SCÈNE II

Aurelian^ Spinette.

Aurelian.

• e suis librement sorty en la riie pour ) discourir avec vous , affin de librement •vous desclarer ce qui m'a meu vous dire 'je ne sçay quoy de madame Constance et de son mary , pour autant que je seray bien ayse qu'autre que vous n'en sçache rien.

2i8 ' Larivey.

Spinette. Vous avez bien faict.

AURELIAN. 11 y a environ dix ans, peu plus ou peu moins, je ne m'en puis souvenir, qu'Anthoine vostre frère partit de ïroyes, non à autre occasion , sinon parce que madame Constance , laquelle il aymoit sur toutes clioses, fut donnée par son père en mariage à Léonard. II me fit par contract, que je porte, une libre et franche donnation entre vifs de tous les biens et facultez qui luy estoient escheuz par la succession de son père.

Spinette. Je sçay bien tout cela.

AuRELiAN. Moy, d'autre part, je luy promis, seulement de parolle et selon sa volonté, d'estre gardien d'iceux, et non propriétaire, pour les luy rendre à sou retour. Après, quand il voulut partir, je luy mis es mains mille escus,me disant lors : Sy entre cy et dix ans je ne suis de retour, croyez asseurement que je ne suis plus en vie, vous priant disposer du tout à vostre volonté. Au surplus, ayez souvenance de ma sœur, au cas que durant ce temps elle aye quelque nécessité.

Spinette. De quelle valeur pensez-v^ous es- Ire ses biens?

AuRELlAN. Ils ne valloicnt lors guères moins que cinq mille escus , mais ils vallent maintenant d'avantage, à cause du rehaut des monnoyes, et que les héritages sont de meilleur revenu.

Spixette. Se peut-il faire qu'à l'occasion de cestc-là seulement, il luy ayt prins volonté de quitter et abandonner entièrement le pays, les parcns et les amis?

AURELIAN. On dictcncorcs beaucoup d'autres choses, lesquelles il n'est maintenant besoin de raconter. Mais combien (jnc la seule amitié en ayt

La Constance, Comédie. 219

esté cause, je ne m'en esmerveille pas beaucoup, et s'en esbahisscnt seulement ceux qui n'ont esprouvé quelles sont les forces d'amour, ou ceux qui ont faute de jugement et sont peu expérimentez es affaires du monde,

Spinette. Soit comme on voudra. Je sçay bien que jamais il n'a esté tenu pour homme de peu d'entendement. Mais poursuivez.

AuRELiAN. Il s'en alla doucques à ceste occasion , et ay ouy dire qu'il tint le chemin de Bourgongne ; et n'ay jamais ouy nouvelle de luy, sinon une seule fois.

Spinette. Vous en avez donc receu des nouvelles?

AuRELiAN. Ouy, Madame : lorsque le roy faisoit la guerre pour le recouvrement de la principauté de Luxembourg, il y a quelque temps, Leonai'd, mary de madame Constance, fut prins en une escarmouche et blessé à mort par quelques Espagnols ; mais, comme voulut sa bonne fortune, ceste prinse estant venue aux oicilies d'Anthoine, qui estoit bien aymé du chef qui commandoit en l'armée, payant de ses propres deniers la rançon, lei'emit en liberté ; puis, l'ayant faict conduire en un bon logis, le fit à ses propres fraiz et despens penser et medicamenter, en sorte qu'incontinent après, jaçoit que les playes fussent périlleuses et de danger, il fut guery et sauvé.

Spinette. Je n'ay jamais ouy parler de cela.

Aurelian. C'est un grand cas, puisqu'àTroyes on sçait toutes nouvelles, tant par la voyc des chassemarée qu'autrement, que vous n'en avez rien sceu. Tant y a qu'Authoine, luy ayant faict ren-

220 LaRIVEY.

dre tout ce qui luy avoit été prins, jusques à une esguillette, le r'envoya à Troyes.

Spinette. Qu'alloit cliercher Léonard parmi les soldats ?

AuRELiAN. Encoresqu'on n'en sçache rien, àla vérité, aucuns pensent qu'il cherchoit Ânthoine.

Spinette. Etpourquoy chercboit-il Anthoine?

AuRELiAN. Plusieurs ont opinion qu'il le cherchoit pour le tuer, s'asseurant qu'il croyoit iceluy ne pouvoir estre ny seurement, ny avec honneur, légitime mary de madame Constance du vivant d'Anthoine ; mais autres sont d'opinion contraire, et tiennent pour tout certain qu'il le cherchoit à autre intention. Toutesfois, comme j'ay dict, on n'en sçait rien à la vérité, pour estre Léonard, comme devez sçavoir, homme qui parle peu, et qui en toutes ses affaires est bien entendu. Mais soit comme on voudra. Anthoine ne parla pas beaucoup à luy, croyant peut estre que trop parler nuit.

