I. Vertige
APPENDICE. laj
Soit en destour ou en embûche On va cryant semblablement.
A ieun ou yure, huche, bûche, Pour se chauffer certainement.
Puis vous orrez a haulte voix Par ces rues matin et soir •Charbon, charbon de ieune bois Très fort crier pour dire voir.
Après orrez sans nulz arrestz Parmy Paris plusieurs gens .
Portans et cryant les costretz Où ils gagnent de l'argent.
Puis vous orrez sans demourée Parmy Paris à Testourdy Fort crier bourrés, bourrée, Pour vérité cela vous dy.
Puis ung tas de frians museaulx Parmy Paris cryer orrez .
Le iour pastés chaulx, pastés chaulx Dont bien souuent n'en mengerez.
Puis après sans villennie Parmy Paris cryer ou oit Pour bon fromage Brye^ Brye, Tout un chacun cela congnoist.
Puis couroucé ou tout allègre Parmy Paris on va cryant Tant comme on peult, bon vin aigre, Dont qui en veult si vient auant.
Après par sens ou follye A Paris Ton crye très hault Jeunes ou vieulx, Lye, Lye, Ausquelz elle proffîte et vault.
Sans vous musser ne cacher Cryer orrez sans nul faintise A Paris vieulx fer et acier
Ce qu'on ne fait pas à Venise.
Cryer orrez tout à deux saulx Parmy Paris et de plain vol Le vieil fer et les vieulx drappeaulz.
A quelqun le bissac au col.
Puis orrez cryer sans qu'il tarde Parmy Paris en plusieurs lieux Pour chose certaine, moustarde, Qui a maint fait pleurer les yeulx.
Conséquemment par entrefaictes A gens de diverses manières Orrez cryer les alumettes Auquel mescier ne gangnent gueres.
Après orrez un Loricart Qui est plus orgueilleux qu'un pet Cryant deux manequins pour ung liart, Qui ne valent pas ung nicquet^.
Puis se vous auez appétit Dentendre cryer ung chacun Tantost orrez gangne petit Dont suis suppost sans nul desrun '^
Après orrez sans long espace De ce fault que murmurion Espingles cryer sans fallace A ung tournois le carteron.
Et se cryer vous entendez Parmy Paris trestons les cris Cryer orrez les eschauldez Qui sont au beurre et œufs pétris.
Aussi ou crye les tartellettes A Paris pour enfant gastez Lesquelz sen vont en ces ruettes
