V. c. XX. 17b

Fust entreprins uue ordonnance

De bailler sans nul retardance ,

Par abbez , prieurs et curez ,

Et sans de tout ce mui-murer ,

Par estât, déclaration ,

En bien ample narration ,

Et par procureurs de fabriques ,

Sans en ce faire nulz replicques ,

Leurs cens , rentes , fiefz , seigneuries

Par escript et en bon divis ;

En quel fié , de quel revenu ,

Ou chascun fust mal prévenu (1).

Dont fust faict mise sans proffit ,

De voir bien payé il suffis t.

Au Mans estoient les commissaires ,

Ou faillit (2) porter tous mémoires.

L'yver ne fust que de bon poys , Et ne fust grande cherté en boys.

De vins , sitres , grant habondance , Mais de bled ne fust suffisance.

La char toujours à moult hault pris , Si est le vin de Sainct Denys.

Le Caresme fust cher en beurre Car il estoit plus cher que feurre (3).

(1) En cest an, aulcuns sous l'autorité royale , s'efforcèrent contraindre les gens d'église bailler par déclaration les possessions et héritages qu'ilz lenoient de l'Eglise , et leur fust obey d'aulouns , mais plusieurs en furent refusans. (Bourdigné, Hystoirc agregatiue des Ànnalles et Cronicques d'Aniou , anc. édit. 3^ partie , feuillet 196 ; idem , édit. de Quatrebarbes , t. II , p. 327.)

(2) Faillit : Fallut.

(3) Feurre, feur : Fixation de prix, valeur mise aux denrées.