SCÈNE V

Hilaire , Fortuné.

HlLAlRE.

.1 me tarde que je trouve Fortuné.

Fortuné. Il me semble que c'est luy ; toutcsfois je n'en suis bien asseuré. Hilaire. Je ne sçay si je luy dois dire que c'en est faict, ou qu'elle est preste d'acouclier.

Fortuné. C'est luy-mesme.

Hilaire. Où le pourray-je trouver?

Fortuné. Je veux entendre qu'il dict.

Hilaire. Je vas veoir s'il est en la maison. Fortuné. Bonsoir, mon père.

Hilaire. 0 Fortuné ! je te cherchois; j'ay des nouvelles a te dire.

Fortuné. Dieu me soit en ayde !

Hilaire. Et peut-estre les meilleures que tu puisses i^ecevoir , s'il est vray ce que naguères tu m'as dict.

Fortuné. Quoy ! Apoline a-elle eu congé sortir hors du couvent?

Les Esprits, Comédie. 283

HiLAiRE. C'est chose meilleure.

FORTU.NÉ. Qu'elle n'est pas grosse?

HiLAiRE. Encores meilleure.

Fortuné. Et quoyl meilleure? Je ne puis imaginer rien de meilleur.

HiLAiRE. Apoline a faict un beau petit garçon.

Fortuné. 0 chetif que je suis ! Voilà la pire nouvelle que j'eusse peu recevoir.

HiLAiRE. Laisse-moy dire : et, parce qu'elle n'est religieuse , d'autant qu'elle n'a encor faict profession, comme tu sçais, l'abbesse veut que tu l'espouses.

Fortuné. Vous vous mocquez de moy.

HiLAiRE. Il est vray ce que je te dis , à ceste condition que la moitié de la succession demeurera au couvent et l'autre moitié sera tienne, qui sont enA'iron dixhuict mille francs.

Fortuné. Cecy me semble si grand chose que j'ay peine à le croire.

HiLAiRE. Haa ! penses-tu que je me veulle mocquer de 4oy en choses de si grande conséquence? Je te dis d'avantage que, quand tu ne la voudrois cspouser, on t'y contraindroit, car tu ne t'en pourrois sauver.

Fortuné. Je vous croy. 0 Dieu ! que je suis ieureux ! Se porte-elle bien, au moins?

HiLAiRE. Trèsbien.

Fortuné. Et qui a moyenne cela?

HiLAiRE. Moy-mesmes : car, sitost que j'ay esté adverty qu'elle estoit acouchée, je suis allé parler à l'abbesse , que j'ay trouvée du commancemenl plus fière qu'un toreau *, mais, quand j'ay eu parlé à elle , je l'ay faict devenir plus douce qu'un agneau, et avons conclud cest afaire.

284 Larivey.

Fortuné. Helas! mon père , je vous suis en cecy aultant redevable comme si de rechef vous m'aviez adopté.

HiLAiRE. Demain je l'envoyeray quérir, car elle n'est pas bien là.

Fortuné. 0 Dieu ! quel changement est-ce-cy? J'estois le plus mal'heureux du monde , et craignois d'heure en heure l'estre encor d'avantage ; et en un moment je suis devenu tant heureux que je ne changerois mon heur à un royaume !

HiLAiRE. 11 se faut contenir, et regarder de ne faire plus ces folies : car, si ceste-cy a reussy selon ton intention , c'est par hazard.

Fortuné. Par hazard? Non, mais par vostre prudence et bon advis , qui doublement me rendent vostre obligé : premièrement pour m'avoir délivré de la plus grande douleur et angoisse que j'euz onques , secondement pour m'avoir faict un tel plaisir qu'autre que Dieu ne m'en sçauroit faire un plus grand.

HiLAiRE. C'est trop parlé; il fiyat seulement que tu penses à te resjouyr avec ton Apoline, puis qu'elle te plaist tant, et faire en sorte que ma bouté ne t'entretienne en desbauches, mais qu'elle serve à augmenter ton bien et ton honneui'.

Fortuné. Je m'y efForceray de tout mon pouvoir. Je sçay bien que la jeunesse ne me fera (comme par le passé) décliner de la ferme et bonne intention que j'ay de me bien gouverner et vous obeyr.

HiLAiRE. Tu cognois si je sçay excuser la jeunesse.

Fortuné Je n'en ignore, pour l'avoir éprouvé assez souvent. Je ne veux faii-e comme beaucoup

Les Esprits, Comédie. 285

du jourtlhuy, qui en leur prospérité ne se souviennent de leurs parens et arays; ains ores que j'ay ce que je demande, je me veux souvenir de mes amys, principalement de Désiré, qui m'a affectionnement prié vous supplier faire en sorte que , par le moyen des escuz qu'i'. a trouve?, , il puisse espousermasœur Laurence; et, vi'aymcnt, sou désir n'est qu'honneste.

HiLAiRE. S'il vcult mettre les deniers entre mes mains, je m'oblige les marier ensemble.

Fortuné. 11 en rendra la moitié, l'autre sera pour son mariage.

HiLAiRE. Oh ! voilà autre langage : je ne pense pas que Severin luy veulle bailler mille escuts.

Fortuné. Le père de luy ne veut qu'il l'espouse autrement.

HiLAiRE. Voilà le point! Tu sçais qu'il est plus mal'aisé tirer un liard des mains de Severin qu'oster la massue à Hercules. Toutesfois , je luy en parleray. Je suis heureux à faire mariages.