SCÈNE III. Magdelaine , Richard

Magdelaiine.

u je suis seulement née pour me pro- |nostiqacr tout malencontre , ou le res- , pect que je veux avoir à ce sot Ficrabras m'apportera quelque dommage, empeschant mes desseins. Je ne sçay que j'ay, mais je ne puis demeurer en une place.

Richard. Si je ne me trompe, ce voyage me sera prospère, car je voy mon estoillc luire de loin. Bon vespre, ma dame .Magdelaine.

MAGDELAiiNE. Dicu te gard, Richard.

Richard. Que veut dire cecy ? Vous n'estes non plus parée que si vous n'estiez pas des nopc.es ! 0 Dicu du ciel! Enfin, il faut dire que l'amour des jeunes hommes resemblc à un feu de paille, qui est plustost cslaint qu'allumé.

Magdelaine. De quelles nopccs dis-tu, Richard?

Les Jaloux, Comédie. 29

Richard. Des nopces de Vincent.

Magdelaine. Des nopces de Vincent ! Et quoy! se veut-il marier?

Richard. Mon Dieu! que vous le battez froid! Pource que vous n'en sçavez rien!

Magdelaine. Non, par ma conscience !

Richard. Est-il possible, veu que tout Paris le sçait?

Magdelaiine. Voila les premières nouvelles. Richard. Ma foy, je pensois, vous voyant ainsi mélancolique, qu'en fussiez plus que toute asseurée ; autrement, je ne vous en eusse pas parlé, car je ne me plaispoint à porter de mauvaises nouvelles.

Magdelaine. Je ne voudrois pas t'en sçavoir mauvais gré. Mais, dy-moy, quelle femme prend-il? Richard. Tout va bien. Renée, fille du sire Nicaise, qui est tant riche.

Magdelaine. Comment le sçais-tu?

Richard . Je le sçay bien . Toutesfois , je ne vous en puis dire autre chose.

Magdelaine. Et Vincent en est-il tant amoureux qu'il l'ayt faict demander, ou si cela est venu de la part des viellards?

Richard. Il ne peut estre autrement qu'il ne luy porte quelque affection , car elle est assez belle el bien gentille. Mais qui coguoist mieux Vincent que vous?

Magdelaine. 0 homme de peu de foy ! voicy dont je m'estois tousjours doutée, il s'ira hurter contre quelque vilaine, et je seray tousjours la meschante et la malheureuse.

Richard. 0 la femme de bien! Comme si je ne sçavois pas que c'est une putain !

3o Lariyey.

Magdelaine. Helas ! qu'une femme ne devroit jamais si légèrement et sottement croire aux promesses et sermens des amoureux !

Richard. Ma foy ! ma dame, je le pense ainsi. Toutesfois, il peut estre advenu que Taffamé désir de son père, qui ne regarde qu'aux biens, l'a contraint ce faire. Mais quoy qu'il en soit , dictesmoy, quel mal y auroit-il que l'envoyassiez quérir pour luy remonstrer?

MAGDELAmE. Quel autre, sinon renouveller et augmenter mes douleurs!

Richard. Cela ne vous peut nuire, joint que ferez plaisir à mon inaistre, qui est tant amoureux de ceste-là, que, si Vincent ne l'espouse, elle ne luy escliappera pas.

Magdelaine. Richard , j'ay tousjours esté preste faire plaisir à tout le monde , spécialement à tels que ton maistre; mais que gaigneray-je me plaindre à luy, si tu me dis qu'il est aveuglé eu l'amour d'icelle, ou que sou père l'y contraint?

Richard. Madame, la crainte que chacun a d'estre trompé en ceste marchandise est si grande, qu'on rescmble au navire qu'un peu d'eau pousse de çà et de là. Sovez soigneuse et employez icy vostre entendement, de mode que ne vous puissiez plaindre à l'advcuir. Quant au reste , laissez faire au diable , il y attachera la (pieue. Or, le voicy bien à propos ; je vous advise qu'avez beaucoup de puissance. A Dieu.

Magdelaine Je feray mou devoir.

Les Jaloux, Comédie. 3i