SCÈNE IIII
Fierabras^ Marquet.
FlERABRAS.
arquet , vien çà : va trouver le cappitaine des gardes françoises , et luy dy que certains éventez , outre-cuydez et téméraires , sont venuz chez moy, ont emmené ma sœur et voilé ma maison. Et pource que je n'ay accoustumé employer, pour vanger le tort qu'on m'a faict , autres que les armes et la force de ce bras , je le prie de m'envoyer vingtcinq ou trente archers.
Warquet. Que voulez-vous faire de tant d'archers, si vostre bras peut seul exécuter ceste vengeance?
FlERABRAS. Tu ne dis pas que qui besongne par aultruy dict que c'est luy-mesme qui l'a faict .
Marquet. Seroit-ce pas assez de trois ou quatre ?
FlERABRAS. Non, parce que je les veux faire hacher menu comme chair de pasté.
Marquet. Estre si cruel!
FlERABRAS. Ayant discouru en moy la qualité de l'injure qu'ilz mont faicte , je trouve que mou honneur ne peut autrement estre repai'é.
8o Larivey.
Marquet. Ha ! ha , ha !
FlERABRAS. Tu ris en affaire de si grande conséquence ?
Marquet. Je ry, mais ce n'est pas de cela.
FlERABRAS. De quoy donc?
Marquet. Je me suis souvenu de voz valeureuses entreprinses.
FlERABRAS. 0 ho! j'en ay faict sans nombre. De quelles?
Marquet. Quand, à Blois, vous coupastes les cheveux à une femme.
FlERABRAS. Ainsi faut-il chastier ces vilaines,
Ïiourries de verolle , qui ne respectent non plus es hommes que les Lestes.
Marquet. Et quand, sur le pont Sainct-Michel, vous donnastes le desmenty au crocheteur qui vous avoit appelle filz de putain , maquereau et tailleur de cuir.
FlERABRAS. Ma générosité empescha que je ne mis la main à l'espée, car, à dire vray, cestescy ne sont armes à souiller au sang des faquins.
Marquet. Mais que veut dire que ne fistes rien à ce jeune homme qui, ce mcsme jour, vous jetta au milieu de la fange?
FlERABRAS. Pource que j'estois empeschc à me nettoyer de ccste ordure , car je ne voulois estre mocqué d'une mienne amye, qui me regardoitpar une fenestre; de manière que je n'euz loisir de m'en ressentir. Mais, s'il eust attendu un quart d'heure...
Marquet. Que luy cussicz-vous faict?
Fi EB A BRAS. Quoy? je luy eusse baillé sur la joue, ou faict fuyr devant moy, comme j'ay accoustumé faii'c à ses semblables.
Les Jaloux, Comédie. 8i
Marquet. Or, Monsieur, je pense que ferez merveilles : c'est pourquoy , affin d'en avoir le plaisir, je vas quérir des soldats.
FiERABRAS. Je t'en prie.
Marquet. Je m'asseure qu'ils vous feront rendre ce qui vous appartient.
FiERABRAS. Ils me feront plaisir; mais je ne veux point qu'on me parle de paix , si premièrement, par accord exprès , je ne baille à chacun de ces voleurs quatre coups de dague. Enten-tu ?
