SCÈNE IIII

Fidelle^ M. Josse.

FiDELLE.

,ous estes sorty de la maison sans parler à nioy, occasion pourqiioy, désirant surloiit communiquer avec vous, je tous lallay chercher par toute ceste ville, et ay pensé devenir fol, ne trouvant aucun qui me sceust dire nouvelles de vous. Dieu soit loué que je vous ay trouvé !

M. JossE. Je ignoroy vostre désir, car, alias, je n'eusse porté le pied hors le sueil de Fhuys que premièrement je ne vous eusse adverty, et sy une affaire de petite importance ne m'y eust conlrainct. Ores que m'avez coram ^ dites-moy tout ce que desirez que je sçache, et ne me celez la cause ex qua accidit , cavexquo que estes de retour des Hesperies, presque tousjours vous estes monstre triste et dolent aux yeux des regardans.

FiDELLE. Amour et jalousie, maladies mortelles des amans, m'ont conduit au terme que voyez; partant, ne vous esmerveillez si à présent je suis pour vous descouvrir ce que j'ay tousjours tenu caché en ma poitrine, par quoy, outre ce que l'amoureuse passion m'y contraint, vous, estant sage et prudent et ayant grande expérience es choses du monde, et possédant encores infinies sciences, j'espère recevoir de vous fidelle conseil et secours opportun.

M. JossE. Je désire faire chose qui vous soit

Le Fidelle, Comédie. 819

joyeuse et aggreable, mais devez premièrement sçavoir que qui ne s'avance es vertus s'en recule ; et partant, vous trouvant en la présence de moy, qui jadis ay esté vostre précepteur, ne devriez ainsi avoir le bonnet sur la teste sans me faire l'honneur que me devez. Ainsi vous estes plus tost reculé qu'advancé in via morum.

Fidelle. La passion m'cmpesche de veoir et cognoistre ce que je devroy faire.

M. JOSSE. Neantmoins, je me resjouy grandement avec vous qu'en me demandant advis m'avez monstre que ores n'est esteinte en vous ceste reluisante lumière de vostre bel esprit, lequel me fait souvenir que parmy vos condisciples de mon escoUe faisoit resplendir sa clarté, comme un soleil entre les menues estoilles, et avez, en implorant mon secours, usé d'une rhetoricienne façon, et captivé la benevolence de la personne de l'auditeur, qui est moy, la louant de prudence et de sagesse, ne vous estes aucunement trompé , pour autantque, comme il est escrit d'Ulisse, on en peut autant dire de moy : Qui mores hominum multo • rum vidit et urbes. Dites donc ce qu'il vous plaira, car je vous escouteray ercctis auribus.

Fidelle. Il y a longtemps queje devins amoureux d'une jeune dame plus plaisante à mes yeux que toutes les beautez du monde, et tel a esté mon amour que ny les travaux, ny les dangers, ny toutes sortes de malheurs, ne peurent jamais me desbaucher en façon quelconque du service que jeluy avois voué, laquelle enfin me fit digne d'obtenir ce qu'un jeune désir peut souhaitter, avec un mien contentement si grand, que je me tenois le plus heureux jeune homme de l'univers, croyant

320 Larivey.

que si, comme adonc nos désirs estoient pareils, nos volontez gouvernées d'un mesme frein, nos pensers communs et l'amitié egalle, qu'ainsi sa foy fust tousjours de durée. A ceste cause, esloigné de tout soupçon, je menoy une vie heureuse. Quelque temps après, mon destin voulut que je party d'icy, estant contraint, comme sçavez, d'aller en Espagne; parquoy, ayant prins congé de ma bien-aimée Victoire (car tel est son nom), dolent à merveilles, je la laissay ; les larmes qui furent respanduës, les soupirs qui furent jettez, les parolles qui furent dites et les lamentations qui furent faites, je laisse à vous les raconter, car vous, estant sage et prudent, pouvez imaginer combien ils estoient infinis. Or, tandis que j'estoy esloignc d'elle, je ne faisoy un pas que mes pensers ne fussent dressez à elle, dont je me souvenoy plus que de moy-mesme. Cependant, et me trouvant tout enflammé d'un ardent désir de la reveoir, je liastay si fort mon voyage qu'au bout de quatre mois je retournay. Ainsi, espérant la retrouver de mesme volonté que je l'avoy laissée, et me consoler avec elle, je î'ay cogneuë envers moy plus froide qu'un glaçon ; et, pour ce que je sçay que je n'ay fait ou dit chose par laquelle je mérite d'estre ainsi dcsaymé d'elle, il faut que je croye que, à l'occasion de ce mien mais bref esloigneraent, elle se soit pourveuë d'un nouveau amant. Et voilà, maistre Jossc, le ver qui me ronge, me dévore le cœur et me rend très malheui'eux. Qu'en dites -vous?

