SCÈNE IX

Elisabeth , Aurelian , Sipinette , Marguerite et Biaise.

Elisabeth.

ieu soit loué et remercié de toutes choses! Si on reclierchoit tout l'univers, on ne pourroit Jamais trouver une telle couple d'amis. Je ne sçay qui est le plus content du retour d'Anthoine, ou Léonard ou la mesme Constance. Et ce qui est d'avantage, c'est qu'ils sont résolus que Léonard espouse dame Spinette, si elle en est contante, lequel Ta demandée à Anthoine.

Spinette. Que dict ceste-là ?

Aurelian. Bon prou vous face, madame Spinette.

Elisabeth. Et si elle a de l'entendement, comme je croy qu'elle a , elle devroit desjà vouloir que c'en lust foict. Elle est encore jeune, et Léonard de bon aage et fort riche. Et que sommes-nous en ce monde sans hommes? Mais où s'est-elle mise?

Spinette. Quoy ! dame Elisabeth, on faict donc en ceste façon les mariages sans y appeler les parties ?

Elisabeth. Ho, ho, vous voilà. Je suis si joyeuse que je ne voy goutte.

Aurelian. Et nous ne voyons si avez faict des mariages.

Spinette. Que fais-tu là, Marguerite?

La Constance, Comédie. 3oi

Marguerite. J'attendoy que rentrassiez en la maison , car il est nuit tout noire.

Spinette. Vien ça. Ceux delà maison ayant faict sans nous, ne se pourront avec raison plaindre si nous avons faict sans eux. Et partant, Aurelian , prenez Marguerite par la main , et allons le faire sçavoir à tous ceux du logis.

Elisabeth. Qu'est-ce que j'enten? Hé Dieu! combien madame Constance en sera ayse !

Spinette. N aves point de honte, Marguerite; c'est ton mary : va donc avec luy.

Elisabeth. Allez. Je suis quasi hors de moymesme , et ne sçay que dire. Aujourd'huy, ceste maison estoit un enfer, et à ce soir c'est un paradis

Blaise. C'est bien dict! demeurez icy à babiller avec la lune ; cependant madame vous faict chercher partiHit. Cheminez, vous dis-je..

Elisabeth. Je m'en vas. Qu'ypourroit-il bien avoir ?

Blaise. Si j'avoy mille millions de langues et ne fisse autre chose que parler mille ans durant , je ne dirov la moindre partie du contentement et rejouvssance de ceste maison, nopces, accoUades, embi'assements, baisers, chuchillements et tant de façons qu'il seroit impossible les raconter ; et encores , en mon regard , cecy sera cause que , me pensant aujourd'huy estre le plus pauvre homme du monde , je ne voudroy maintenant changer mon estai à aucun mou semblable , tant heureux et fortuné soit-il. Spectateurs, pour ce qu'en la maison on n'a appresté que pour vingt- cinq ou trente personnes, j'ay pensé qu'il faudroit davantage pour tant de gens que je voy icy ; c'est pour-

Larivey.

quoy je n'invlteray aucun à soupper ; et puis ou ne peut contenter un chacun : les anciens diroient des injures aux autres, joint aussi que certains outrecuidez, n'ayant que les cheveux rehaussez et un collet bien empesé esteudusur une pecadille, voudroient se mettre à table devant les modestes et honnestes gentils hommes. Qui doncques d'entre les hommes ne pourra entrer en la ville, qu'il demeure aux faux-bourgs Sainct-Jacques, en la grande maison , ou à l'image Saincte-Anne , et nous logerons volontiers les dames avec nous ou chez nos voisins.

Adieu.