SCÈNE V

Gotarcf., desguisé en cagnardici', porte Vincent

enveloppé en une couverture ; Fierabras,

Mathieu , Vincent.

Go TARD.

iclas ! mes bons seigneurs, je vous supjplic, pour l'amour de Dieu, me loger [§ceste nuict. Je suis estranger, qui ne sçay oïl aller.

l'IERABRAS. D'où es-tu?

GoTARD. D'un village qu'on appelle Bourdes, assis au conté de Flandres.

FlERABRAS. Depuis quand en es-tu venu?

GoTARD. Tout à ceste heure; je suis encore chargé.

FlERABRAS. Hoo ! tu dois donc sravoir des nouvelles. Que dict-on,que faict-on en ce payslà?

GOTARD. Que scay-je? on dict beaucoup de choses. Le beurre y sera cher ceste année, et quiconque ira sans cousteau il en perdra maint bon morceau ; l'orge s'y vendra presque autant que le froment, à cause de la bière; le marroquin sera à bon pris , et quant aux poix , febves , figues et raisins, on n'en tiendra pas grand conte. Après, on y faict comme icy des chausses, juppes, souliers, robbcs et manteaux.

FlERABRAS. Ha! ha! ha! je ne te demande pas cela, pauvre homme , mais bien que font les princes et autres seigneurs de ce pays-là.

Les Jaloux, Comédie. 49

GoTARD. Us jouent, ils font grand chère, ils vont en mascarades, ils dansent toute nuict, chacun se donne du plaisir.

FiERABRAS. Dict-on rien de la guerre?

GoTARD. Il me sembla avoir oy dire que le roy catholique a ne sçay quant milliers de combattans , dont des uns sont à pied, les autres à cheval.

FiERABRAS. Donc Ce qu'on dict par de çà est faux , que Sa Majesté et les Estats du Pays-Bas ont faict une bonne paix ensemble.

GoTARD. Cela est tout vray, mais vous me demandez que je vous dise ce qu'on dict.

FiERABRAS. Or bien, laissons cela et me dy ce que tu sçais. Comme le peuple est-il content de ceste paix ? Pense-on qu'elle durera ?

GoTARD. Je ne vous en sçaurois que dire. Aucuns disoient que ce sera une paix desmanchée, et les soldats desiroient que ce fust celle du movne; mais pour n'avoir esté long-temps nourry entre telles gens , je n'entendois encor trop bien leurs vocables.

FiERABRAS. On en doit faire partout des feux de joye, des joustes, tournois, comédies , et tirer de toutes parts force artilleries.

GoTARD. On y tire de trois ou quatre façons. On tire des pièces de canon , on tire l'aigent des bources du peuple, on tire la layne de dessus les espaules des simples gens, et tire l'on encores force bons verres de vin. qu'on envove à la vallée. FiERABRAS. 0 qu'il fait beau veoir tanlde seigneurs d'estime et de dames de nom ! Quelle superbe et magnifique chose, jugé-jeestre, ces amples salles , chambres ornées par excellence , tant d'ap-

T. Yl 4

oo Lauivey.

parais plains de festes , d'alegresses , de magnificences ! Mais dy moy, est- il vray qu'à ce renouveau ou met une armée en campagne contre le grand Seigneur?

GoTARD. Ces gens, que je vous disois estre au service du roi catholique , seront les premiers, et le pape y envoyé encor ne sçay quant milliers d'hommes à cheval.

FiERABRAS. Hommes d'armes, ou chevaux légers?

GoTARD. Je n'en sçaurois que dire , car je ne les ay pas pesez; mais je pense qu'estans Italiens, ils sont légers.

FiERABRAS. On ne pèse pas la chair des hommes, sot que tu es ! mais bien le courage, la hardiesse et la vaillance. Mais la seigneurie de Venise et autres grands seigneurs et princes chrestiens, se joignent-ils point avec eux?

GoTARD. Je vous prie me faire entrer en vostre logis, et quand je serav déchargé (parce que je voy qu'estes désireux de choses nouvelles), je satisieray à vostre volonté.

FiERABRAS. Tu dis vray, va! et, par mon Dieu, tu as raison.

Mathieu. Arreste, ne houge.

GOTARD. Je n'ay que faire à vous.

FiERABRAS. Pourquoy dis-tu ainsi : Arreste ! ne bouge !

Mathieu. Que sçavez-vous qui il est, ne qu'il cherche? Je vous jure qu'il a la iniiic d'un larron et mauvais garnement. Ça, je veux vcoir ce que tu ])ortes en ce pacquet.

GoTARD. He! Monsieur, ne mcfaictespoint de tort.

Les Jaloux, Comédie. 5i

FiERALRAS. D'où te vient ce soupçon?

