SCÈNE iir

Constance , Elisabeth, Spinette.

Constance.

rand a esté vostre discours , madame Elisabeth,

Elisabeth. Vous avez bien tout en- ' tendu, sans que je vous le répète ?

Constance. Il est vray que j'ay tout ouy, et me semble qu'avez très bien dit, sans pourtant oublier la Seigneurie.

Elisabeth. Qu'y voudriez-vous faire? il faut vivre selon l'usance, et en toutes choses s'accoustumeravec toutes personnes.

Constance. C'est bien dict. Or, madame Spinette, retournant à ce que je n'ay peu ce jourd'huy achever de vous dire , je vous adverty que Léonard, ayant entendu qu'Antboine estoit en ces quartiers, partit d'icy il v a environ un mois, et jura que, l'ayant trouvé, il ne retourneroit jamais par deçà qu'il ne le ramenast, son intention estant, quoy qu'il en fust, de le reconduire au pays.

Spinette. Dieu vucille, madame Constance, que soyez de mesme volonté !

Constance. N'en doutez point, car moy, attendant l'un et l'autre de jour en jour, ains d'heure en heure, j'av voulu que soyez icy présente à leur arrivée, et affin que, hors toute espérance, revoyez vostre cher frère, et que, comme présente, vous soyez asseurée de ce que je vous ay dict il n'y a pas long-temps.

La Constance, Comédie. 243

SpIiNETTE. Je prie Dieu vouloir qu'il soit ainsi que vous l'espérez. Mais voicy le taict ; si Anthoine est vivant , et s'il est vray qu'il se trouve au lieu qu'on a dict à Léonard. . .

Constance. Je vy en l'espérance que je vous ay dicte. Or soit la volonté de Dieu accomplie. Cependant, allons, s'il vous plaist, en la maison, de pœur que ccst air ne vous lasse mal.

Spinette. Allons, pourveu que ce soit pour vostre commodité.

Elisabeth. Allez, je m'en vas tout à ceste heure après vous. A la vérité, on ne peut ny doibton faire jugement des hommes, si premièrement on n'a entière cognoissance d'eux. Je rcputoy ce soldat un homme de rien , un malotru ; mais puis naguères, l'ayant ouy parler si honnestement et avec tant de modestie, je l'ay trouvé tant honneste qu'il n'y a chose que je ne voulusse faire pour luy. 11 n'est pas besoin, si plusieurs d'une profession ne sont dignes d'autres choses que de blasme , les enfagoter tous ensemble , ny croire qu'entre eux il n'y en ayt des bons et vertueux. Pour ce, à la Abrité, comme le monde a esté et sera tousjours de mesme, ainsi ont esté et seront tousjours en toutes professions des bons et des mauvais. Mais, pour revenir à ce que je m'cstoy en moy-mesme proposé de dire touchant llionnesteté et bonne façon de faire de ce soldat, je jure que, si j'estoy jeune (et je pense que plusieurs de la compagnie feroient ainsi), je ne pourroy sinon aymer honnestement ceux desquels je penseroy estre vrayment aymée, pourveu que ce fussent deshonnestes et bien apprins amoureux. Bien est vi'ay que, comme cela advient, on n'en peut ny

244 Larivey.

doibt-on tousjours faire démonstration, tant pour ne donner la hardiesse à qui, se cognoissant en quelque endroit estreaymé, de vouloir passer les bornes, que pour ne bailler occasion par là d'estre parle vulgaire, qui tousjours incline à la pire partie, réputée moins honneste. Je vous pensois conter quelque chose de plus; mais il m'en faut aller, car je voy madame Constance qui m'appelle.