SCÈNE V

Lactance^ Gillette , servante d'Anastase.

Lactance.

ais que va cherchant Gillette ainsi seule ? Elle est fort troublée, je me doute qu'il y a de la diablerie : c'est pourquoy je me veux approcher, pour entendre ce qu'elle dict de nouveau.

Gillette. Je veux (et deussé-je faire je ne sçay qiioy) chercher tant, que je trouveray le seigneur Lactance, pour luy dire que, s'il ne se diligente de faire ce qu'il a promis, que Susanne sera pour un autre.

Les Escolliers, Comédie. 127

Lactance. 0 Dieu! secourez-moy! que serace icy ?

Gillette. Il est advis à ces jeunes hommes que c'est assez de promettre. 11 y a quelque temps que je comraeuçay à luy dire qu'il se resolust de demander au sire Anastase, mon maistre, Susanne, sa fille, à femme ; mais il tire tousjours le cul arrière et faicttant le long que c'est merveilles. Elle est maintenant seule au logis, et, si elle sçaToit qu'on parlast de la marier, elle se desespereroit, parce que la pauvrette pense que cestuycy l'ayme de tout son cœur. Et Dieu sçait ce qui en est, et comme le tout en va ! Eh ! qu'est-ce de ces jeunes folastres .' Je vous sçay dire que les filles qui s'amourachent d'eux, au moins la plus part, demeurent tousjours trompées.

Lactance. Tu te plains à tort de moy, Gillette, et à tort m'as eu ceste oppinion.

Gillette. Hoo, Monsieur! qui vous sçavoit là! Hé! d'où venez-vous?

Lactance. J'estimois que tu fusses toute asseurée de mes bonnes volontez, et que je ne desire et ne pense autre chose sinon comme je pourray faire pour contenter ma Susane et moy. ïoutesfois, à ce que je voy, tu en doutes. Gillette! Gillette ! il n'y a personne plus empeschée que qui tient la queue de la pœsle. Ce sont besongnes trop malaisées et qui ne se jettent pas en un moulle : car il faut que je pense à beaucoup de choses, si tu le veux sçavoir. Mais, dy-moy, comme sçais-tu que son père la veut marier ?

Gillette. Je le sçay bien, parce qu'il n'y a pas une heure qu'il est sorty du logis pour aller chercher un certain Contran, qui l'a demandée

128 Larivey.

pour son fils. Et Dieu veiille qu'il puisse l'etourner sans rien faire ',

Lactaîvce. Que te semble-il que je doive faire ?

Gillette. Je serois d'advis , si vous estes homme de courage , que le monstrassiez maintenant , et qu'à ceste heure qu'il n'y a personne qu'elle au logis , vous l'allassiez veoir et missiez bravement l'affaire à exécution, afin que, si son père à son retour l'avoit promise à un autre, cest autre ne l'ayt toute entière et n'y vienne à tard. A quoy pensez-A'^ous ?

Lactance. Je pense de manyer l'affaire en sorte qu'il succedde sans inconvénient.

Gillette. Et quelle difficulté y trouvezvous ?

Lactance. Aucune. Je suis résolu me tenir à ton conseil.

Gillette. Oy, mais ce sera aux conditions, comme je vous ay autresfois dict , que l'espouserez.

Lactance. Helas! penses-tu autrement? as-tu si peu de foy en moy que je ne sois pour faire tout ce qui peut réussir au bien et contentement d'elle et de moy? Mais je vondroie bien que tu m'attendisses un petit icy, par ce que, devant que d'aller là, il faut que j'alle dire un mot à un mien amy pour chose d'importance. Toutesfois, regarde si tu veux aller devant, je scray aussi test que toy.

Gillette. Je m'en vas donc. Bricquc ! je me suis oblicc. Escontez, Monsieur: entrez par ceste ruelle et venez drolct à l'huis de derrière ; je seray à la fenestre , et si tost (pie je vous aperccvray,

Les Escolliers, Comédie. 129

je dcsceadray incontinent pour ouatIf et vous mettre entre les bras de rostre grande amye, afin de faire, etc.

Lactakce. Hé ! n'ayez honte de le dire, c'est tout un.

Gillette. Je vous prie, au moins , que quelque fois vous vous souveniez du plaisir que je vous fais.

Lactance. Pren courage, car si mes desseins réussissent à bien , tu auras telle part en ma maison qu'auras occasion t'en contenter.

Gillette. Je le croy ainsi. Ne demeurez donc guères, je vous prie.

Lactance. As-tu considéré comme après je pourray sortir sans estre veu par ceu\ du logis?

Gillette. Il faudra que, quand je vous feray signe, vous vous cachiez en la garde-robbe ; après, quand les viellards se seront mis au lict, vous vous couchiez avec Susanne et y demeuriez jusques au lendemain matin, une heure devant jour, puis retourniez vous mettre où vous estiez auparaA'ant, et attendiez là jusques à ce que je trouve la commodité de vous faii-e sortir.

Lactance. Penses-tu qu'en la garde-robbe il y ayt lieu où je me puisse cacher?

Gillette. J'ay mis ordre à tout. Venez seulement et me laissez faire. Je sçay bien où vous mettre fort commodément.

Lactance. C'est assez, je vas après toy. Gillette. Un jour me dure mille aus, tant il me tarde veoir ces jeunes amoureux cueillir ensemble le fruict de leurs amours. Mais que le seigneur Lactance ne pense pas joyr de la pucelle que premièi'emeut, et en ma présence, il ne luy

T. VI. >j

i3o Larivey.

promette l'espouser , et ne lui en baille quelque gaige. Que sçay-je si , ayant soullé d'elle sa volonté, il est point homme pour luy bailler du pied par le cul? Il n'a pas affaire à des nyaises, non. Or, attendant qu'il vienne , je veux aller porter ces bonnes nouvelles à la fille , l'advertir de ce qu'elle doit faire et luy dire aussi qu'elle délibère faire ceste nuict un mignard et plaisant ouvrage en cuir doré , où il faudra à bon escient embesongiier l'esguille et le dez; autrement, qu'elle n'aura faict chose qui vaille jusques icy.