SCÈNE II

Gobert, Anastase, Luquain^ Hubert.

GoBEUT.

on soir, voisin. Et bien ! qu'y a-il , que m'avez envoyé quérir à ceste heure ?

Anastase Mon frère , mon amy !

je suis perdu !

Gobert. Ne pleurez ainsi. Q'avez-vous? II semble que soyez un enfant.

Anastase. Gobert, mon amy, je suis destruict !

Gobert. Ce n'est le faict d'un homme sage se désespérer du premier coup ; il faut monstrer visage à la fortune. Haussez la teste , et me dictes que vous avez...

LuQUAlN. Jamais ne puisse-il parler !

Gobert. Vous promettant qu'en ce qui me sera possible, je ne vous manqueray d'aydc ni de conseil.

Hubert. Entrez en la maison. \\ semble aux passans qui vous escoutent ainsi crier que soyez fol.

Gobert. Il dict vray. Entrons dedans.

Anastase. Ce qu'il vous plaira. Tant y a que je suis deshonoré pour jamais.

LuQUAlN. Si veux-je sçavoir tout le tu autem de cecy, et dcussé-je par force entrer quant et eux. Mais escoutcz : me voilà bien, ils sont demeurez en la salle basse, je les cnten assez bien

Les Escolliers, Comédie. i65

d'icy. Et un, vertu saincl picot! et deux, et trois mariz ! Grand bien luy face ! Toutesfois, c'est trop de trois pour une seule femme ; il n'y auroit des maris assez pour la moitié. Un mien amy, qui faict registre de ces matières , dict ordinairement qu'il y a si grande abondance de femmes, que qui les Toudroit egallement distribuer entre les hommes, chacun en auroit deux pour le moins, et une vefve sur la porte.

Anastase. Je ne l'endureray jamais.

LuQUAlN. Il crie comme un bouc qu'on chastre.

GOBERT. Voisin, parlez bas.

Anastase. Je veux parler hault, afin que tout le monde sache ceste meschanceté, ceste vollerie! et veux que ce galland , né seulement pour ma ruyne , serve d'exemple à ses semblables , pour monstrer qu'on doit respecter les gens de bien. Je le veux moy-mesmes lier de mes propres mains, et moy-mesmes le mener en Chastellet.

LuQUAlN. Tant y a que jem'ymagiue ce que c'en peut estre.

GOBERT. Je m'estonne que tout le voisinage ne court au bruict.

LuQUAlN. Ce gallant qu'il dict avoir en sa maison ne peut estre autre que Lactance ; de mode qu'il est bon, ains très nécessaire , que j'alle au logis appeller Eugène et maislre Nicolas , et fanions en sorte qu'ils ne luy facent aucun desplaisir.

GoBERT. Comme vous aperceustes-vous que l'escollier estoit couché avec vostre fille ?

Anastase. Sitost que j'eus souppé (pour ce que j'estois las ), je m'allay coucher. Mais à peine estois-je endormy, que je fus éveillé par un grand

i66 Larivey.

bruict que j'entendy faire en la garderobbe.

GoBERT. Quoy ! Susanne estoit-elle couchée?

ÂNASTASE. Adonc, escoutant que ce pouvoit estre, j'oy marcher par la garderobbe.

GoBERT. Que faisoit vostre femme?

Aaastase. Elle dormoit comme un tesson.

Ainsi, me doublant de ce qui en estoit, je sors tout bellement du lict. Neantmoins, je ne peu si bien faire que je ne fusse oy. Enfin, estant entré en la garderobbe, la chandelle au poing, je luy demande pourquoy elle faisoit un tel bruit (car il redoubla quand elle sceut que j'estois eveUlé, par ce qu'elle "vouloit cacher son mignon).

GoBERT. Que respondit-elle?

Anastase. Quasi nue et toute deschevelée, elle se cachoit entre les linceux , quand je la prins par les cheveux, et, la tirant hors du lict, luy demande de rechef pourquoy elle estoit descoifée et se cachoit. Adonc, elle, toute tremblante, commança, les larmes aux yeux , me crier morcy , et dire que, vaincue de trop grand amour, elle avoittout le long du jour couché avec Lactancc, et dévoient continuer toute la nuict. Je m'enquier où il est ; elle respond n'en sçavoir rien. Je me rue sur elle, et à coups de poings la presse tellement, qu'en fin elle me dict l'avoir caché en un coflVe qu'elle me monstre.