Spinette. Comme avez-vous donc eu nouvelles de luy?

AuRELiAN. Quelque temps après, ilm'escrivit une lettre, laquelle j'ay apportée sur raoy ; et, affiu que sçachiez le tout, je vous la veux lire.

Spinette. Je ne vous en veux donner la peine ; dites-moy seulement la substance du contenu en icelle, puis ce m'est assez.

AuRELiAN. Il m'advcrtit qu'il se porte bien, et est en resolution de jamais ne revenir veoir ce pays, et que partant je dispose de ses affaires selon son intention.

Spinette. Fait-il mention des affaires de Léonard ?

La Constance, Comédie. 221

ÂURELIAN. Nou, Madame; il se plaint seulement d'esire poursuivy de celuy qui le devroit aymer.

Spinette. D'où escrit-il?

AuRELLAN. De Besançon.

Spinette. N'avez-vous apprins autres choses de luy en tant d'années?

Alp.elian. INenny par ses lettres. Ce nonobstant, avant que prendre aucune resolution, j'ay voulu laisser escouler quelques ans. Or, maintenant que certaines miennes affaires me contraignent aller en Bourgogne, soit que les dix ans soient accomplis ou non, je suis venu pour vous dire que n'ayant, par la grâce de Dieu, besoin de m'ayder de ce que, selon la charité et justice, on doit à autruy, je suis résolu de distribuer et faire part à vos enfans, comme les plus proches parens d'Anthoine, de ce qu'il m'a mis entre les mains. C'est pourquoy, avant mon partement, jelaisscray en la bancque de Lyon, pour vostre fils aine, cinq cens escus, affin que, quand il sera parvenu en âge, il s'en ayde selon vostre bonne volonté ; et encores autres cinq cens en la mesme bancque pour vostre grande fille, affin de luy estre délivrez lors que la voudrez marier. Ce que j'en fais est pour ce que si, en mon voyage, il plaisoit à Dieu faire sa volonté de moy, je veux estre acquitté de mon devoir, et si je retourne, comme j'espère que ce sera bientost, moyennant la grâce de Dieu, j'adviserai à quelques autres choses au profit des neveux d'Anthoine, le départ duquel a esté cause qu'oncques depuis jen'ay esté joyeux; et si j'eusse pensé qu'il eust voulu faire ce qu'il a faict,il ne s'en fust jamais allé sans moy; mais je

222 LaRIVEY.

pensoy qu'il devoit faire comme plusieurs autres jeunes hommes ont accoustumé faire en cas pareil, et que, ayant passé un an ou deux en ceste frénésie, il s'en devoit revenir et penser à autre chose. Mais j'ay cogneu en effet qu'il a un grand courage, et qu'il est débonnaire et paisible en toutes ses actions.

Spinette. Aurelian, je n'ay jamais faict comme font la pluspart des femmes. Je sçay bien les donnations faictes par mon frère, qui a plus tenu de conte d'autruy que de moy ; neantmoins, pour tout cela, je n'en ay jamais ouvert la bouche. Quelque temps après son départ, Fabian, mon mary, est mort, qui m'a laissé deux enfants masles et deux femelles avec peu de moyens, et pour tout cela je n'ay pourtant désespéré de la grâce de Dieu, et telle croyance ou espérance n'a esté vaine ou trompeuse, puis que, parsa grâce, vostre bonté et amiable affection me faict aujourd'huy jouyr d'un si grand bienfaict, duquel je ne me soulleray jamais de remercier et l'un et l'autre. Mais, sans vous tenir plus en suspens, avez-vous à la vérité receu quelques nouvelles de la mort d'Anthoine?

Aurelia:v. Pour vous parler franchement, un Bourguignon qui est en ceste ville, lequel au Conté luy fust bien grand amy et plus que frère, m'a affirmé par lettres et depuis dit de bouclie à plusieurs qu'il a receu certains advis qu'Antoine est mort en Allemagne.

Si>l>'ETTK. Je dis ainsi pour ce que ce matin j'en ay longuement devisé avec madame (iOnstancc, laquelle m'a envoyé quérir tout exprès, et entre autres choses m'a dict qu'il y a environ un mois que Léonard, son mary, cstoit parti de

La Constance, Comédie. 223

Troyes pour aller en Allemagne trouver Anthoine, affin de le ramener à Troyes. Je vous diray d'avantage , qu'à ce soir elle attend et Tun et l'autre . Vous en laictes l'esbaby ?

