DE BAI GN 0 L ET
Imprimée nouvellement k Paris (i)
Le Franc Archier de Baigno-
LET. Il corne à un cornet.
C'est à raeshuy, j'ay beau corner; Or çà , il m'en fault retourner, Maulgré mes dentz , en ma maison.
Si ne vis-je pieça saison Où j'eusse sy hardy courage Que j'ay. Par mon serment, j'enrage Que je n'ay à qui me combattre !
Y a-il homme qui à quatre....
— Que dis-je, — quatre qui à moy vueille Combatre? Vienne ! si se reveille !
Velà mon gantelet pour gage.
Par le sang bien , je ne crains page, S'il n'a plus hault de quatorze ans.
J'ay autresfois tenu les rens , Dieu mercy, et gaigné le pris Contre ung Angloys que je pris , Pauvres prisonniers desnuez , Si tost que je les euz tuez.
fl) Texte préférable à celui qui se trouve dans diverses éditions des œuvres de Villon.
Farce du Franc ârchier. 827
Se fut au siège d'Alançon .
Les troys se misi'cnt à rançon , Et le quatriesme s'enfuyt.
Incontinent que l'autre ouyt Le bruit, il lae print à la gorge.
Se je n'eusse crié Sainct George !
Combien que je suysbon Françoys, Le sang bien , il m'eust tué ainçoys Que personne m'eust secouru.
Et quand je me senty féru D'une bouteille, qu'il cassa Sur ma teste , or venez çà , Dis-je lors , que cbascun s'appaise , Car je ne quiers faire noyse; Ventre bien , vivons ensemble I Posé soit ores que je tremble, Sang bieu , je ne vous crains maille.
Cy dit ung quidam : Coquelicoq !
Qu'esse-cy? j'ay ouy poullaille
Chanter cheuz quelque bonne vieille ;
Il convient que je la reveille.
Ponllailles font icy leurs nidz!
C'est du dcmourant d'Ansenys
[Par ma foy, ou de Champ-Toursé].^
Ha , que je me vis courroucé
De la mort d'ung de mes nepveux !
J'euz d'ung canon par les cheveux
Qui me vint di-oit fcrir en barbe ,
Et je m'escrié : Saincte Barbe !
Vueillez raoy ayder à ce coup,
El (je) vous ayderay (à) l'autre coup,
Fist le canon : il m'esbranla.
Et vint cette fortune là
Qîiant nous eusmes le fort conquis.
328 Farce
Salezart et [puis] le Marquis ,
Concressant , Langrcs , [et] Bressoire ,
Acoururent tous veoir l'histoire.
La Roche-Foucault , (et) l'admirai ,
Monsieur de Buel et son atiral ,
Pointievre et tous le[s] capitaines,
Si deschaussèrent leurs mitaines
De fer, de paour de m'affoler.
Et si me vindrent acoler
A terre, oùj'estoye meshaigné.
De paour de dire : il n'a daigné ,
Pose que je fusse malade.
Je mis la main à la salade ,
Car el(le) m'escorchoit le visage.
Ha , dist le Marquis , ton outrage
Te fera une foys mourir ;
Car il m'avoit bien veu courir
Outre l'ost, derrière le chasteau.
Là où je perdis mon manteau ,
Car je cuidoys d'une poterne
Que ce fust l'huys d'une taverne.
Et moy tantost de pietonner ;
Car, quant on oyt clerons sonner,
Il n'est couraige qui ne croisse
Incontinent. Où esse? où esse?
A brief parler, je m'y fourre
Ne plus ne moins qu'en vieille bourre.
Si ce n'eust esté la brairie ,
Du costé devers la prairie ,
De noz gens qui ne [me ?] crient tous :
« Pierre , Pierre , que faictes-vous ?
» N'assaillez pas la basse court! »
Tout seul je l'eusse prinse court.
Mais, par Dieu, c'estoit outrage;
DU Franc Archier. 329
Et , si ce n'eustesté ung page
Qui nous vint trencher le chemin ,
Mon frère d'armes Guillemin
Et moy, Dieu luy parJoint pourtant,
Car (quoy) il nous (en) appartient autant ,
A l'œil eussions , sans nulle faille ,
Frappé au travers la bataille
Des Bretons; mais nous apaisâmes
Nos courages et recullames
— Que dy-je? non pas reculer
Chose de quoy on doit parler —
Un rien, jusques au lyon d'Angiers.
Je ne craignois que les dangiers ,
Ne n'avoys paour d'autre chose.
Et quant la bataille fut close
D'artillerie grosse et gresle ,
Vous eussiez ouy [pesie] et mesle
Tip, tap, sif, saf, à la barrière,
Aux esles, devant et derrière.
J'en eu d'ung parmy la cuirace.
Les dames de dedans la place
Ne craignoient fors que le couillart.
A, Dieu, j'estoye bien paillart !
J'en avoye un si portatif.
Et j'eusse esté si hastif
De mettre le feu à la pouldre !
J'eusse destruit et mis comme fouldre
Tout ce qu'il y avoit de damoiselles.
Il porte deux pierres jumelles ,
Mon couillart; jamais n'en a moins.
Et dames de joindre les mains
Quant ilz virent livrer l'assault.
Les ungs les servoyent du courtault
Si hault, si doulx , si net que terre.
33o Farce
Et puis quoy, parmy ce tonnerre,
Eussez ouy sonner trompettes,
Pour faire dancer ces fillettes.
Et quant je y pense, par mon serment,
C'est belle guerre que de femmes.
J'avoye tousjours pitié des dames ;
Car veu qu'un courtault passe un mur,
Elles auroient le ventre bien dur
S'il ne passoit oultre. Pensez ,
On leur eust fait du mal assez ,
Se on n'eust eu noble courage.
Mesmes ces pehons de village,
.l'entends pehons de plat pays,
Ne se fussent point esbahis
De leur mal faire ; mais nous sommes
Tousjours, entre nous gentilshommes,
Au guet dessus la viilenaille.
J'estoye par deçà la bataille,
Tousjours la lance ou la bouteille
Sur la cuisse ; c'estoit merveille.
Merveille de moy regarder.
Il vint un Breton estrader
Qui faisoit rage d'une lance ;
Mais il avoit déjeune enfance
