ET LE GALLAND
La Femme co»2/«e«ce.
I n doit tenir femme pour sotte , \Qui prentmaiy sans le cognoistre, [Et qui de sou servant s'assotte 'Pour en faire son privé maistre.
Quant je seroys femme d'ung prebstre,
Plus joïye seroys et à point.
De chanson il me veult repaistre ;
N'esse pas d'un dur contrepoint?
Si je demande à avoir robe ,
Il semble à veoir que (je) le desrobe.
Je n'ay pas ung povre corset.
Nul ne congnoist quel discord c'est :
C'est son deduyct que de chanter.
Helas ! je n'oseroys hanter
Vers mes voysines en quelque place ,
Farce de Calbain. i4i
Pour ses chansons qu'il me vient présenter.
Il semble d'une cuoicte farce.
Je ne sçay plus que je face.
Je suis îousjours la plus dolente.
Helas ! je u'estoys pas contente
D'un tant bon et jolys ouvrier,
Qui estoit de nostre mestier,
C'estoit le meilleur, je me vante ,
Qu'on trouve à faire bobelin ;
Mais cestuy-cy sans cesse chante Et ne respond n'a Pei'net n'a Colin.
Calbain, en chantant.
En revenant du moulin;
Laturelure , En revenant du moulin L'autre malin, J'atachay mon asne à l'huys, ^ Regarday par le pertuys
Laturelurelure.
Je regarday par le pertuys L'aultre matin.
Je veuL\ aprendre à parler latin Aflûi de mauldire ma femme.
Car, quand elle vient à sa gamme , Bien faut rabesser Tavertin.
La
Femme.
Calbain !
Calbain.
Hau
La
Femme.
Et
, Calbain,
hau!
Calbain, en chantant.
Parbieu, je ne sçay qu'il me fault, J'enrage tout vif que ne chante.
i42 Farce
Adieu vous dis , les bourgeoises de Nantes ;
Voz chambrières sont bien de vous contentes. Sa , des poys , sa , des febves , Sa, des poys, sa, des poys.
La Femme.
Calbain, mon amy, parlez à moy.
Calbain, en chantant.
Jolys moys demay, quant reviendras-tu?
La Femme.
Et, Calbain, hau! parleras-tu?
Et la beaulté de vous, la gentil fillette. Las , c'est ta femme Colette !
Calbain.
Et , (vray) Dieu , que vous estes esmeue ; D'où venez- vous ?
La Femme.
De ceste rue , De veoir ma commère Jacquette , Qui a la robe la mieulx faicte Et si la porte à touz les jours.
Calbain.
A-elle les poignetz de velours , De satin ou de taffetas?
La Femme.
Ouy, et œuvre par le bas , Qui est à la robbe propice.
Calbain.
Et de quoy sont-ilz ?
DE Calbain. i43
La Femme.
De letisse, Et la fourrure de jennette.
Calbain, en chantan t.
Allegez-moy, doulce plaisant brunette,
AUegez-moy !
Allegez-moy de toutes mes douleurs; Vostre beaulté me tient en amourettes,
AUegez-moy.
Et , mon amy , parlez à moy, Et laissez ceste chanterie.
Calbain.
Boutez la nape ; bon gré ma vie , Par le sang bieu , j'enraige de faim.
La Femme.
Auray-je une robbe demain , Faicte a la mode qid court ?
Calbain, enchantant.
Ils sont à sainct Jehan des Choulx , Les gens, les gens, les gendarmes,
Ils sont à sainct Jehan des Choulx, Les gendarmes dePoytou.
La Femme.
Je croy, moy, que cest homme est fou.
Donnez-moy robe, car c'est raison.
Calbain, en chantant..
En dure en destringue en noz maison En destringole Marion.
La femme.
Allon , et plus ne varion ,
i44 Farce
Pour aller une robe acliapter,
Mon amy, et pour vous Dieu priray.
Mon pourpoint est tout deschiré Et ma robbe ; la fièvre^te tienne !
La Femme.
Mais regardez ung peu la mienne.
Galbais, en chantant.
Bergerotte savoysienne Qui gardez les moutons aux boys , Voulez-vous estre ma mignonne , Et je vous donray des souUiers, Et je vous donray des souUiers, Et uug joly chaperon, etc.
La Femme.
Mon amy, je ne demande sinon Qu'une belle et petite robette.
Calbaix, en chantant.
M"amour et m'amyelte, Souvent je t'y regrette , Hé , par la vertu saincl Gris !
La Femme.
Je suis contente qu elle soit de gris, Mon amy, ou telle qu'il vous plaira.
Calbain.
Et tout toureloura la lire lire.
La Femme.
Helas ! Je n'ay pas fain de rire ; Je suis bien povre désolée.
