SCÈNE I

Gérard, Ruffin.

Gérard.

iserable que je suis ! Helas ! j'estois retourné en ma maison pensant joyr des doux fruicts delà paix, et j'ay trouvé une plus cruelle guerre que la précédente ! 0 dieu, que n'ay-je esté faict le but d'un coup de harquebouzade, ou que les voleurs ne m'ont esgorgé par les chemins, puis que j'ay perdu mon honneur en la perte de ma fille, qui s'est perdue elle mesme? 0 fortune, estois-tu point assez soulle de me tourmenter, sans adjouster encor ce malheur à mes misères? Helas ! je me suis hastépour ti-ouver ce que je ne cherchois point ! Je suis perdu, je suis ruiné, ayant perdu l'espoir de ma consolation ; aussi ne reste-il plus qu'un désir, contraire à celuy que j'avois paravant : car, comme je souhettois voir ma fille saine et plaine de vie,

Les Esprits, Comédie. 277

je souhette maintenant la veoir ensevelie en un cercueil, ou qu'elle fust morte si tost qu'elle a esté née, car (encores qu'elle me soit unique) je n'aurois pas tant de regret à sa mort que j'ay à sou honneur perdu. Je me doiibte bien que ce belistre de r»u.(Hnme l'aura desbauchée ; toutesfois, il faut que j'avalle cela doux comme laict, ne luy en osant parler, crainte que, mouvant trop ceste ordure, l'odeur ne se respande d'avantage parmy le peuple, et que ce qui n'est sçeu que d'un ou de deux devienne la fable du commun. Ce n'est mal faict s'ayder de son ennemy en temps de nécessité. 11 me promet mons et vaux ; je ne puis faillir de l'escouter. Mais le voicy ! Helas ! Ruffin, te croyray-je, et que du jourd'huy seulement elle est hors de la maison ?

RuFFiN. Oy, par l'ame qui repose dans ce corps ; et vous veux bien dire d'avantage , qu'elle est avec un jeune homme qui ne l'ayme moins que soy-mesme ; aussi luy a-il juré qu'il n'espouseroit jamais autre qu'elle, et je croy que c'en fust desjà faict, n'eust esté l'avarice de son père, qui ne le veut pas avancer d'un lyard, combien qu'il soit riche de plus de vingt mille fraus, tant il est marran et taquin, qui me faict penser que, si vous voulez donner une bonne somme de deniers en mariage à vostre fille, que la luy ferez espouser, chose qui retournera au grand honneur de vous et d'elle, effaceant par là tout ce qui a esté faict cy-devant.

Gérard. Qu'il ne tienne à de l'argent, si tu penses que cela se puisse faire.

RuFFiN. L'argent peut tout, principalement envers ce viel avaricieux .

278 Larivey.

Gérard. Dieu le veuille! Mais je ne puis penser qu'un jeune homme s'accorde jamais espouser une fille dont il a usé comme d'une putain.

RuFFlN. Oh! il sçait bien qu'elle n'a jamais bougé de la maison, et que homme ne l'a oncques touchée que luy.

Gérard. S'il est ainsi, l'argent ne luy manquera, car, Dieu mercy, j'en ay assez. Mais je la voudrois bien veoir.

RuFFiN. Elle esticy dedans , venez. Tic , tac, holà ! J'enten je ne sçay qui.