à Tantale, qui, estant en l'eau jusques aux lèvres, n'en peut seulement avaller une goutte pour apaiser sa continuelle soif; ainsi j'approche de si près mon Apoline que le moins du monde d'avantage me readroit content, et toutesfois par ce seul petit empeschement je ne la puis seulement baiser. Hélas ! fussé-je au moins du tout semblable à Tantale, et que, comme il ne peut gouster de l'eau, qu'ainsi je n'eusse jamais goustéles douceurs de ma maistresse, car je ne serois maintenant en la peine que je suis. Mais voyez a quoy le malheur me conduit, desouhetter n'avoir faict ce que j'ay plus aymé et désiré que ma propre vie, non pour du tout mettre fin à ma douleur, mais pour aucunement la soulager.

Fuo>'TiN. Si vous voulez rire , venez veoir quelque chose de beau.

FouTUNÉ. Qu'y a-il?

Fromo. Urbain et Feliciane sont au lict, où ils font bravades : l'un veut tuer son père s'il retourne du vilage, et l'autre Ruffin, s'il vient demander de l'aigent. Ainsi, remplis de fureur, disent les plus belles choses du monde. Mais entrez dedans, car la viande se gaste.

FoRTUMÉ. Mais la gueulle te gaigne ! Se veullent-ils pas lever?

Fromin. Non ; ils disent qu'ils disneront, soupperont et coucheront là.

Fortuné. Et eux sages!