SCÈNE V

Anselme , Silvestre , Gillette,

Anselme.

e recosnoistray bien mes enfans sitost I que je les verray, car ny mes fortunes, ' ny ma captivité , ny leur servitude , ny * le temps, ne me les ont peu oster de la mémoire. Il me semble que je les voy tous deux beaux, vermeils, gentils, le visage rond, les yeux noirs , bref tels qu'ils donnoient envie à un chacun de les veoir. Au moins si je pouvois retrouver le garçon ! mais il m'est advis que ce sera quelque autre, par avanture , de mes voisins, qui aura un pareil nom , ce qui ne peut estre autre-

94 Lariybt.

ment s'il a un autre frire. Mais ce ne sera mal fiaict que Je frappe à ceste porte affîn de m'en esclaircii*. Tic, toc.

SiLYESTRE. Qui est là ? Ho ! c'est un estranger . Madame , Tenez ; un ojseau passager s'est yenu mettre eu yos rets. Ho! il est vieil; il sera bien dur à cuyre !

Gillette. Gela n'importe, il fera meilleur potage, pourveu qu'il se laisse plumer.

Anselme. Gorps de diable! me voicy bien arrivé ! Gestes-cy parlent desjà de me plumer, mais elles n'y saigneront guères : car tant plus l'oyseau est vieil, d'autant plus malaysement laisse-il la plume.

diLVESTRE. Que demandez-vous, homme de bien?

Anselme. Je désire parlera vous.

SiLVESTRE. Attendez, je vous vas ouvrir la porte.

Anselme. J'atten. Si Fortunat a long-temps esté nourry en ceste maison, je m'atten qu'il aura aprins beaucoup de bien. Mais voicy qu'on ouvre rtuys, et toutes fois je ne voy point Fortunat.

Gillette. Que cherchez-vous, Monsieur?

Vous ne me semblez pas estre de ceste ville , estil pas vray?

Anselme. Je suis d'Orléans, et ne fais que d'arriver.

Gillette. Vous estes marchant?

Anselme. Ouy.

Gillette. Quel est vostre trafic?

Anselme. Nul, à cause des troubles; mais auparavant je trafiquois à Paris, à Lyon, par toute ta France et l'Italie, et jusques en Levant.

Les Tromperies, Comédie. 95

Gillette. EnLeyant?... ADez, tous ne nous estes pas bon. Aucun n'entre céans qui ne trafique en Ponant : nous avons affaire d'hommes qui nous donnent, et non qui emportent.

Anselme. Si ?ous ayez quelque chose qui m'appartienne , ne me le voulez-vous pas rendre d'amitié?

Silvestre, Voyez un peu , il a peut-estre donné son cœur, et il le veut r'avoir !

Anselme. Vous dites bien, je cherche mon cœur et mon ame.

Silvestre. Que vous ay-je dit?

Gillette. Nous serons tantost d'accord; vous sçaurez de nos affaires, et nous sçaurons des vostrès.

Anselme. Il ne vous coustera rien d'estre les premières à me faire plaisir; mais, premièrement, escontez ce que je cherche.

Gillette. Nous vous entendons trop, et vous ferons plaisir de nostre marchandise , pouryen qu'encor vous nous faciez plaisir de la vostre. Vous ne recevrez paravanture en lieu de œste ville plus de plaisir et de contentement que céans.

Anselme. N'y a-il pas icy un jeune garçon qui a nom Fortunat?

Gillette. Ouy, que luy voulez-vous?

Anselme. Je l'ayme plus que personne du monde.

Gillette. D'où vient ceste amitié? Dites franchement, luy attouchez-vous en quelque chose?

Anselme. Je suis son parent, et le cherche pour son bien et profit.

Silvestre. Son parent?

96 Lariyet,

Anselme. Ouy, sans faute. Que diriez-vous si j^estois son père?

SiLYESTRE. Ho! ho ! SOU père est mort il y a long-temps. Allez , si ne voulez autre chose.

Anselme. On m^a bien tenu pour mort, mais, Dieu mercy, me voilà. Si ne le voulez croire, confrontez-le-moy, et vous verrez s'il me recognoistra.

SiLVESTRE. Laissez-le entrer.

Gillette. Entrez.