SCÈNE IIII

Jherosme^ Vincent^ emmenant Magdelaine avecques sa servante; Gotard.

JlIEROSME.

e ne scay où je pourray trouver mon fils.

Vincent. Helas! Gotai-d, voicy mon ' père .

Gotard. A vostre dam, je le disois bien.

Jhep.OSME. Qui sont ceux-là?

Vincent. Je suis perdu.

Gotard. Que diable nous ameine maintenant ce vieillard !

Vincent. Mon Dieu! je ue sçay quelle excuse je trouveray.

Gotard. J'y pense, laissez faire.

JlIEROSME. Ceux-cy ont à leur suitte des personnes chargées ; oii pourroient-ils bien aller à ceste heure?

Vincent. Que ferons-nous? devons-nous retourner d'où nous venons?

Gotard. Non, car il nous a veus. Passez outre et faignez consoler ceste-cy . Cependant je l'entretiendray de baliverneries. Qui évite un mal en peut fuyr mille.

Jherosme. Il me semble que Vincent est l'un de ceux-là.

64 Larivey.

GoTARD. Au feu ! au feu ! ô quel malheui' est cestuy-cy !

Jherosme. Voilà la voix de Gotard.

Vincent. INe vous desconfortez, tout se portera bien.

Jherosme. Etbien! hé! Vincent, est-il temps de retourner en la maison ?

Gotard. 0 Monsieur, a^ous voicy? Voyez , voyez un peu la fumée, comme elle sort à gros bouillons du feste de ccste maison.

Jherosme. Qu'as-tu à me tirer ainsi par la manche? Que veux-tu que je voye?

Gotari). La fumée ! Voyez à travers ces deux cheminées de bricque; regardez, là, là, droit à mon doigt. Oh ! si vous eussiez esté icy tout à ceste heure, vous eussiez veu les flammes qui touchoient jusques au ciel. Quant à nioy, je vous dy que de ma vie je ne vy chose plus espouventable. La voilà ! la voilà encorcs une autre fois.O! quelle fumée! Jésus! qu'elle est espaisse ! L'avez-vous pas veue ?

Jherosme. Non, je ne l'ay pas veue; en as-tu veu? Pour me tro]) amuser aux folies de ceste beste , je ne sçay plus qu'est devenu Vincent : voyez si je ne suis pas bien lourdaul!

Gotard. Laisscz-lealler, ilscaitbienle chemin.

Jherosme. Penses-tu que je le croye auti'c-

ment? Mais voicy le point, je luy voulois dire je

ne sçay quoy, puis sravoir qui est celle qui va

quant et luy.

Gotard. Quoy, vous ne l'avez pascogneue? Jherosme. Je ne l'ay pas cogneue, voirement. Gotard. A bon escient , vous ne l'avez pas cogneue ?

Les Jaloux, Comédie. 65

Jherosme. Comme Teussé-je peu cognoistre, veu qu'elle se bouschoit le visage avec son mouchoir?

GOTARD. La pauvrette ! elle pleuroit sa fortune, et de son mari. C'est madame Claudine, vostre îiiepce.

Jherosme. Quoy ! ceste-Ià est Claudine, ma niepce !

GoTARD. Par vostre foy , qui pensiez-vous donc qu'elle fust?

Jherosme. Ceste-cy m'a semblé un peu plus grande qu'elle.

CoTARD. Je suis tout émerveillé que n'avez parlé à elle; vrayement, j'attendois que luy demandassiez pourquoy elle pleuroit, et que la deussiez consoler, parce que Vincent ne sçait si bien faire cet office que vous.

Jherosme. Que veux-tu d'avantage? Je ne Tay cogneue, et eusse pensé , à la veoir aller de nuict, que c'eust esté toute autre femme qu'elle; car je sçay que ce n'est sa coustume d'aller ainsi. Comme Vincent s'est-il trouvé avec elle ? Où vont-ils à ceste heure avec ces bardes ?

GoïARD. Il me fasche beaucoup de vous dire si mauvaises nouvelles ; mais patience. Il est advenu que ses servantes, par ne sçay quel malencontre, ont mis le feu en la maison. Voyez le malheur !

Jherosme. Commest diable ! le feu est donc en la maison de mon neveu?

GOTARD. Oy.