M. JossE. Je me souscris à vostre sentence et loue vostre advis , iccluy estant inefragablement vray , car exclusio unius est inclusio alterius ;

Le Fidelle, Comédie. 821

icelle ne vous aymant à raccoustumé, faut par illation conclure qu'elle en ayme quelqu'autre, duquel la possession pacifique des grâces d'elle vous trouble de ceste façon. Or, si voulez que je vous conseille, je vous exhorteray que laissiez ces niaiseries et estudiezaux bonnes lettres, desquelles, avec ma longue et obstinée diligence, je vous rendray convenablement capable , et lesquelles in omnire, in omniloco, et in omni tcinpore, vous pourront rendre content sans jamais vous apporter aucun desgoutement. Quittez ces petulentes amours, lesquelles sont bastics sur un i'oible fondement. Il est force que la beauté de la femme, qui passe tout ainsi que Tonde d'une fontaine, qui ne retourne à sa source, tresbuche un jour au péril de l'arcbitecte et du masson ; joint, mon enfant, plus grand est le nombre de ces choses qui nous apportent des incommoditez que le plaisir de celles qui nous donnent du conteulement ; unde versus : Quod juvat exiguum est, plus est quod ledit amantes.

Fidelle. Malaisément m'induirez- vous à croire qu'un ardent amour tel qu'a esté le sien fust pour une si petite absence entièrement esteint ; si elle brusloit en mon amour, car elle y brusioit, il est impossible que quelque scintille de ce feu ne soit demeurée encores vive, et, si cela est vray, sera fort aisé, en continuant mon service, de l'enflammer de nouveau, car le bois, une fois bruslé par le feu, pour peu de chose se r'allume incontinent..

M. Josse. S'ilestoit vray qu'elle vous aymast tant soit peu, elle le vous feroit paroistre en quelque façon ; mais elle n'en monstre rien . Ergo, elle T. VI. 21

322 Larivey.

ne vous ayraepas, qui est un fort argument, par ce que intima per mores cognoscimus exteriores ; ^'/7^/720,je vous dy plus, que, ne A^ousaymant point, est force qu'elle vous ayt en haine, juxta le proverbe des anciens etimologiques, appelle le vray proverbe : Aut amat^ aut odit midicr ; nihil est médium.

FiDELLE. Vous pourrez dire beaucoup de choses , mais vous ne me ferez pas croire que l'amour d'elle soit si facillcment et pour si légère cause converly en haine.

M. JossE. Jevousl'ay desjà piouvé. La reigic dict : Piei satis demonstratœ quidtjuid adjicitur superfluum est. Et pour ce qu'aucun bienfait ne se devroit eslargir à qui refuse le recevoir, je m'en repen , j'ay honte , je me fasche , et suis marry d'avoir despendu et Thuile et la peine. En effet, est bien vray ce que chante Horace : Imherbis juvenis tandem custode remoto , cereus in vitium flecti , moniloribus asper. Je me recommande , soyez heureux.

FiDELLE. Or, maintenant, je recognoy qu'entre les infinies passions des amans n'y en a point de plus grande que celle qui naist de la remembrance des douceurs passées; et certes, si ces ardans effets pouvoient par nous estre mis en oubly, nostre vie ne seroit, sinon paisible, au moins non si fort travaillée. C'est un grand malheur de se veoir, sans sa faulte, tombé d'une grande félicité à une infinie misère de vivre, esloigné de toute espérance de bien; et se souvenir du contentement et plaisir qu'on a acrousturac sentir lorsque, vivant en la grâce de la dame avmée, on repaît ses yeu\ et son esprit de celle divine sem-

Le Fidelle, Comédie. 323

bîance, nous afflige Tame de telle façon que sommes contraints prier la mort nous retirer de telles angoisses , ce que sans cesse je désire , puis que jamais de mon foible entendement ne peut partir la béatitude de ces heures qu'astraint et lié de ses bras, je ne portois envie à la félicité des bienheureuses âmes , lesquelles en cela seulement surpassent ma jouyssance, car leur béatitude est ferme , asseurée et éternelle , et ma gloire a esté , comme encore on void à présent , brefve , fresle et caduque.