CalbaixN.
Et voila le tour de la maumarice ; Toutes les nuitz il m'y recorde.
DE Galba IN. i45
La Femme.
Mon amy, par ma ioy je m'accorde A faire (tout ce) que (me) commanderez , Par tel sy que me donnerez Une robe grise ou blanclie.
Calbain, en chantant.
Vive France et son alliance ; Vive France et le roy aussi.
La Femme,
Helas !
Calbain.
Pouac , vous avez vessy ; Vertu, qu'elle est puante!
La Femme.
Par Nostre Dame , je me vante Que j'ay refFusé de la ville Des compaignons des plus habille .
Qu'on netrouveroit aux faulxbours.
Calbain.
Par ma foy, tout au rebours De ce que vous dictes , m'amye.
La Femme.
Helas! vray Dieu, tant il m'ennuye.
Calbain.
Bon gré ma vie, ma doulce amye, De vous je n'ay aulcun confort.
La Femme.
Et , vray Dieu , que vous estes fort A avoir par amour ou prière !
i46 Farce
Calbain.
Et tricque devant, et tricque derrière Tricque devant, tricque derrière.
La Femme.
Mon amy, parlez, et vrayement Vous aurez tantost à boire.
Calbain.
Paix , paix , je m'en vois à la foire Acliepter du cuir, par mon ame, de vache. Ma femme tousjours sans cesse agache
Son pouvre mary Calbain ; Mais je n'en compte pas ung patain , Aussi ne fais-je pas ung oyguon.
Le Galland.
Et puis que dit-on et que fait-on?
Chose qui vaille, Chose qui ne vault pas la maille , Non , par mon ame . ung festu.
On demande : Et que fais-tu?
On respond : C'est vostre grâce.
S'en demande Benedicite , Par ma foy, on va dire Grâce.
Je nesçauroys dire qu'on face.
Si le maistre demande un bastou , Le serviteur apporte de la paille.
Et que dit-on , et que faict-on ?
Chose qui vaille.
La Femme.
Non , par ma foy, des truandailles A assez , mais non aultre chose :
Aprochez-vous.
Le Galland.
Helas ! je n'ose, De paour des mesdisans , Qui vont par mes disans Des sages , et ne sont que bestes.
DE CaLBAIN. i4/
La Femme.
Il est vray, car j'ay la teste
Toute rompue et esservellée
Pour avoir robe; mais je suis désolée ,
De mon mary, qui chante ainsi.
Le Galland.
Vivray-je toujours en soucy Pour vous , ma très loyalle amye ?
Non dea, je ne vivray mye.
Fy de soucy, pour abi-eger.
La Femme.
Je vous pry (de) venir héberger Et m'y donner vostre conseil.
Le Galland.
Je suis prest pour cas pareil Faire ce que (me) commanderez.
La Femme.
Respondez à ce que diray, Et à vous me ticndi'av tenue.
Premièrement , je suis toute nue, Vous le voyez , et mon mary.
Qui est d'yvrongnerie pourry, Me despent tout mon vaillant; Par quoy, homme de cueur vaillant , Vous veulx requérir d'une chose.
Le Galland.
C'est vostre dict , faictes la prose.
Escoutez mes parolles aussi.
J'entens cest affaire icy Mieulx que ne sçauriez déclarer. Allons vers luy, et vous serez.
i48 Farce
Si je puis , bien revestue.
La Femme.
Je seray donc à vous tenue.
Vous sçavez bien patelin er, Mais , pour mieulx l'enjobeliner, Dictes-luy ce qu'il ne fut onc.
Le Galland, Je feray le cas tout au long Calbain !
Calbain.
Je viens du marché vendre mes poulettes, Mes poulettes et mon cochet, nique, nyquettes.
La Femme.
Mais parlez ! Estes-vous fol ?
Cest homme de bien vous demande.
Calbain.
Je suis Allemande, Friscande, gallande, Je suis Allemande, Fille d'un Allemand.
Le Galland.
Calbain , mon amy, comment !
Estes-vous fol ? Qu'esse qu'il vous fault ?
Calbain.
La semelle de cuyr vault Troys solz parisis et demy.
Parlez à luy ; hau , mon amy, Il fault reffaire ses houseaulx.
Calbain.
Voylà le meilleur cuyr de veaulx Que jamais puissez-vous veoir.
DE Calbain. i49
La Femme.
Il est fol ! Il est bon à veoir.
De luy n'aurez aultre parole.
Calbain.
Troys solz, tout à une |)arolle.
Vous cousteront, par mon serment.
Le Galland.
Calbain , mon amy, comment !
Ne cognoissez-vous plus personne ?
Calbain.
