LE GAUDISSEUR ET LE SOT
Le GAUDISSEURert chantent.
S^'^lv"^ eune , gente , plaisante et lye , (Je suis vostre loyal servant I Et le seray toute ma vie.
^^ Quelque chose que l'on en die, Tousjours sei'ay mignon et gay, Âussy gent comme ung papegay, Fringant à la mode qui court.
Le Sot.
Voire, pour remplir sa vecie.
Puis a])rès tant croquer la pie Qu'il s'endormit en une court.
Le Gaudisseur.
Pour faire gambades à plaisance Il n'y a homme en toute France
Farce du Gaudisseuh. 293 Que moy, pour faire promptement.
Le Sot.
Et il faict sa malle mescliance ; Il a le broudier et la paiice Plus pesant que nostre jument.
Le Gaudisseur.
Je suis legier comme une plume Et faict comme ung esmerillon.
Le Sot.
Il est legier comme uug enclume Et faict comme ung corbillon.
Le Gaudisseur.
Quant sur ma teste ay ma salade , Pour à coup faire une passade Homme n'en crains dessus la terre.
Le Sot.
Voire , pour battre ung malade, Quant il a sa grande hallebarde, Et pour casser à coup ung voirre.
Le Gaudisseur.
Quant je me ti-euve sur les rens , Chascun si me dit : Je me rens , Monseigneur, à vostre mercy.
Quand il se treuve avec gens Pour à coup menger six harens , Jamais n'en a nulz mercy.
Le Gaudisseur.
Quant je me treuve en la guerre, Je tue , je jette par tei-re
294 Farce
Comme fait le boucher img veau.
Le Sot.
Voire, à jouster contre ung voirre, Puis se laisser cheoir par terre, Et s'endormir comme un pourceau.
Le Gaudisseur.
Pour danser, chanter à plaisance , Pour donner de grans coups de lance , Habille en suis , quoy que Ton dye.
Le Sot.
Pour menger oultre habondance, Si fort que luy tyre la pance , Il est maistre , je vous affie.
Le Gaudisseur.
Quant je me trcuve à l'estroit,
A plaisance tirer ung traict ,
Homme n'en crains, quoy qu'on en grongne.
Le Sot.
Voyre , pour boyre tout d'ung traict Ung pot de vin , quant il est traict , Et s'endormir comme ung yvrongne.
Quant je me trouve en bataille , Je frappe d'estoc et de taille , Et secoue bien le pellisson.
Le Sot.
Tu dis vray, va, baille luy, baille; Ma foy, il ne vault que de raille Et se cache contre ung buysson.
Le Gaudisseur.
J 'ay esté en Hierusalem ,
DU Gaudisseur. 295
En la terre de prestre Jehan , En Bahiloyne , en Albanie.
Le Sot.
Et il a faict son sanglant mal an ; 11 ne fust oncques, par sainct Jehan, Plus loing d'une lieue et demye.
Le Gaudisseur.
J ay chevauché la grant mer Rouge, Et allay au trou saint Patris.
Le Sot.
11 y engrossa une vouge Qui avoit nom dame Bietrix.
Le Gaudisseur.
J'entray dedans le monastère Où je rencontray ung beau père, Qui oncques ne me sonna mot.
Le Sot.
11 entra par l'huys de derrière , Où il robba une chauldière, Une escuelle, ung plat et ung pot.
Le Gaudisseur.
Pensez que fus bien esbahy Quant au pertuis fus descendu.
C'estoit là où il futbanny, Et fut appelle près rendu.
Le Gaudisseur.
Je descendis tout pas à pas , Sans y veoir lune ne soleil.
296 Farce
Le Sot.
Il avoit beu par tel compas Qu'il avoit les larmes à l'ueil.
Le Gaudisseur.
Je me trouvay en une plaine Là où je souffry mainte peine Qui me fit maistre Grimouart.
Le Sot, Là où il cherchoit de l'avoine Pour donner à sonbidouart.
Le Gaudisseur.
A moy tantost vint ung preudhomme Qui m'a dit et demanda comme Dedans ce lieu entré j'estoye.
Le Sot.
Par le vray sainct Pierre de Romme , C'estoit une femme, en somme, Qui demandoit de la monnoye.
Le Gaudisseur.
Je luy respondis fièrement , Et luy dis : Âirière, villain.
Le Sot.
Par le vray Dieu , le ribault ment :
El(le) luy donna deux coups de poing.
Je fis tant que je m'eschappé , Et sortis hors du monastère.
Le Sot.
Il avoit peur d'estre happé ,
DU Gaudisseur. 297
Car on l'eust batu à Tenchère.
Le Gaudisseur.
Je m'en allay sans plus atendre, Tant que jambes peurent estendre, Mon chemin [tout] cboict à Sainct-Jacques.
Le Sot.
Pensez que se on l'eut peu prendre, On luy eut fait conte rendre Où il avoit robe se jaques.
Le Gaudisseur.
Je cheminay par mer et terre , Tant que j'alay en Angleterre , Et de là au pays d'Escosse.
Le Sot.
Je croy qu'il vouloit faire guerre Encontre ung pot ou conti'e un verre, Qui est trestout couvert de mousse.