GOBERT. Qui eust jamais pensé cela de ceste fille?

Anastase. Je cours droit au coffre, car j'entendy qu'il se demenoit pour sortir, et en un instant le ferme à la clef.

Gobert. Vous seul?

Anastase. Hubert, que voicy, m'a aydé.

Les Escolliers, Comédie. 167

GoBERT. Ne disoit-il mot?

Anastase. Il prioit, il menassoit, il faisoit rage.

Hubert. Mais voicy le bon, que, quand nous lyons le coffre avec les cordes, ce pauvre diable se démena si fort, que le coffre tomba : tellement que je pense qu'il s'est rompu la teste.

Gobert. il aura loisir de crier, car il n'est pas prest de sortir qu'il n'ayt compté avec son boste. Où est Susanne?

Anastase. Je l'ay enfermée en une chambre, où elle pleui'e et se tourmente, plus pour la pœur qu'elle a que je ne face quelque outrage à son amy qu'à elle-mcsme. Or, je vous ay envoyé quérir pour me conseiller avec vous de ce que je doy faire de l'un et de l'autre. J 'a vois pensé y procedder par la voye de justice ; mais j'ay changé d'advis, afin, s'il est possible, de ne mouvoir trop ceste ordure.

Gobert. C'est bien advisé à vous, et ne faire comme aucuns qui, ayans les cornes cachées en leur sein, les attachent sur leur teste. Quant à l'escollier, je ne m'en émerveille, sachant combien les escolliers sont malicieux ; mais je m'esbahy que ma commère n'a mieux gardé sa fille.

Anastase. C'en est faict, il ne faut plus parler de cecy , mais bien regarder à ce qu'avons à faire.

Gobert. 11 n'y a si grand mal que je ne fisse à ce garnement, et si j'estois en vostre place, je luy coupperois la gorge.

Anastase. Si on le sçavoit, que deviendrionsnous?

Gobert. Quand on le sçauroit?Ne sçavez-vous

i68 Larivey.

qu'il est permis tuer ceux qu'on trouve en sa maison en tel forfaict? Qui pensera que ce ne soit pour vous tuer aussi ?

AnastaSE. Il est vray ; mais c'est quand on ne les peut prendre ou se deffendre d'eux.

GOBERT. Voicy, j'ai trouvé un bon moyen pour nous venger de luy le mieux du monde. Il faut que disiez en vostre logis que le voulez laisser aller, pourveu qu'il promette qu'on ne le reverra jamais.

Anastase. Pourquoy cela ?

GoBERT. Parce que, vostre famille croyant que l'avez envoyé, nous pourrons seurement effectuer mou dessein, qui est de getter le coffre, ainsi qu'il est, dedans la rivière.

Anastase. Comment! dans la rivière?

GoBERT. Oy, en la rivière.

Anastase. Et s'il se uoyoit?

GoBERT. Je l'y veux jetter afin qu'il se noyé. Vous estes hors d'entendement. Vous consentiez tantost qu'on le tuast, et maintenant vous doubtez si on le doit jetter en la rivière!

Anastase. Vous dictes ATay. Allez, j'en suis content. Mais si, par lescliemins, nous rencontrons le guet ou quel([u'un? carjesçay bien qu'il criera.

Gobert. Il ne criera pas, car nous dirons si haut qu'il l'entende que nous le faisons porter au Ghastelet, ainsi enfermé en ce coffre, afin qu'il ne s'enfuye ; ce qu'il croira, pensant n'avoir beaucoup lailly.

Anastase. Je suis tout transporté : voylà pourquoy je veux tout ce que vous voulez.

Gobert. Nous descendrons le long de la rue des Bernardins, Hubert ayant le coffre sur ses es-

Les Escolliers, Comédie. 169

paules , et de là gaignerons le port de la Tournelle ; puis, quant y serons arrivez, nous jetterons coffre et escollier dedans Teau. La rivière est grande et le coffre pesant, de façon qu'il se perdra bien tost au fond. Après , nous envoyrons demain, pour plus grande seureté, les femmes aux champs. Mais entrons, afin que ceux icy ne nous voyent.