Mathieu. Il en a le visage. Iladictune grande menterie : que le roy catholique a ne scay quant mille combattants, joint qu'il n'est ferme en son propos. Puis je trouve estrange qu'il est si pauvrement abillé, veu qu'il porte tant de bardes en ce pacquet.

GOTARD. Patience , je m'en iray loger ailleurs.

Fierabras. Pourquoy acte verrons-nous pas? Vien-ça, approche. Où vas-tu? Mets bas cela.

GoTARD. Ah ! Messieurs, ne me faictes point de tort.

Fierabras. Mets bas cela , tedis-je, poltron.

GoTARD. Hé ! Messieurs, hélas! est-ce ainsi qu'on traicte les estraugers, est-ce ainsi ?

Fierabras. Si tu ne te tais, je damasquineray les carreaux de ta cervelle.

GoTARD. Je suis demy-fol : que doy-je dire?

Mathieu. Qu'y a-il dedans ce pacquet 1 II est plus lyé de cordes qu'une balle de marchandises. Mais ho, o! qu'est-ce-cy? C'est un mort!

Fierabras. Ains un vif; voyez, il sei-emue.

Mathieu. Demeure ; où veux-tu fuyr?

GoTARD. Que je suis malheureux !

Mathieu. Vous ay-je pas bien dict que c'estoit un meschant garçon ?

Fierabras. Dy moy, qui es tu? à quelle fin te fais-tu porter enveloppé là dedans ! Es-tu pas celuy à qui j'av vendu mes chevaux ?

GoTARD. Comme lepourray-je plusayder?

Vincent. Oy, Monsieur, à vostre commandement.

Fierabras. Pourquoy t'es-tji faict lyer en cesle couverture ?

52 Larivey.

GOTARD. Pleust à Dieu qu'il eust faict le sourd et le muet !

Vincent, Dictes-vous pourquoy je me suis faict lyer en cette couverture?

FiERABRAS. Oy, m'entends-tu pas?

GoTARD. J'ay pensé à quelque chose.

ÀIathieu. Demandez en cor à cestui-cy pourquoy il le portoit.

GoTARD. Voire, pource qu'il n'a point de langue ! Dictes, dictes-le, seigneur Vincent.

Vincent. Que je le dise! Comment! es-tu fol?

GoTARD. Attendez, vous dictes vray. Il ne l'ose dire, parce que toutes confessions sont préjudiciables : car, si une fois l'on sçaAoit que par sa propre bouche il eust confessé avoir commis l'homicide, cela luy pourroit nuire, et je n'y pensois pas.

FiERABRAS. Quelle confession? quel préjudice dis-tu? Pourquoy te tournes-tu tant souvent de costé et d'autre?

GoTARD. Dieu nous veulle ayder par sa grâce ! Je vous prie. Monsieur, faire une œuvre de charité, permettant que cestui-cy entre en vostrc logis , mais tout à ceste heure, s'il vous ])laist.

FiERABRAS. Je n'eu feray rien : que veux-tu qu'il y face?

Mathieu. Quelle belle histoire sera-ce icy !

GoTARD. Monsieur, je suis contraint vous faire ceste requcste pour bien grande occasion, car il est en danger de mort ; oy , il est ainsi , je ne ments pas.

FiERABRAS. Ce sont brides à veaux ; je te dy que je n'en feray rien, et veux sçavoir qu'aviez envie de faire.

Les Jaloux, Comédie. 53

GoTARD. Dictes-luy; puis qu'ainsi est, il me semble raisonnable.

Vincent. Vien ça!

Mathieu. Il y a icy de la meschancelc.

GoTARD. C'est tout un, qu'il vous loge ou ne vous loge pas, à son commandement : que raaudicte soit son ingratitude ! Et respondez à ce qu'il vous demande. L'avez-vous faict pour loger en sa maison, ou pourquoy ? Regardez-moy au visage, parlez?

Vincent Afin de loger en sa maison.

GoTARD. Dieu en soit loué !

FiERARRAS. Comment ! pour loger en ma maison ? pourquoy faire ?

Vincent. Il parle à toy, Gotard.

GoTARD. Pour y coucher. Monsieur, parlez à moy : voyez-vous pas qu'il est tant transporté de pœur, qu'il ne peut ouvrir la bouche. Et à dire vray, le cas est espouvantable. Mais je vous advise, mon maistre, que, si voulez aller à la gueri'e, qu'il vous faudroit bien un autre courage.

FlEUABRAS. Que craint-il ?

GoTARD. Ceux qui l'ont contraint se cacher en ceste couverture, et moy de me desguiser en ces accoiistrements. A ce que je voy, vous ne sçavez donc pas la querelle qu'il a eue, et que son enncmy est demeuré mort sur le pavé ?

FlERABRAS. Non, je n'en sçay rien.