AuRELiAN. Je ne sçay et ne puis , sinon serrant les espaulles, croire que Léonard soit, comme l'on dict, arrivé, et qu'Anthoine soit vivant, veu que Léonard le cherche (ainsi que j'ay ouy dire) plus pour le faire mourir que pour le ramener par deçà. Dites-raoypar vostre Iby, madame Spinette, comment dame Constance peut en un mesme temps avoir deux marys, posé qu'il fust vray que Léonard fust allé trouver Anthoinc ? C'est ce qui a donné à plusieurs occasion d'en

Earler. Je sçay bien que madame Constance est elle et bonne autant que l'or affiué ; mais... Spinette. Je croy qu'elle est telle que vous dictes, mais (Aurelian) le monde a esté, est et sera tousjours pareil. Si quelqu'un est bon, il trouvera qui mesdira de luy ; et qui est bon, c'est assez qu'il est bon. Le monde en croit ce que bon luy semble.

Aurelian. Cela ne peut estre, madame Spinette, et répugne trop à la vérité, car il faut encores tant faire que le monde le croye.

Spinette. Que voulez-vous faire? Elle est de celles, comme plusieurs autres, qui se contantent de bien faire , et congnoistrez que le bon est tousjours congneu des hommes de bien, mais non des malins et meschans. A grand peine les personnes honnestes et bien apprinses ont mauvaise opinion d'autruy à la seule veue; mais si par mal'heur quelque vicieux, ayant commis une faute notable, se présente à eux, ils les excusent dou-

224 LaRIVEY.

cernent; mais le menu peuple et gens de petite estoffe sont ceux qui ne croyent seulement la faute qu'ils voyent ou qu'ils entendent, ains bien souvent, je ne dy pas par quelque vraysemblance, ils sont induits à cioire, voire de propos délibéré feignent, ou, comme l'on dit, composent au détriment et deshonneur de leur prochain; et de telles gens se faut bien garder, et non des hommes de bien. Mais, retournant à madame Constance, vostre venue a esté cause que d'elle je n'ay encores entendu le tout. Toutesfois je sçay bien que se confiant, comme elle dit, en sa conscience et bonne intention, elle ne se soucie pas beaucoup de ce que dit le peuple.

AuRELlAN. Il s'en faut soucier, et qui a l'honneur en recommandation tient plus de conte d'estre tenu pour bon, sans l'estre pourtant du tout, que d'estre bon et réputé pour meschant. Je vas chercher plus avant. Je sçay quasi à un jour près ce qui s'est passé entre Anthoinc et elle , et je vous le dirai ; je sçay qu'il y a aujourd'huy dix ans, ou peu s'en faut, qu'elle est la femme de Léonard.

Spinette. Entre vous hommes, croyez bien souvent ce qui n'est pas, mesmement les affaires des femmes, et le plus souvent le monde se trompe en ses jugemens.

AuRELlAN. Yoyons-le un petit.

Si'iNETTE. Ouy, le temps est dict estre père de la vérité ; mais quand pensez-vous retourner à Troyes ?

AURELIAN. Ce soir, ou demain de grand matin. J'envoyeray mon laquais devant quérir mon cheval et dire qu'on m'attende à la Trinité, pour

La Constance, Comédie. 225

ce que, passant par là, je désire veoir un mien amy qui est demeuré malade aux fauxbourgs ; puis je m'en retourneray à la ville.

Spinette. De grâce, sans vous incommoder, je vous prie, à vostre retour, passer par icy, pour ce que je vous poiirray dire quelque chose, madame Constance ayant ce jourd'huy achevé à me dire ce qu'elle avoit ce matin commencé à me conter.

AuRELlAN. Je le veux bien, et feray semblant que j'ay oublié quelque chose à vous dire quand j'ay prins congé de vous.

Spinette. Comme il vous plaira.

AuRELlAN. Or sus, à Dieu, jusqucs au reveoir, madame Spinette; je vous prie présenter mes recommandations à madame Constance, à laquelle je ne diray autre chose,, ayant desjà prins congé d'elle il n'y a pas longtemps.

Spinette. Aussi feray-je. Ho ! ceste jeune dame est la plus honorable et sage femme qui soit aujourd'huy au monde : elle sçayt mieux dissimuler qu'autre qui ayt jamais esté; mais entre cy et peu de temps, on descouvrira la vérité de ces deux affaires. Maintenant, pour ce que les jambes me font mal pour avoir trop longtemps esté debout, je ne feray que bien de m'aîler un peu reposer. Mais voicy dame Constance et dame Elisabeth; il ne me seroit pas bienséant de m'en aller. Elles discourent entre elles de je ne sçay quoy.

Larivey.