Jherosme. 0 ! meschantes , vilaines , yvrognesses, folles et insensées !

GoTARD. A ceste cause, madame Claudine,

66 Larivey.

ayant amassé ce qu'elle a peu , et qui s'est présenté devant ses mains , en avoit chargé une de ses servantes et se sauvoit avec elles, quand de fortune elle a rencontré mon maistre qui Aenoit de souper de la ville.

Jherosme. Il fera tousjours des siennes. Il est heure revenir de soupper !

GoTARD. Adonc, elle l'a prié l'accompagner jusques chez son frère, parce qu'il luy sembloit ne luy estre bien séant aller ainsi seule, sans compagnie de quelque sien parent. Que diantre sçay-je pourquoy elle n'a voulu demeurer chez ses voisins !

Jherosme. Elle est sage et bien advisée, et doibt avoir faict cela pour bonne occasion. Mais voyez si ce malheur mauquoit à cet homme de bien ! Ces poltronnes de chambrières, et vous autres serviteurs de maudite génération, ne prenez jamais garde à ce que vous faictes. Qu'est devenu mon neveu ?

GoTARD. Si vous le voyiez , il est plus mort que vif.

Jherosme. Il ne peut estre autrement, le feu estant en sa maison.

GoTARD. Il s'efforce getter par les fenestres buffets, licts, tables, coffres, et tout ce qu'il peult, tandis que les voisins sont empeschez à csteindre le feu.

Jherosme. Tu eusses esté bien rompu, asne de bastonnades, de demeurer derrière pour l'ayder en cestc nécessité , et laisser porter à un autre ce que tu tiens. Je te sçay dire que tu n'aymes que besongne faicte. A-il beaucoup perdu?

GOTARD. Les voisins ont esté si diligens, qu'il

Les Jaloux, Comédie. 67

n'y a eu tant de mal (Dieu mercy !) que l'on craignoit.

Jherosme. Tant mieux. Mais, dy-moy , qui t'a ainsi vestu ?

GoTARD. Sot que je suis ! Pour ayder autruy, je me suis mis moy-mesme au piège. Que dictesvous ?

Jherosme. Je te demande qui t'a vestu de ces beaux accoustremens?

GoTARD. Je ne sçay que dire. 0 ho! cest accoustrement, c'est autre chose,

Jherosme. Quoi, autre chose? Dieu veulle que je n'aye esté trompé. Respon : A qui parlé-je? quel vestement est-ce là?

GOTARD. Vous parlez à moy. Mon Dieu! laissez-moy aller , que ma dame Claudine ne m'attende; je le vous diray tantosttout à loisir.

Jherosme. C'est tien à propos. 11 est aussi vray que je suis Jherosme, je te feray cognoistre, si Dieu me preste vie et santé , s'il se faut mocquer de son maistre.

GoTARD. Dieu me veulle ayder!

Jherosme. Vien ça, coquin ! aproche , pendart que tu es.

GoTARD. Helas ! qu'ay-je faict pour estre lyé?

Jherosme. Tu me pensois monstrer la lune au puits, me faisant croire que le feu estoit chez mon nepveu, que ceste femme est ma niepce, et qu'elle a plustost voulu aller chez ses frères , qui demeurent au bout de la ville , que demeurer avec ses voisins.

GoTARD. Mais vous l'avez veue, uh! uh! hu! u!u!

Jherosme. Tu pleures, maintenant !

68 Larivey.

GOTARD. S'il VOUS plaist, Monsieur , je VOUS diray tout. Un compagnon de mon maistrc, vostre fds...

JheroSME. Tu broyés de Teau en un mortier.

GoTARD. Escoutez-moy, je vous supplie.

Jherosme. Je u oy goutte.

GOTARD. Deux mots tant seulement.

Jherosme. Tu portes des fueilles aux boys.

GoTARD. Hé ! Monsieur, si une chose estplustost advenue qu'une autre , qu'en puis-je mais ? uh ' uh ! liu ! u ! u ! Vostre fils, hu ! hu ! u !

Jherosme. Tu commances à confesser, et au paravant tu te moquois de moy. Asseure-toy que je t'accoustreray de toutes façons ; mais je veux premièrement sçavoir quel beau mistère est cestui-cy. Entre leans, marche!