Croyez qu'elle sera bonne ,
Je vous asseure , et bien cousue.
Le Galland.
Quoy, vostre femme est toute nue ; Que ne luy donnez-vous par amour Une robbe de quelque drap gros ?
Calbain.
Colette, sa, du chief gros; Aporte vislement, tost depesche.
Le Galland.
Calbain , sus , qu'on depescbe , Je suis vostre amy Thomelin.
Calbain.
Où dyable où est mon bobelin, Mon alaisne? Ha! la voicy.
La Femme.
Ma foy, se nous estions icy Jusque à demain nous n'aurions autre chose.
Le Galland.
Or escoutez ung peu ma prose.
Venez ung petit en secret.
100 Farce
Je voysbien qu'il n'est discret.
Sçavez-vous qu'il vous fauldra faire?
Pour mieulx (par)achever Yostre affaire , Vers lui vous vous retirerez , Et de rechief bien luy prircz Comme devant pour avoir robe.
Calbain.
Voila comment je me desrobe :
Par chanter je la tiens en lesse.
Le Galland.
Le nappe mettez , puisqu'il ne cesse , Et le priez de desjeuner.
Ne le laissez pas trop jeusnef , Que tost ne luy donnez à boire , Et puis luy en donnez encoire.
De ceste pouldre y mettez Tant qu'enyvrer le verrez Et que de biief s'endormira , Prenez sa bource et ce qu'il y aura Dedans. Puis allez achapter Une robbe ; sans plus quaqueter, C'est le conseil que je vous donne.
Vostre paroUe sera très bonne ; Je vous remercie humblement.
Calbain.
Je ne sç.ay pas comment En mon entendement Plus fort je vous aymasse.
La Femme.
Si fault-il , quoy que je face , Faire le conseil qu'on m'a dit.
DE Calbain. i5i
J'auray une robe mardy Ou mercredy tout au plus tard.
Calbain, mon amy, Dieu vous gard , Comment se porte la santé ?
Calbain.
M'amye , je ne veulx plus chanter ; ]\lais donnez-moy doncques à boire.
La Femme.
Je m'y en voys par accessoire :
Vous en aurez tout maintenant.
Calbain.
J'en auray à boire , vrayement.
La Femme.
Or vous seez donc à la table , Etdesjeunez gratieusement.
Calbain.
Il est bon , par mon serment.
Buvez , mengez , faictes grand chère.
Donnez-moy donc encore à boire.
Il est bon terraminus minatores Alabastra pillatores.
Je suis saoul de vin , m'amye ; Je suis auprès de vous , m'amye.
Je vous pry, couvrez-moy le dos , Car, par- ma foy, je veulx dodos.
Couvrez-moy bien.
La Femme.
Ma foy, s'il y demeure rien
A la bourse , je veulx qu'on me pende.
i52 Farce
Ha, je vous tiens, galande, J'enay, j'en ay, des escus, des ducats! Or allons achepter des diaps Maintenant pour (me) faire une l'obe.
Et dea , il fault que je vous desrobe Quant je vous ay de vin mouillé.
Calbain, en se resçeillant.
Ha , je suis tout enquenouillé , Et de mon bon sens fatrouillé.
Par bieu , a peu que ne me course.
Et, Dieu! où est ma bource?
Et qui a ma bource robée ?
Et m'amye , ma rosée , Rendez ma bource, je vous prie.
La Femme.
Il [est] entré en sa folye.
Dieu sçait quel maintien il tiendra !
Calbain.
Je t'en donneray une de drap , Ouy vrayement , et une cotte.
S'a esté quant tu m'as couvei't.
La F e m m e , en chantant.
Ung ruban vert , tout vert , tout vert , Ung ruban vert qu'il m'y donna.
Calbain.
Mauldit soit Calbain , qui ne donna A sa femme une robe grise :
Car elle n'eust point sa main mise (Des)sus ma boui-ce pour la rober.
Mais , m'amye , pour abréger, Rendez ma bource , m'amyette.
DE Calbain. i53
La Femme, f« chantant.
En cueillant la violette ,
Mes aygueaulx y sont demeurez.
Calbain.
Je croy que de moy vous raillez.
Laissez là yostre chanterye.
Rendez ma bource , je vous prie , Ou, par Lieu , y aura noyse.
La Femme.
Où voulez-vous que je m'en voyse?
Jamais je ne vous sceu complaire ; Dieu sache qu'il y a affaire A gouverner cest homme icy !
Calbain.
Par Dieu, vous l'avez prinse icy.
Le diable y ait, fault-il tout dire.
La Femme, en chantant.
Vous m'y faictes tant rire, rire , etc. Par bieu , je n'y treuve que rire !
Me veulx-tu point rendie ma bource?