Le Gaudisseur.
Je descendis par Picardie ,
Par Henault , faisant chière lye ,
Et puis passay pai* Vermandoys.
De quelque chose qu'il vous dye , II n'a pas bien croqué la pye , Il souffle souvent en sesdoigtz.
Le Gaudisseur.
De là je m'en allay en France , En Lombardie et en Pi'ovence , A Romme, à Naples, à Venise.
298 Farce
Le Sot.
Par saincte Marie , quant j'y pense , Pour bien mentir a la plaisance , N'a son pareil d'icy à Pise.
Le Gaudisseur.
Puis m'en allay en Allemaigne , En Ynde , en Turquie , en Bretaigne , A Paris, à Rouen, à Lyon.
Le Sot.
A bien bouter il ne s'espargne , Mais il a oublié Cocaigne , Oii il fut coquillon.
Le Gaudisseur.
Quant à Lyon fus retourné , C'estoit le lieu où je fus né , Chascun me presentoit des biens.
Le Sot.
Oncques ne luy fut mot sonné , Fors que : Au dyable soit-il donné, Et mengé des pourceaulx et chiens.
Le Gaudisseur.
Je feus receu honnestement De gens de bien, qui vistement Vindrent après [moy] par exprès.
Dieu mette en mal an qui en ment; Oncques nul ne vint au devant , Sinon deux malostrus racletz.
Le Gaudisseur.
Viandes si furent apportées
DU Gaudisseur. 299
Et sus les tables posées Assez pour servir dix roys.
Le Sot.
On luy bailla pour dignée Une très grosse fricassée De deux fèves et deux poys.
Le Gaudisseur.
On me fîst asseoir à la table Comme ung roy ou ung connestable , Et servir à mode de court.
Le Sot.
Par ma foy, vecy bonne fable , On le fist mettre en une estable, Près les latrines de la court.
Le Gaudisseur.
Chappons , poulies , canars , possins , Cochons , pigeons , lièvres , connis , Oyes grasses , perdrix , beccasses.
Le Sot.
Pourceaulx , cbièvres , loups , matins , Chatz , chattes , souris , ratz , ratins ,
Y venoyent de toutes places.
Le Gaudisseur.
Tabourins , aussi ménétriers , Joueurs de lucz et d'esquiers, Vindrent là pour me faire feste.
Le Sot.
Porchiers , vachiers , aussi bouviers , Coquins , maraulx , larrons , meurtriers ,
Y venoyent, sans faire arrestc.
3oo Farce
Le Gaudisseur.
Venaison de sengliers et serfz , De biches qui sont es desers , Chevreux, chevreaulx et aussi dains.
Le Sot.
Loups , regnars se sont tenus près ; Loups , louyeaux si vont après , Et hérissons suyvans le train.
Le Gaudisseur.
Vin blanc , vin claret de Lyon , Des potz en eut un milion ; Vin d'Alican , de Rommauie , Vin bastard, qui faict chière lie , Vin d'Arragon , vin de Rosette , Vin qui croist près de Guebelette , Vin d'Anjou , vin de Sainct-Porcin , Vin de Beaulne et vin de Coing , Malvoisie et muscadeau , Vin d'Auxarre qui est tant beau .
Et aussi bon vin d'ypocras.
Le Sot.
Je n'en boy que le mardy gras.
Le Gaudisseur.
Tous ses vins si vindrent en place.
Sangbieu, ce n'estoitpas fallace. Je fuz servy mignounement.
Le Sot.
Dieu mette en mal an qui en ment ;
DU Gaudisseur. 3oi
Tant de vins sont trop frigaletz.
Ma foy, il a eu pour tous metz De la servoyse ou du bouillon , Dont il a remply son couillon.
J'apperçoy bien, par mon serment, Que trestout son faict ne vault néant, Sinon à dire motz de gueuUe.
Le Gaudisseur.
A celle fin que ne demeiurc, Pastez et aussi fricassée , Pain blanc , miches , tartes succrées , Tout cela si fut apporté.
Le Sot.
A, Jésus, benedicite.
Le Gaudisseur.
L'eaue rose à laver les mains ; Après disner furent les baingz Bien préparez par beaulx conduitz.
Le Sot.
A, Jésus, et deprofundis.
Le Gaudisseur.
Le lict on fist tost préparer Là oùjem'alay reposer; Puis la fiUe on me bailla.
Le Sot.
A, Jésus, ave Maria.
Quatre foys, sans point contredire , Je luy feis, sans souffrir martyre, Voire plus , car je Tay conté.
3o2 Farce du Gaudisseur.
Le Sot.
A, Jésus, benedicite.
Le Gaudisseur.
Messeigueurs , pour vous faire fin , Je fus servy à la plaisance.
Quant vint le lendemain matin , Je me rendy à l'Observance.
Adieu vous dy, car je m'en voys Tourner le rost en la cuysine.
Là où je mengeray des poys Emprès une bonne geline.
Le Sot.
Prenez en gré l'esbatement, Seigneurs et dames , je vous prie.
Après luy m'en vois vistement.
Adieu toute la compaignie.
Finis.
FARCE NOUVELLE
