SCÈNE II

Hilaire , Fortuné,

ortuné m'a dict que je le trouveray icy. Fortuné. Je vous ay obey, mon perc.

^ HiLAîRE. Ho ! tu as bien faict.

Fortuné. Que vous plaict-il me commander? HlLAiRE. Tu sçays qu'encorcs que je te puisse commander, je t'ay tousjours prié, et n'y veux pas encore commancer, mais bien te veu>:-je advertir. Fortuné. 0 Dieu ! que ce soit chose que je puisse faire, afin que je ne tombe en désobéissance!

Hilaire. A ce que je voy, tu t'es imagine ce que je veux dire.

Fortuné. Je pense que me voulez parler de mes amours

Hilaire. W est vray.

Fortuné. Mon père, je sray que je faux de ce costé-là , et d'autre part je rognois que je ne puis faire autrement, par ce qu'il m'estoit autant

Les Esprits, Comédie. 263

facile du comraancement commettre ceste faute, comme maintenant il m'est malaisé, ains imposible y remédier, me trouvant enveloppé entre tant de filets, que je n'espère et neveux en sortir que par la mort ; car, comme pourray-je hayr qui m'aymc plus que soy-mesrae, et ne désirer celle où tend le parfaict de tous mes désirs ? Cognoissant mesmes qu'en tout le monde il n'y a fille, n'y eut oncques et n'y aura jamais ( à mon jugement), (pii se puisse paragonner à elle en beauté, gentillesse , courtoisie et bonne grâce , outre ce qu'elle n'est moins amoureuse de moy que moy d'elle. De manière que, quand il n'y auroit autre chose que cela, c'est assez pour contraindre et forcer mon libéral arbitre , lequel , toutefois , demeure libre, parce que jele veux ainsi, pour estre mon affection du tout arrestée en elle. A ceste cause, mon père, je vous supplie ne vous vouloir opposer à l'ardeur de mes flammes amoureuses, laquelle ne peut estre estaincte que par le temps ; et j'en fais preuve certaine, parce que vos commandemens , qui en toute autre chose me sçavent plyer à vostre volonté, demeurent en cest endroit plus mois que cire, et ma resolution plus dure que marbie. Bref, mon ame ne peut souffrir que j'espluche de trop près si c'est bien ou mal faict se retirer d'une telle entreprinse ; mais je sçay bien que j'av je ne sçay quoy au cœur, qui continuellement me dict que je ne puis et ne dois manquer d'amitié à qui ra'ayrae de toute son affection .

HiLAiRE.Mon fils, j'ay pitié de toy, pour avoir mov-mesme autresfois essayé que c'est de l'amour; neautmoins , je penserois faire tort à mon devoir si en cecy je ne te disois mon advis, et ce que le

2G4 Larivey.

monde en pense ; aussi n'y a-il homme, tantmeschant soit-il , qui se voulust amuser après une nonnain , non seulement pour le respect de la religion , mais pour ce qu'il semble que l'on faict cela ]JOur estre estimé d'avantage que les autres, ne cognoissant que ces deportemens desplaiscnt universellement à tous , paice qu'il n'y a chose qui rende l'homme plus odieux que quand, pour quelque particularité, il cherche différer des autres ; outre ce qu'on ne doibt faire si peu de cas de desbaucher une religieuse, qu'on n'ayt quelque esgard au lieu et à qui elle est vouée, si non pour l'amour de soy-mesmcs , au moins pour la révérence d'autruy, pour ce que qui est en mauvaise opinion de tous est tellement hay , que, quand cecy ne rendroit jamais plus fascheuse odeur que cestc cy d'estre hay et mal voulu, les hommes s'en douueroient garde, se retirans de luy comme d'un pestiféré. Je ne parle du tort que se faict quiconque veut faire l'amour aux filles recluses , des dangers qu'ils encornent ordinairement , eschellant les murailles du couvent, syant les grilles de fer, saultant du haut de la maison à sec , et forceant les portes, choses que l'on doit faire pour acquérir honneur et gloire, et non un si court plaisir qui tire après soy tant de longue pénitence. A ceste cause, mon fils, tu feras bien convertir ceste amitié en une plus honorable, dont tu puisse retirer le plaisir d'un heureux contentement; car, grâces à Dieu , je pense qu'il n'y a homme en ceste ville, j'enten de ma qualité, qui ne fust bien aise te donner sa fille quand il te prendra envye de te marier, et il en est tantost temps, si tu veux que je puisse voir- de tes enfans. Je ne regarde

Les Esprits, Comédie. 2G5

aux biens ; ue m'est tout un , pourveu qu'elle te plaise et soit fille de bien , car en ce faisant je demcurerav content et toy aussi.

FoRïl]>É. Je ne seray jamais content si je n'ay mon Apoline, vous voulant bien dire que voz propos ont telle puissance qu'ils me font penser à ce à quoy je n'eusse jamais songé. Toutesfois , il me semble impossible me pouvoir destourner de la routte que je sçay qu'il faut que je suyve. Neantmoins , je vous promctz et jure par la révérence que je vous ùoy. et par l'amitié que je vous ay tousjours portée, quejcferay toutcequejepourray pour vous contenter , m'asseurant que cy après vous aurez compassion de moy.

HiLAiRE. Cela ne te manquera point; je te veux avder.

Fortuné. Voulez- vous de moy ce qui n'est en ma puissance?

lilLAiRE. Non, uy de toy ni d'autre; mais je te prie te laisser conseiller , d'autant que je sçay que ce que tu trouves estrange et fascheux au commancemeiit te sera enfin aysé et agrealjle, car telle est la nature des choses bien faictes. Je îc le dy pour le bien que je te veux , joint aussi que je suis plus expérimenté en ces affaires que tu n'es pas.

Fortuné. Jeferay ce qui me sera possible.

266 LaT. IVEY.