Sainct Jehan, s'il faut que je me cource , Je te la feray bien rendre.
La Femme.
Vous ne pensez point d'aller vendre Vos vieuîx souliers parmy la ville?
Vrayement, si u'estoit que je fille Âulcunes fois ung tantinet, Vous mourriez de fain, marmouset.
Calbain.
Ha , ha , et n'en auray-je aiUtre chose ?
1 54 Farce
[La Femme.]
Quant vous vous coursez , je n'ose Âulcunes fois ung seul mot dire.
[Cal BAIN.]
Par Dieu , voicy qui n'est pas pire.
Viens çà ; tandis que je dormoye , Puisque tu fais tant la rusée , M'as-tu pas osté ma monnoye?
Regardez qu'elle est affaictée !
Respondras-tu , liau, becquei-elle ?
La Femme.
A-vous point veu la péronnelle Que les gens d'armes ont emmenée?
Ilz l'ont habillée comme ung page; C'est pour passer le Daulphiné,
CaLB AIN.
Vrayement, je suis bien arrivé ; Par bieu, je vous galleray bien!
La Femme.
Mauldit soit le petit chien Qui aboyé, aboyé, aboyé.
Qui aboyé et ne veoit rien.
Calbain.
Je voys bien qu'il me fault courser.
Par la chair bieu , vieille dampnée , Je vous feray des coups cliier !
Je sçay bien , tu me l'as ostée , Ma bourse; j'en ay belle lettre.
La Femme.
Si m'y touchez , je vous feray mettre A la prison du chasteau, nicque, nicque, nocque, A la prisou du chasteau, nicque nocqueau.
D E Cal BAIN. i
Calbain.
Sainct Jehan , me voylà bien et beau ! Tu sçais qu'il nie fault acbepler Des souliers. Fault-il tant prescher?
Rendz-moy ma bource , si tu reulx.
La Femme.
Et que tant vous estes fascheulx !
Cherchez vostre bourse aultre part.
Calbain.
Le grant dyable y puisse avoir part !
Rendez vistement, depeschez.
La Femme.
Cest homme cy faict des peschez Assez pour [en] confondre ung aultre.
Calbain.
Je te batray comme peaultre ,
Si vistement ne (me) rendz ma bourse !
La Femme.
Mercy Dieu, s'il fault que me course, Que dyable esse qu'il vous fault?
Calbain.
Vous en aurez tout de plain sault.
Çà, rendez ma bourse vistement.
La Femme.
Au meurti'e ! Tu m'as villainement Meurdrie , vieil coqu joquessu.
Calbain.
Mais seray-je tousjours deceu De ceste vieille becquerelle ?
i56 Farce
C'est la plus dangereuse femelle Que je vis oucques de l'année.
Mais , par ma foy, vieille darapnée , Je moustrcray que je suis niaistre !
Voluntiers me feroys paistre.
Non ferez pas.
La. Femme.
Par le jour qui luyt , Plus ne coucheray à ton lict.
Voire jamais ne te feis tort.
Penses-tu que c'est beau rapport , Que tu m'appelles larronnessc ?
Je faictz à Dieu veu et promesse Que je te renonce à jamais.
Calbain.
Ha , taisez-vous , ni'amye , paix , paix ! Je cognois bien que c'est ma faulte; Mais j'ay la teste ung peu trop chaulde ' Suportez mes conditions.
Mais , sans plus de temptations , Qui l'a prinse? Vous ne l'avez pas?
Mais, quant je regarde à mon cas , Où la pourray-je bien avoir mise 1 Elle l'a , non a , elle l'a prise :
Au fait, elle l'eust cogneu.
Ce cas me sera incogneu.
Au (grant) dyable puist aller labource!
Mais pourquoy ra-el(le) prinse? Pour ce. El(le) ne l'a pas prinse ; sy a ; Non a , sy a ; non a , sy a.
Mais que (grant) dyable pourray-je faire? Je ne sçay, pour le bien parfaire.
Je puisse estre envers Dieu infâme,
DE Calbain. iSy
Si jamais je me fie à femme :
Car ce n'est qu'altercation.
Or, pour toute conclusion ,
Tel trompe au loing qui est trompé.
Trompeurs sont de trompés trompez ;
Tronpant trorapettez au tromp[é]
L'homme est trompé.
Adieu, trompeurs, adieu. Messieurs.
Excusez le trompeur et sa femme.
Finis.
Cy fînist la farce de Calbain. Nouvellement
imprimée à Lyon, en la maison de feu
Barnabe Chaussard, près Nostre-
Dame de Confort.
M.D.xlviii.
FARCE NOUVELLE
A quatre pej'sonnaiges , c'est assai'oir
LE COUSTURIEK
ESOPET
