SCÈNE V

Elisabeth y Gérard.

Elisabeth.

on gentilhomme , estes- vous Gérard, amy d'Aurelian?

Gérard. Ouy, Madame.

Elisabeth. De grâce, entrez en la

maison, où il vous attend pour quelques affaires d'importance.

Gérard. Très volontiers.

288 Larivey.

Elisabeth. Combien qu'il ne se trouve folie plus grande qu'adjouster foy aux songes, pour plusieurs occasions , ce neantraoins j'ay ouy dire et raconter grandes choses estre advenues et trouvées vrayes, lesquelles premicrcmeut avoient esté vues en songe. A ceste occasion je sçay que madame Constance dict vray, que Léonard n'alloit pas chercher Anthoine pour le tuer, ainsi que chacun croit, ains qu'il ne s'estoit mis aux champs à autre occasion que pour le ramener au pays, et qu'iceluy, pourl'amourde Constance, l'avoitaymé autant que soy-mesme ; ce qui se pourra cognoistre par le testament que Léonard fit n'a pas longtemps, avant qu'il partist pour aller cnBourgongne. Et me souvient qu'il laissa pour ses universels héritiers madame Constance et Anthoine. Ce neantmoins, Aurelian et plusieurs autres ne peuvent croire , ainsi que puis naguères madame Spinette m'a dict , que Léonard fust party sinon pour chercher à le tuer, et qu'à ceste occasion, il en a esté chastié, Dieu le permettant ainsi. Que veut dire cecy? Miracle ! Voicy madame Constance qui sort avec Aurelian. Je m'en va d'autre costé, affin de les laisser parler ensemble à leur commodité, puis que je voy qu'ils veulent estre seuls.

La Constance, Comédie. 289