Mathieu. Qui a esté tué ?

GoTARD. Je vous diray tout, mais je vous prie n'en parler à personne.

FlERABRAS. N'ayez doute.

Mathieu. Dy hardiment.

Gotard. Cestuy-cy, qui est mon maistre, al-

54 Larivey.

lant aujourd'hui au Louvre, a rencontré un jeune homme, son cnneray, avec lequel, comme pouvez penser si jamais avez eu querelle, il est entré en dispute.

FiERABRAS. Si jamais j'ay eu querelle ! moy, viel capitaine, moy qui en ay faict mourir à milliers en combat singulier! Ha! ha! ha! Voyez comme parle ceste beste !

Matîiieu. C'est par ce qu'il ne vous cognoist.

GOTARD. Tant mieux donc. Or, estans entrez en dispute, ils vinrent après aux injures, et à la fin aux armes ; mais cestuy-cy n'eut si tost tiré son espée qu'il envoya par terre un quartier de la teste de son ennemy. Ce faict, et pensant n'avoir esté veu, s'en retourna en sa maison.

FlEUABRAS. Donc, ce jeune homme-cy a faict un si beau coup?

GoTARD. Mon maistre, dictes, dictes-le, parlez franchement : j'ay telle fiance en ce bon seigneur, qu'on luy en pourroit encore dire d'avantage sans craindre que jamais il ne voulust ouvrir la bouche pour en parler.

FiERABRAS. Qui faict mieux cela que moy? Combien de douzaines de fois pensez-vous que ceste-cy aytesté en faction, sans que jamais aucun l'ayt sçeu?

Mathieu. Les tesmoins en estoient si loin qu'ils n'en peurent rien veoir.

Vincent. Quoy! me fussc-jc laissé tuer?

GoTARD. Vous pouvez voir si je dis vray, veu que lui-mesme le confesse.

FiERABRAS. Faut-il nyer une telle prouesse ? Touche là, compagnon, tu vaux trop.

Vincent. Je vous mercvc, Monsieur; vous

Les Jaloux, Comédie. 55

voyez en moy un homme qui quelquefois vous pourra montrer ce qu'il sçait faire.

FiERABRAS. Je te rends grâces : achève.

GoTARD Le bruict de ceste mort vint jusques aux oreilles des parens, qui en advertirent la justice, par le commandement de laquelle nous vismes tout en un instant nostre maison environnée d'un commissaire et bien quarante sergens,

FiERABRAS. 0 quelle poltrone génération est ceste-là ! ces pourceaux, ne vont jamais sinon par trouppes.

GoTARD. Escoutez : il demeura plus mort que vif. Que doy-je faire, Gotard? (me dict-il.) Je ne sçaurois plus eschapper, si Dieu ne m'ayde à ceste fois. Quoy voyant, Dieu m inspira de le pouvoir ayder.

FiERABRAS. Jeseray bien ayse d'entendre cela.

GoTARD. Quand ceste alarme nous fut donnée , il y avoit devant notre huys un pauvre homme, enveloppé en ceste couverture, qui deraandoit l'aumosne, lequel, pour la haste que nous avions quand nous vismes les sergens, nous enfermasmes dedans. Je le despouillay de ses meschants haillons et m'en vesty, et, prenant sa couverture, j'enveloppay cestuy-cy dedans.

FiERABRAS. A quel effect?

Gotard. Affin que je ne fusse cogneu, et que je le peusse mettre hors du logis sans qu'il fust veu : espérant pouvoir trouver icy près quelque personne pitoyable et miséricordieuse qui me voulust loger jusques au lendemain , luy faisant croire (comme je vous ay dict) que j'estois estranger.

FiERABRAS. Ce ne fut pas mal advisé.

56 Larivey.

Mathieu. Cecy est plus vray semblable que ce qu'il disoit au commencement.

Vincent. Il est vray comme il vous le dict.

GOTARD. Mais je n'ay encor trouvé homme ny femme qui m'ayt voulu loger. A ceste cause, puisque maintenant vous sçavez le tout et combien il importe, je vous supplie nous a ouloir accommoder de quelque petit coin en vostre maison. Je vous en requier pour l'amour de Dieu. Vous voyez qu'il est presque nuict.

Vincent. Vous nous avez tenuz longuement icy, et, si nous y demeurons d'avantage, nous pourrons facilement tomber es mains de ces esprits malins, de manière qu'outre que ne nous avez voulu loger, vous serez cause de nostre ruync.

GoTARD. O qu'il est bon , cela 1

FlERABRAS. Quoy, bon?

GoTARD. Je dy qu'il est bon que regardions où nous pourrons loger.

FiERABUAS. Tu dis vray. Ta requeste est tant raisonnable que j'aurois quasi honte t'en esconduire. Entrez, entrez leans.